#jarayon
#kuz_qishga_tayyorlagarlik

Kuz-qish mavsumiga puxta tayyorgarlik ko‘rilmoqda

Kuz-qish mavsumida iste’molchilarning elektr energiyasiga bo‘lgan ehtiyojini barqaror va uzluksiz ta’minlash maqsadida zarur chora-tadbirlar amalga oshirilmoqda.

Xususan, Nurafshon shahri elektr ta’minoti xodimlari tomonida O‘rta Chirchiq podstansiyasidan chiqadigan fider Qorasuv elektr tarmog‘ining Oybek mahallasi hududidan o‘tgan 500 metrlik qismida yuqori kuchlanishli havo tarmog‘i simlari zamonaviy AC kabellariga almashtirilmoqda.

Mazkur ta’mirlash va yangilash ishlari mavjud elektr tarmoqlarining texnik holatini yaxshilash, avariyaviy uzilishlarning oldini olish hamda aholiga barqaror elektr ta’minotini ta’minlashga xizmat qiladi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

#SayyorTibbiyKo‘rik

Dehqonobod mahallasida sayyor tibbiy ko‘rik o‘tkaziladi

Aholi salomatligini mustahkamlash va kasalliklarni erta aniqlash maqsadida Nurafshon shahri ko‘p tarmoqli markaziy poliklinikasi xodimlari tomonidan Dehqonobod mahalla fuqarolar yig‘ini hududida sayyor tibbiy ko‘rik o‘tkaziladi.

Ko‘rik jarayonida fuqarolar tor soha mutaxassislari, terapevt shifokorlar ko‘rigidan o‘tadi, shuningdek, EKG, UZD, laborator tahlillar kabi xizmatlar bepul taqdim etiladi.

Sayyor ko‘rik aholining salomatligini yanada yaxshilashga, profilaktika ishlarini kuchaytirishga qaratilgan.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

#sessiya

Xalq deputatlari Nurafshon shahri Kengashining navbatdagi 9-sessiyasi bo‘lib o‘tdi

Nurafshon shahri hokimligi majlislar zalida Xalq deputatlari shahar Kengashining yettinchi chaqiriq to‘qqizinchi sessiyasi bo‘lib o‘tdi. Sessiyada Xalq deputatlari, shahar hokimi I. Klichxanov, shahar ichki ishlar bo‘limi rahbari, hokim o‘rinbosarlari, Kengash kotibiyati, mahalliy korxona va tashkilotlar vakillari ishtirok etdi.

Sessiya kun tartibidan shaharning turli sohalarida 2025-yil II choragida amalga oshirilgan ishlarga oid muhim masalalar o‘rin oldi.

Dastlab, shahar adliya bo‘limi, ichki ishlar bo‘limi hamda Xalq qabulxonasi Nurafshon shahri bo‘limining chorak yakuni bo‘yicha axborot va hisobotlari eshitildi. Shuningdek, mahalliy byudjet daromadlari rejasi ortig‘i bilan bajarilgani va yer maydonlari bo‘yicha tushumlar asosida shakllangan mablag‘larni samarali yo‘naltirish masalasi muhokama qilindi.

Bundan tashqari, quyidagi tashkilotlar tomonidan amalga oshirilgan ishlar yuzasidan hisobotlar taqdim etildi:

🔹Shahar soliq inspeksiyasi;
🔹Tibbiyot birlashmasi;
🔹Ekologiya va atrof-muhitni muhofaza qilish bo‘limi;
🔹Yoshlar ishlari bo‘yicha shahar bo‘limi;
🔹Inson ijtimoiy xizmatlar markazi;
🔹“Toshkent suv ta’minoti” MChJ Nurafshon bo‘limi;
🔹Kambag‘allikni qisqartirish va bandlikka ko‘maklashish bo‘limi;
🔹Maktab va maktabgacha ta’lim shahar bo‘limi.

Sessiyada, shuningdek, O‘zbekiston Respublikasining “Geografik obyektlarning nomlari to‘g‘risida”gi qonuniga muvofiq shahardagi mavjud obyektlarni nomlash va qayta nomlash masalasi ko‘rib chiqildi.

Yig‘ilish davomida “Tashabbusli byudjet” jamg‘armasi mablag‘lari hisobidan jamoatchilik fikriga asoslangan tadbirlarni moliyalashtirish mezonlari muhokama qilindi. Shuningdek, O‘zbekiston Mahallalari uyushmasi Nurafshon shahri bo‘limi tomonidan mahallalarning ijtimoiy-iqtisodiy muammolarini hal etish jamg‘armasi daromadlari va xarajatlari bo‘yicha amalga oshirilgan ishlar haqida ham axborot berildi.

Sessiya yakunida qo‘shimcha masalalar ham ko‘rib chiqilib, tegishli qarorlar qabul qilindi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt