#ташаббус

“Мен ҳам ректор бўламан” — талабалар ректор иш столида

Яқинда Навоий давлат университети ректори, профессор Мухиддин Калонов талабалар турар жойида тунаб, ёшлар билан бир дастурхон атрофида илиқ суҳбат қургани барчанинг эътиборига тушганди. Ана ўша унутилмас кечада ректор талабаларга кечки овқат олиб беришини ва ўз иш хонасига таклиф қилиш ниятини билдирган эди. Ваъда бажарилди!

Куни кеча университет талабалари учун чин маънода тарихий ва ҳаяжонли кун бўлди. Мухиддин Калонов талабалар турар жойидаги талабаларни ўз иш хонасига таклиф этди. Ректор уларни анъанавий тарзда эмас, балки иш столига яқин, расмиятчиликдан ҳоли ҳолда жойлаштириб, чинaкам очиқ мулоқот майдонини яратди.

“Мен ҳам ректор бўламан!” — деган орзулар қалбида яшаётган ёшлар бугун ректор иш столида ўтириб, университет бошқаруви, таълим жараёни, талабалар ҳаёти ҳақида ўз фикр ва таклифларини бевосита етказиш имкониятига эга бўлишди.

Ректор эса ўз ҳаёт йўли, илмий фаолияти, бошқарув тажрибаси ва муҳим сабоқларга тўла маслаҳатлари билан ёшларга илҳом бағишлади. Бу учрашув меҳр, ишонч ва самимиятга бой бўлиб, талабалар қалбида илиқ туйғулар қолдирди.

Суҳбат чой устида давом эттирилди — бу эса мулоқотни янада эркин ва самимий тусга келтирди. Талабалар ректорга яқинроқ бўлиш, унинг фикрларини тинглаш, саволларига бевосита жавоб олиш имкониятига эга бўлдилар.

“Бундай суҳбатлар биз учун катта мотивация. Ректор билан бир хонада, бир столда ўтириш – бу катта ишонч ва эътибор белгиси. Биз бунга лойиқ бўлишга ҳаракат қиламиз”

,  — дея таъкидладилар талабалар.

🇺🇿Навоийликларга қўшилинг👇
➥https://t.me/joinchat/RWeqIuBQ9V0K63_4