#Nurafshon_shahar #5Tashabbus_Voleybol #IIB_kubogi

Nurafshonda “IIB kubogi” uchun voleybol musobaqasining shahar bosqichi bo‘lib o‘tdi

Nurafshon shahrida “Besh tashabbus” olimpiadasi doirasida voleybol bo‘yicha shahar bosqichi musobaqasi o‘tkazildi. Unda 16-21 hamda 22-30 yosh toifasidagi yoshlar jamoalari ishtirok etib, “IIB kubogi” uchun o‘zaro kuch sinashishdi.

Mazkur sport tadbiri sog‘lom turmush tarzini targ‘ib qilish, yoshlar o‘rtasida sportga bo‘lgan qiziqishni oshirish hamda iqtidorli sportchilarni aniqlash maqsadida tashkil etildi. Musobaqalar jarayoni yuqori kayfiyatda, sportga xos halollik va do‘stona muhitda kechdi.

Yakuniy natijalarga ko‘ra, g‘oliblikni qo‘lga kiritgan jamoalar viloyat bosqichida ishtirok etish huquqini qo‘lga kiritishdi va esdalik sovg‘alari bilan taqdirlandilar.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Bobur hamda Toshkent yo‘li ko‘chalarida obodonlashtirish ishlari davom etmoqda

Shahar Obodonlashtirish boshqarmasi xodimlari tomonidan ushbu hududlarda tozalash, daraxtlarni parvarishlash va ko‘kalamzorlashtirish ishlari olib borilmoqda.

#Nurafshon #Obodonlashtirish #YashilMakondaHayot #BoburKo‘chasi #ToshkentYo‘li #TozaShahar #Go‘zalManzara #ShaharTaraqqiyoti

#SayyorQabul #Nurafshon

Nurafshon shahrining “Dehqonobod” mahalla fuqarolar yig‘ini binosida navbatdagi sayyor qabul bo‘lib o‘tdi.

Tadbirda O‘zbekiston Respublikasi Prezidenti Administratsiyasi huzuridagi ishchi guruh a’zolari, Nurafshon shahri hokimi Ilxom Klichxanov, tegishli shahar sektor rahbarlari hamda Milliy gvardiyaning Toshkent viloyati boshqarmasi vakillari ishtirok etdi.

Sayyor qabul doirasida fuqarolar bilan bevosita muloqot o‘rnatilib, ularning turli sohalardagi muammolari atroflicha o‘rganildi. Har bir murojaat alohida ko‘rib chiqilib, joyning o‘zida huquqiy va amaliy yechimlar taklif qilindi.

Shuningdek, infratuzilma, ijtimoiy-iqtisodiy rivojlanish va mahallani yanada obod etish borasida muhim taklif va tashabbuslar ilgari surildi.

Mahalliy aholining dolzarb masalalariga e’tibor qaratilgan bunday sayyor qabullar — islohotlar samarasini joylarda yanada yaqinroq his qilishga xizmat qilmoqda.

Nurafshon shahar hokimligi Axborot xizmati
Telegram |Facebook | Instagram |You tube | Web sayt