Navbatdagi “Hokimlik soati” yig‘ilishi bo‘lib o‘tdi

Nurafshon shahri hokimi I. Klichxanov raisligida navbatdagi “Hokimlik soati” yig‘ilishi o‘tkazildi. Unda shahar korxona va tashkilotlari rahbarlari hamda hokim o‘rinbosarlari ishtirok etdilar.

Kun tartibida Toshkent viloyati hokimi tomonidan berilgan topshiriqlar ijrosi, shuningdek, Mustaqilligimizning 34 yilligiga tayyorgarlik masalalari muhokama qilindi. Jumladan:

shahar ko‘chalarini bayramona bezash va hududlarni obodonlashtirish;
bozorlar va savdo maskanlarida arzonlashtirilgan oziq-ovqat yarmarkalarini tashkil etish;
go‘sht, kartoshka va boshqa asosiy oziq-ovqat mahsulotlari narxlarining barqarorligini ta’minlash;
maktablarda yangi o‘quv yiliga tayyorgarlik ishlarini yakunlash;
“Tashabbusli budjet” dasturining 1-mavsumida g‘olib deb topilgan loyihalar qurilishini jadallashtirish;
Mustaqillik bayrami arafasida foydalanishga topshiriladigan obyektlarga barcha kommunikatsiyalarni kiritish;
PQ-1-sonli qaror ijrosini ta’minlash masalalari ko‘rib chiqildi.

Yig‘ilish yakunida ko‘tarilgan masalalar yuzasidan tegishli mas’ullarga aniq topshiriqlar berildi.

Nurafshon shahri hokimi Qumariq mahallasida amalga oshirilgan ishlar bilan tanishdi

Nurafshon shahri hokimi I.Klichxanov shahar hokimining birinchi o‘rinbosari hamda tegishli mas’ullar bilan birgalikda “Zarbdor tajribasi” doirasida Qumariq mahallasi hududida amalga oshirilgan ishlar bilan tanishdi.

Tashrif davomida savdo va xizmat ko‘rsatish shoxobchalarini o‘rnatish, yashil hududlarni barpo etish kabi yo‘nalishlardagi ishlar ko‘zdan kechirildi. Shahar hokimi mazkur yo‘nalishlarda ishlarni yanada jadallashtirish bo‘yicha tegishli topshiriq va ko‘rsatmalar berdi.

Telegram |Facebook | Instagram |You tube | Web sayt

🇺🇿 Mustaqillik bayramiga tayyorgarlik qizg‘in!

Bino va inshootlarga bayramona bannerlar o‘rnatilib, markaziy ko‘chalar bo‘ylab bayroqlar ilinyapti.

#Mustaqillik34 #BayramTayyorgarligi #Nurafshon #VatanimMeniFaxrim

Nurafshon shahar hokimligi Axborot xizmati
Telegram |Facebook | Instagram |You tube | Web sayt