#hamkorlik

Yirik urug‘chilik markazi va mahsulot taqsimlash punkti tajribalari bilan tanishildi

Qishloq xo‘jaligi muvaffaqiyatlarining zamini urug‘chilikdan boshlanadi. Ayni paytda Ispaniyada xizmat safari bilan bo‘lib turgan Zoyir Mirzayev boshchiligidagi  delegatsiya yirik urug‘chilik marakazi tajribalari bilan tanishdi.

Almeriya viloyatida joylashgan Grupo Cristalplant S.L. kompaniyasi urug‘chilik va ko‘chat yetishtirish sohasidagi yetakchi markazlardan biri hisoblanadi. Kompaniya asosan fermerlar tomonidan taqdim etilgan urug‘lar asosida yuqori sifatli ko‘chatlar yetishtirish, turli navlarni payvand qilish hamda ko‘chatlarni belgilangan bosqichgacha professional parvarishlash bilan shug‘ullanadi.

Delegatsiyani kompaniya rahbari Xosep Blanko kutib oldi va korxona bo‘ylab ekskursiya o‘tkazildi.

Korxona yillik 300 million donagacha ko‘chat yetkazib berish quvvatiga ega bo‘lib,  tarkibida urug‘larni untirish, ko‘chatlarni payvand qilish va regeneratsiya qilish bo‘yicha zamonaviy laboratoriya markazi faoliyat yuritmoqda.

30 gektar hududda joylashgan mazkur majmuada innovasion agrotexnologiyalar, avtomatlashtirilgan parvarish tizimlari va yuqori samarador ishlab chiqarish yechimlari keng qo‘llanilmoqda.

Uchrashuv davomida urug‘chilik, ko‘chatchilik, innovasion agrotexnologiyalar hamda Toshkent viloyatida zamonaviy ko‘chatchilik markazlarini tashkil etish yo‘nalishlarida o‘zaro hamkorlik imkoniyatlari atroflicha muhokama qilindi.

Shuningdek, tashrif doirasida kompaniyada qo‘llanilayotgan ilg‘or urug‘chilik va ko‘chat yetishtirish tajribalari o‘rganilib, sohadagi innovasion yondashuvlar yuzasidan fikr almashildi.

Tomonlar mazkur hamkorlik qishloq xo‘jaligida yuqori hosildor va eksportbop mahsulotlar yetishtirish, zamonaviy agrotexnologiyalarni joriy etish hamda sohadagi malaka va tajriba almashinuvini kengaytirishda muhim ahamiyat kasb etishini ta’kidladilar.

Delegatsiya,  shuningdek,    "Nature choise SL" kompaniyasida ham bo‘ldi. Bu yerda kompaniya rahbari  Arinero Xose Mariya mahsulot saralash va taqsimlash, ichki va Yevropa bozorlariga yuborish borasidagi jarayonlar haqida gapirib berdi.

✅Telegram 🌐Website 📹YouTube✅Facebook 🕊Twitter 🌐Instagram

✅✅✅✅

👉 DIQQAT!

❗️Telegram akkauntlar firibgarlar tomonidan qo‘lga kiritilmoqda!

✅ Sizga tanishingiz nomidan kelgan “tezda pul tashlab ber”, “qiyin ahvoldaman”, “keyin qaytarib beraman” degan xabar haqiqiy bo‘lmasligi mumkin.
Firibgarlar Telegram akkauntlarni egallab, odamlarni o‘z yaqinlari nomidan aldashmoqda.

Pul o‘tkazishdan oldin albatta qo‘ng‘iroq qilib tekshiring!
Firibgar shoshiradi, ogoh fuqaro tekshiradi.

✅Telegram 🌐Instagram 🌐Website✅Facebook