#imkoniyat

AQSHda Toshkent viloyatining vakolatxonasi ochildi

Xabar berganimizdek, ayni paytda Toshkent viloyati hokimi Zoyir Mirzayev rahbarligidagi viloyat delegatsiyasi xizmat safari bilan AQSHda bo‘lib turibdi.

Tashrifdan ko‘zlangan asosiy maqsad  Toshkent viloyatining xalqaro iqtisodiy aloqalarini rivojlantirish, xorijiy investisiyalarni jalb etish va ikki tomonlama savdo-iqtisodiy, madaniy-gumanitar hamkorlikning yangi imkoniyatlarini yaratishdir.

AQSHning Florida shtati Gollivud shahrida Toshkent viloyatining vakolatxonasi ochilgani ham bu yo‘nalishda yana bir muhim qadam bo‘ldi.

Yangi vakolatxona — viloyatning iqtisodiy, madaniy va turistik salohiyatini AQSHda keng targ‘ib etish, shuningdek, amerikalik biznes hamkorlar bilan to‘g‘ridan-to‘g‘ri muloqot o‘rnatishda muhim platforma vazifasini bajaradi.

Toshkent viloyati va Gollivud shahri o‘rtasida bir qancha yo‘nalishlarda qator qo‘shma loyihalarni amalga oshirish rejalashtirilmoqda. Bu borada mazkur vakolatxona orqali viloyatdagi tadbirkorlar va eksportyorlar uchun AQSH bozoriga chiqishda amaliy ko‘mak ko‘rsatish, ishbilarmon doiralar o‘rtasida hamkorlik ko‘priklarini yaratish ko‘zda tutilgan.

✅Telegram 🌐Website 📹YouTube✅Facebook 🕊Twitter