#ўрганиш

Жорий йилнинг 16-сентябр куни Нурафшон шаҳрининг Тошкент йўли кўчасида реклама воситаларининг “Реклама тўғрисида”ги Қонун меъёрларига қай даражада мос келиши юзасидан шаҳар ҳокимининг маслаҳатчиси Мохира Шоисманова томонидан ўрганиш ҳамда тушунтириш ишлари олиб борилди.

Натижасида 10 га яқин реклама воситалари меъёр ва қонун талабларига жавоб бермаслиги аниқланилиб, огоҳлантириш хатлари берилди.

❗️Ҳурматли тадбиркорлар, “Реклама тўғрисида”ги Қонун 9-сентябрдан кучга кирганлиги муносабати билан жойлаштириладиган реклама воситаларни қонун талаблари асосида ўрнатишларингизни сўраймиз.

📌 Қонун талабларини бузганлик учун БҲМнинг 30 бараваридан 100 бараваригача жарима солишга сабаб бўлади.

@Nurafshonpressa

#соғлом_турмуш

Нурафшон шаҳар тиббиёт бирлашмасида даволанаётган беморлар ҳамда бирлашма ходимлари пиёда юриш саломатликка кафолат мазмунидаги пиёда юриш тадбирини уюштиришди.

Қон босимини меъёрлаштиришда, кайфиятни ва организмнинг умумий ҳолатини яхшилашда қўл келадиган мазкур тадбир мунтазам олиб борилишига, айниқса шифохона беморлари тарафдор бўлишди.

@Nurafshonpressa

#маънавий_олам

Маънавияти бой жамият яратиш муҳимдир

“Учинчи Ренесанс – маърифатли жамият сари ўтиш давридир”, “Янги Ўзбекистон стратегиясида маънавият ва маърифатни тараққий эттириш – давр талабидир” мавзуларидаги учрашувлар ўтказилди

Батафсил ўқинг: https://clck.ru/323h8i

@Nurafshonpressa

#жараён

Нурафшон шаҳрининг таълим муассасаларида шаҳар ҳокимлиги, ИИБ ҳамда Ҳалқ таълими бўлими ҳамкорлигида вояга етмаганлар ўртасида жиноятчилик ва ҳуқуқбузарликни олдини олишга қаратилган тадбирлар ўтказилиб келинмоқда.

Назорат жараёнлари авваламбор ўқувчи-ёшларнинг давомат тартибига йўналтирилишини алоҳида қайд этиш лозимдир. Дарс пайтида ўқувчиларнинг беҳуда вақт сарфламасликлари, синф хонасида бўлиш мажбуриятлари ўтказилаётган тадбир давомида таъкидланиб келинмоқда.

Шунингдек, Нурафшон шаҳар ҳокимлиги Болаларни ҳимоя қилиш шўъбаси раҳбари А.Жонқобилов ва шаҳар ИИБ ХПБ ВЕМБ инспектор-психологи, катта лейтенант М.И.Джумабаевалар бошчилигида юқори синф ўқувчилари иштирокида ''Вояга етмаганлар ўртасида жиноятчилик ва ҳуқуқбузарликларни олдини олиш'' ҳамда ''Келажак ёшлар қўлида'' мавзуларидаги давра сухбатлари мунтазам ўтказилиб келинмоқда

@Nurafshonpressa

#спорт
#беш_ташаббус

Беш ташаббус мусобақаси доирасидаги мусобақалар давом этмоқда

Нурафшон шаҳрида ушбу мусобақаларнинг қизғин палласи ўлароқ "Пракрор кубоги" учун спортнинг миллий кураш туридан беллашувлар олиб борилди.

Курашчи ёшлар ғалаба учун астойдил бел боғладилар.

@Nurafshopressa