#hamkorlik

Toshkent viloyati shifokorlari Koreyada zamonaviy tibbiyot tajribasini o‘rganmoqda

Toshkent viloyati hokimligi hamda Koreya Respublikasining Kyongido provinsiyasi gubernatorligi o‘rtasida sog‘liqni saqlash sohasini rivojlantirish bo‘yicha memorandum imzolangan.

Unga muvofiq hamda provinsiya gubernatori Kim Dong Yongning taklifiga ko‘ra, joriy yilning oktyabr–noyabr oylarida viloyatimizning bir guruh tibbiyot mutaxassislari malaka oshirish va tajriba almashish maqsadida Koreyaga jo‘nab ketishdi.

Jami yetti nafar shifokor Kyongido provinsiyasidagi ikki yirik tibbiyot markazi rahbariyati tomonidan samimiy va do‘stona kutib olindi.

Ayni paytda ular neyroxirurgiyaning eng murakkab operatsiyalarini o‘rganish bilan birga, laparoskopik va robot yordamidagi endoprotez qo‘yish amaliyotlarida ham faol ishtirok etmoqdalar.

So‘nggi ikki yil davomida viloyat tibbiyot mutaxassislari xorijda orttirgan bilim va tajribalar asosida angiografiya, spinal neyroxirurgiya, laparoskopik hamda torakoskopik amaliyotlarni yo‘lga qo‘yishga erishgan bo‘lsalar, mazkur safar davomida jarrohlik, travmatologiya, intervension kardiologiya va neyroxirurgiya yo‘nalishidagi shifokorlarimiz zamonaviy usullarni yanada takomillashtirib, amaliyotga joriy etishni rejalashtirmoqdalar.


✅Telegram 🌐Website 📹YouTube✅Facebook 🕊Twitter

#hamkorlik

Viloyat ishbilarmonlari Saudiya Arabistoniga taklif etildi

Toshkent viloyati hokimi Zoyir Mirzayev hamda Saudiya Arabistonining “ACWA Power” kompaniyasi asoschisi va direktorlar kengashi raisi Muhammad Abunayyan o‘rtasida ZOOM platformasi orqali onlayn uchrashuv bo‘lib o‘tdi.

🌐Batafsil

✅Telegram 🌐Website 📹YouTube✅Facebook 🕊Twitter

#Hamkorlik

👍 Sirdaryo viloyatida Vengriya tajribasi asosida ilg'or texnologiyalar joriy qilinadi

Bugun Vengriya davlat boshqaruvi va hududiy rivojlanish vaziri T.Navrachich, Sirdaryo viloyati hokimi E.Turdimov va O‘zbekiston Respublikasi Prezidenti huzuridagi Boshqaruv samaradorligi agentligi direktori v.b. U. Xusainov ishtirokida uchrashuv bo‘lib o‘tdi.

Dastlab ikki davlat o‘rtasidagi strategik hamkorlik va do‘stona munosabatlar izchil rivojlanib, yangi bosqichga ko‘tarilayotgani qayd etildi. Bu jarayonlar mamlakatlar Yetakchilarining o‘zaro ishonchga asoslangan siyosati va olib borayotgan izchil diplomatik sa’y-harakatlari samarasi ekanligiga alohida urg'u berildi.

Muhokamalar davomida Vengriyaning "Smart qishloqlar" modelini Sirdaryo viloyati Xovos tumanida pilot loyiha shaklida amalga oshirish, boshqaruv samaradorligini oshirish, davlat boshqaruvini modernizatsiya qilish, raqamlashtirish masalalariga to‘xtalindi.

Uchrashuv natijasida Sirdaryo viloyati Xovos tumanida 50 ga yer maydonida O‘zbekiston-Vengriya texnoparkini tashkil etish, Vengriyaning Budapesht shahrida tadbirkorlar ishtirokida biznes-forum tashkil qilish, Guliston davlat universitetida Vengriyaning MATE universiteti baliqchilik fakultetini tashkil qilish hamda bir qator qo‘shma loyihalarni amalga oshirish bo‘yicha dastlabki kelishuvlarga erishildi.

👍 Shuningdek, uchrashuv davomida O‘zbekiston Respublikasi Prezidenti huzuridagi Boshqaruv samaradorligi agentligi va Vengriyaning Davlat boshqaruvi va hududiy rivojlantirish vazirligi o‘rtasida davlat boshqaruvi va davlat fuqarolik xizmati sohasidagi hamkorlik to‘g‘risida o‘zaro anglashuv Memorandumi imzolandi.

Memorandum doirasida ishtirokchilar davlat xizmati, inson resurslarini boshqarish va davlat boshqaruvi sohalarida qo‘shma tadbirlar, loyihalar va o‘quv dasturlarini amalga oshiradi. Shuningdek, innovatsion boshqaruv usullari, inson kapitali samaradorligini oshirish hamda hududlarni rivojlantirish yo‘nalishlarida hamkorlik qilinadi.

Rasmiy sahifalarimiz
Veb-sayt|Telegram|Facebook|Instagram|You Tube|X|Aloqa

#hamkorlik

Fan va amaliyot uyg‘unligi: Boshqirdistonda xalq tabobati va asalarichilik bo‘yicha ilg‘or tajribalar bilan tanishildi

Shu kunlarda Toshkent viloyati hokimi Zoyir Mirzayev boshchiligidagi delegatsiya xizmat safari bilan Boshqirdiston Respublikasida bo‘lib turibdi.

Safar doirasida viloyat delegatsiyasi Boshqirdistonning asalarichilik va xalq tabobati sohasida alohida o‘rin tutgan — "Asalarichilik va apiterapiya bo‘yicha Boshqird ilmiy-tadqiqot markazi" faoliyati bilan yaqindan tanishdilar.

🌐Batafsil

✅Telegram 🌐Website 📹YouTube✅Facebook 🕊Twitter

#hamkorlik

Viloyat hokimi Boshqirdistonning yirik agroxolding kompaniyasi vakillari bilan uchrashdi

Toshkent viloyati hokimi Zoyir Mirzayev rahbarligidagi viloyat delegatsiyasi Boshqirdiston Respublikasiga xizmat safari doirasida mamlakatdagi yirik agrosanoat korxonalaridan biri — "Urojay" kompaniyasi vakillari bilan hamkorlik masalalarini muhokama qildi.

Mazkur kompaniyaning asosiy faoliyat yo‘nalishi ziroatchilik va chorvachilik hisoblanib, qishloq xo‘jaligida katta muvaffaqiyatlarga erishib kelmoqda.

🌐Batafsil

✅Telegram 🌐Website 📹YouTube✅Facebook 🕊Twitter

#hamkorlik

Zoyir Mirzayev rahbarligidagi delegatsiya jadal sanoatlashgan Sterlitamak shahriga tashrif buyurdi

Sterlitamak — Boshqirdistonning muhim iqtisodiy va sanoat markazlaridan biri hisoblanadi.

Delegatsiya shahardagi «Tolpar» texnoparkida bo‘lib, yirik sanoat platformasi faoliyati bilan  yaqindan tanishdi.

Viloyatimiz vakillariga shahar ma’muriyati rahbari (shahar hokimi)  Emil Shaymardanov hamrohlik qildi.

🌐Batafsil

✅Telegram 🌐Website 📹YouTube✅Facebook 🕊Twitter

#ta'lim
#hamkorlik

Viloyat delegatsiyasi Ufa shahrida xalqaro darajasidagi zamonaviy kampus faoliyati bilan tanishdi

Toshkent viloyati hokimi Zoyir Mirzayev boshchiligidagi viloyat delegatsiyasi Boshqirdiston Respublikasiga amaliy safari doirasida Ufa shahrida joylashgan Yevroosiyo ilmiy-ta’lim markazi (NOS)  faoliyati bilan tanishdi

Mazkur kampus Bashqirdistonni ta’lim, ilm-fan va innovatsiyalar sohasida xalqaro raqobatbardosh hududga aylantirishga qaratilgan yirik loyiha hisoblanadi.

Loyiha  yashash, o‘qish, ilmiy tadqiqot va startaplar uchun yagona zamonaviy muhit yaratilgan. Kampus hududida o‘quv-auditoriya binolari, ilmiy laboratoriyalar, IT-texnopark, kovorking va jamoat joylari, shuningdek, talabalar va yosh olimlar uchun turar joy majmualarini qamrab olgan.

Markazning asosiy maqsadi ilg‘or ilmiy-texnik ishlanmalarni ishlab chiqish va ularni iqtisodiyotning real sektoriga joriy etishdan iborat. Kampus bir nechta oliy ta’lim muassasalarini yagona hududda birlashtirib, ilm-fan va biznes integratsiyasini ta’minlaydi, talabalarning ish beruvchilar bilan to‘g‘ridan-to‘g‘ri hamkorlik qilish imkoniyatlarini kengaytiradi.

Tanishuv jarayonida delegatsiya a’zolariga markazning infratuzilmasi, zamonaviy arxitektura yechimlari hamda xalqaro hamkorlik yo‘nalishlari haqida batafsil ma’lumot berildi.

Uchrashuv davomida ta’lim, ilmiy tadqiqotlar va innovasion loyihalarni amalga oshirish bo‘yicha ikki hudud o‘rtasidagi hamkorlikni rivojlantirish masalalari muhokama qilindi.

✅Telegram 🌐Website 📹YouTube✅Facebook 🕊Twitter

#hamkorlik

Zoyir Mirzayev Tatariston Respublikasi Raisi bilan uchrashdi

Rossiya Federatsiyasiga safar chog‘ida Toshkent viloyati hokimi Zoyir Mirzayev boshchiligidagi viloyat delegatsiyasi Tatariston Respublikasi Raisi Rustam Minnixanov bilan uchrashdi.

Uchrashuv davomida O‘zbekiston Respublikasi va Rossiya Federatsiyasi o‘rtasidagi do‘stona munosabatlar doirasida hududlararo hamkorlikni yanada rivojlantirish masalalari muhokama etildi.

Tomonlar savdo-iqtisodiy, investisiyaviy, sanoat kooperatsiyasi, qishloq xo‘jaligi, ta’lim va madaniy-gumanitar sohalardagi aloqalarni kengaytirish istiqbollari yuzasidan fikr almashdilar.

Rustam Minnixanov so‘nggi yillarda O‘zbekiston bilan hamkorlik izchil va jadal sur’atlarda rivojlanayotgani, xususan, qo‘shma loyihalar soni ortib borayotgani, ishbilarmon doiralar o‘rtasidagi aloqalar mustahkamlanayotgani va o‘zaro tashriflar faollashganini alohida qayd etdi.

Bu borada, ayniqsa, Toshkent viloyati bilan amalga oshirilayotgan izchil hamkorlik samaralari har ikki tomon uchun manfaatli bo‘layotgani, Toshkent viloyati bilan amaliy aloqalarni yanada kengaytirishga tayyor ekanini bildirdi.

Uchrashuv chog‘ida sanoat kooperatsiyasi, mashinasozlik, neft-kimyo, oziq-ovqat sanoati, qurilish materiallari ishlab chiqarish va logistika sohalarida qo‘shma loyihalarni amalga oshirish imkoniyatlari ko‘rib chiqildi.

Shuningdek, ta’lim muassasalari o‘rtasidagi hamkorlik, mutaxassislar tayyorlash va tajriba almashinuvini yo‘lga qo‘yish masalalari ham muhokama qilindi.

Rustam Minnixanov Tataristonga  va uning iqtisodiy salohiyatiga e’tibor uchun minnatdorlik bildirib, birodar O‘zbekiston bilan ko‘p qirrali sheriklikni yanada rivojlantirishdan manfaatdor ekanini e’tirof etdi.

O‘z navbatida, Zoyir Mirzayev samimiy uchrashuv va do‘stona muloqot uchun mezbon tomonga minnatdorlik bildirib, o‘zaro ishonch va do‘stlikka asoslangan, real natijalar berayotgan  yangi tashabbus va loyihalarni hamisha qo‘llab-quvvatlash va rivojlantirishga tayyor ekanini bildirdi.

Tomonlar hamkorlikda hayotga tadbiq etilayotgan loyihalar yuzasidan ham fikr almashib, ularni yanada jadallashtirish bo‘yicha kelishib oldilar.

✅Telegram 🌐Website 📹YouTube✅Facebook 🕊Twitter

#hamkorlik

Pokistonga amaliy tashrif: Toshkent va Panjob viloyatlari o‘rtasidagi hamkorlik "birodar hududlar" maqomida rivojlanadi

Shu kunlarda Toshkent viloyati hokimi Zoyir Mirzayev boshchiligidagi viloyat delegatsiyasi amaliy tashrif bilan Pokiston Islom Respublikasida bo‘lib turibdi.

Tashrif doirasida qator muhim uchrashuv va muloqotlar, biznes anjumanlar ko‘zda tutilgan.

Delegatsiyamiz dastlab go‘zal va tarixiy Lahor shahrida Pokiston Musulmon Ligasi yetakchisi Muhammad Navoz Sharif hamda Panjob viloyati bosh vaziri Maryam Navoz Sharif bilan uchrashdi.

Muloqot davomida O‘zbekiston va Pokiston o‘rtasidagi do‘stona munosabatlar izchil rivojlanib borayotgani ta’kidlandi.

🌐Batafsil

✅Telegram 🌐Website 📹YouTube✅Facebook 🕊Twitter 🌐Instagram