#nazorat

🏗 Qurilish holati o‘rganildi

Nurafshon shahri hokimi I.Klichxanov, shahar IIB boshlig‘i A.Yuldashev, prokuror o‘rinbosari A.Olimov, hokim o'rinbosari hamda tegishli tashkilot rahbarlari ishtirokida Qumariq mahallasi hududida qurilayotgan ko‘p qavatli uyning qurilish holati o‘rganildi.

Tashrif davomida qurilish jarayonidagi ish sifati, belgilangan loyiha talablariga rioya qilinishi va xavfsizlik choralariga e’tibor qaratildi. Mutasaddilarga qurilish ishlarini belgilangan muddatda va sifatli yakunlash yuzasidan zarur ko‘rsatmalar berildi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

#o‘zlik
#juma_milliy_liboslar_kuni

Milliy libos doim urfda

Haftaning har jumasi yurtimizda milliy liboslar kuni sifatida o‘tkazilmoqda.

Bugun, jumladan, Matluba Peltaboyeva rahbarligidagi Nurafshon shahri Tibbiyot birlashmasi tasarrufidagi sog‘liqni saqlash muassasalariga borsangiz, milliy libosda tibbiyot xodimlari sizlarga tibbiy xizmat ko‘rsatadi.

Bu orqali shifokorlar milliy qadriyatlarimizni saqlash va nomoddiy merosimizni avaylash, pirovardida, yosh avlod qalbida milliy g‘ururni shakllantirishga hissa qo‘shmoqda.

Siz ham milliy libos kiyib, o‘zligingizni faxr bilan namoyon eting! Zotan, milliy libos – doim urfda!

«Mash’al»ga obuna bo‘ling:
Телеграм | Youtube | Ok.ru | Instagram

Nurafshon shahri hokimi I.Klichxanov migratsiyada yurgan yoshlar bilan Zoom orqali muloqot qildi.

Ushbu uchrashuvda shahar IIB boshlig‘i A.Yuldashev, shahar hokimining o‘rinbosarlari, tegishli tashkilotlar rahbarlari hamda Yoshlar ishlari bo‘limi vakillari ishtirok etdi.

Chet elda bo‘lib turgan yoshlarning har biri bilan individual muloqot yo‘lga qo‘yilib, ularning muammo va takliflari o‘rganildi. Xususan, imtiyozli kredit olish, subsidiya asosida uy-joyga ega bo‘lish, O‘zbekiston hududida doimiy ishga joylashish kabi murojaatlar tinglandi.

Shahar hokimi yoshlarning murojaatlarini diqqat bilan tinglab, ularni bevosita mas’ullarga yetkazdi va yechimini topish bo‘yicha topshiriqlar berdi.

Shuningdek, muloqot davomida yoshlarning biri onasining tug‘ilgan kuni munosabati bilan shahar hokimidan o‘z nomidan tabrik yetkazishni so‘radi. Ushbu iltimosni e’tiborga olgan shahar hokimi bevosita xonadonga tashrif buyurib, yoshning onasini tug‘ilgan kuni bilan samimiy tabrikladi.

Telegram Facebook Instagram You tube