Toshkent yo‘li ko‘chasida obodonlashtirish ishlari davom etmoqda

Nurafshon shahri markazidagi Toshkent yo‘li ko‘chasida keng qamrovli obodonlashtirish ishlari amalga oshirilmoqda. Ushbu jarayon doirasida piyodalar harakati uchun zamonaviy, qulay va xavfsiz yo‘laklar barpo etilmoqda.

Shuningdek, yashil hududlarni kengaytirish, gul va daraxt ko‘chatlari ekish hamda ularni parvarishlash ishlari tashkil etilgan. Mazkur obodonlashtirish ishlari shaharning arxitekturaviy ko‘rinishini yanada yaxshilash, ekologik holatini sog‘lomlashtirish va aholiga qulay sharoitlar yaratishga qaratilgan.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Shahar ko‘rkiga ko‘rk qo‘shilmoqda

Bugun mahalliy yo‘llar bo‘ylab obodonlashtirish va ko‘kalamzorlashtirish ishlari izchil davom etmoqda. Ayniqsa, mavsumiy gullar ekish, daraxt taglarini yumshatish, gullarga oziqlantiruvchi tuproq solish kabi ishlar aholi kayfiyatiga ijobiy ta’sir ko‘rsatmoqda.

Shaharning turli hududlarida faoliyat yuritayotgan obodonlashtirish brigadalari tomonidan yo‘l chetidagi gulzorlarga parvarish ishlari olib borilmoqda. Mehnatkash ayollar gul ko‘chatlarini yerga qadab, ularni g‘amxo‘rlik bilan parvarish qilmoqda. Har bir gul niholiga mehr bilan yondashilayotgani shahar go‘zalligini yanada oshirishga xizmat qilmoqda.

Bu kabi ishlar nafaqat shahar ko‘rkini oshiradi, balki ekologik muvozanatni saqlashda ham muhim ahamiyat kasb etadi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt