Prezident Murojaatnomasi va “O‘zbekiston – 2030” strategiyasi mazmun-mohiyati keng targ‘ib etilmoqda

Joriy yilning 19-yanvar kuni “Tong” madaniyat markazida O‘zbekiston Respublikasi Prezidenti Shavkat Mirziyoyevning Oliy Majlisga va O‘zbekiston xalqiga qilgan Murojaatnomasi hamda “O‘zbekiston – 2030” strategiyasining mazmun-mohiyati va ahamiyatiga bag‘ishlangan keng qamrovli targ‘ibot tadbiri bo‘lib o‘tdi.

🔹Mazkur tadbir “Birlik” va “Hurriyat”mahalla fuqarolar yig‘ini aholisi uchun tashkil etildi. Unda Nurafshon shahri hokimi Ilxom Klichxanov, shahar prokurori T. Karimov, IIB boshlig’i A. Yuldashev, Respublika ishchi guruhi a'zolari O. Musurmonqulov va B. Chinazbekov, mahalla faollari, nuroniylar, yoshlar hamda keng jamoatchilik vakillari ishtirok etdi.

🔹Targ‘ibot tadbirida Nurafshon shahri hokimi Ilxom Klichxanov boshchiligidagi mutasaddilar tomonidan Prezident Murojaatnomasida belgilab berilgan 2026 yilda amalga oshiriladigan eng muhim 6 ta ustuvor yo‘nalish atroflicha muhokama qilindi.

Prezident Murojaatnomasi va “O‘zbekiston – 2030” strategiyasi mazmun-mohiyati keng targ‘ib etilmoqda

🔹O‘zbekiston tarixida ilk bora Prezident Shavkat Mirziyoyev 2017-yil 22-dekabrda birinchi marta Oliy Majlis va O‘zbekiston xalqiga Murojaatnoma bilan chiqqan, shundan buyon Prezidentimizning har bir Murojaatnomasi xalqimiz tomonidan katta qiziqish bilan kutib olinib, chuqur e’tibor bilan tinglanadi.

“Murojaatnoma O‘zbekistonda davlat boshqaruvini zamonaviy bosqichga olib chiqqan samarali mexanizmdir”, – dedi shahar hokimi Ilxom Klichxanov.

🔹Bugungi tadbirda ham ma’ruzachilar tomonidan eng muhim va hayotiy masalalarga urg‘u berildi. Prezidentimiz tomonidan 2026 yil – "Mahallani rivojlantirish va jamiyatni yuksaltirish yili", deb e’lon qilingani esa xalqimiz uchun juda manfaatli, islohotlar uchun muhim dasturilamaldir.

✍️Nurafshon shahar hokimligi Axborot xizmati

Nurafshonda bo‘sh ish o‘rinlari mehnat yarmarkasi o‘tkazildi

Nurafshon shahar Kambag‘allikni qisqartirish va bandlikka ko‘maklashish bo‘limi boshlig‘i Mansur Xudaykulovning ma'lum qilishicha, bugun "Tong" madaniyat markazida bo'sh ish o‘rinlari mehnat yarmarkasi tashkil etildi.

🔹Aholi muammolarini joyida hal etish hamda ishsiz fuqarolar bandligini ta’minlash maqsadida Respublika ishchi guruhi a’zolari, Nurafshon shahar hokimligi va Nurafshon shahar Kambag‘allikni qisqartirish va bandlikka ko‘maklashish bo‘limi hamkorligida o'tkazilgan mazkur yarmarkada 7 ta korxona va tashkilot tomonidan jami 245 ta bo‘sh ish o‘rni taklif etildi. Tadbirda 27 nafar band bo'lmagan ishsiz fuqaro ishtirok etdi. Yarmarka natijasida 2 nafar yurtdoshimizning bandligi ta'minlanib, ishga joylashish uchun yo‘llanma oldi, 3 nafari esa kasb-hunarga o‘qishga yo‘naltirildi.

Turli sohalar bo‘yicha ish beruvchilar va ish izlovchilar ishtirok etgan yarmarkada ishtirokchilar uchun maslahat va tavsiyalar ham berildi.