📖📖📖📖📖

Paralimpiya chempioni Elbek Sultonov bilan uchrashuv boʻlib oʻtdi

✔️Navoiy davlat universitetida sportning para yengil atletika turi boʻyicha yadro uloqtirish yoʻnalishida mashhur sportchi, “TOKIO-2020” paralimpia oʻyinlari bronza medali sovrindori, “PARIJ-2024” paralimpiadasi oltin medali sohibi Elbek Sultonov bilan talabalar uchrashuvi tashkil etildi.

Faxrimiz, yurtimiz sportining yorqin namoyondalaridan biri hisoblangan Elbek Sultonov oʻz vaqtida Navoiy davlat pedagogika instituti Jismoniy madaniyat fakultetida tahsil olgan va bugun bu dargohga faxrli mehmon sifatida qaytdi.

Tadbirda universitetning oʻquv ishlari boʻyicha prorektori T.Choriyev, Sanʼat va sport fakulteti professor-oʻqituvchilari, talabalari ishtirok etdi.

Uchrashuvda Еlbek Sultonov soʻzga chiqib, universitetga boʻlgan chuqur hurmatini izhor etdi. U oʻzining sport yoʻlidagi ilk qadamlari, qiyinchiliklar, mehnatsevarlik va qatʼiyat bilan erishgan yutuqlari haqida talabalar bilan samimiy suhbat qildi. Shuningdek, bugungi kunda erishgan muvaffaqiyatlarining asoslaridan biri aynan universitetda olgan bilim va tarbiya ekanini alohida taʼkidladi.

Bu kabi uchrashuvlar yosh sportchilarni ruhlantirishi va yangi marralarni zabt etishga xizmat qiladi.

👌Navoiy viloyati hokimligi
Axborot xizmati

🧠Veb Sayt |✈️ Telegram | 🌐Facebook | 📸Instagram | ▶️ Youtube