✅✅✅✅

Qobil Xamdamov rahbarligida kengaytirilgan yig‘ilish o‘tkazildi

Nurafshon shahar hokimligida bo‘lib o‘tgan yig'ilishda hokim o‘rinbosarlari, korxona va tashkilot rahbarlari, mahalla raislari hamda tegishli soha mutasaddilari ishtirok etdi.

✅ Yig‘ilishda shaharni ijtimoiy-iqtisodiy rivojlantirishga doir dolzarb masalalar, xususan soliq tushumlarini oshirish, yashirin iqtisodiyotga qarshi samarali kurashish hamda mavjud muammolarni bartaraf etish yo‘nalishlari atroflicha muhokama qilindi. Jarayonda bugungi holat tanqidiy-tahliliy ruhda ko‘rib chiqilib, aniqlangan kamchiliklar va ularning kelib chiqish sabablari yuzasidan batafsil fikr almashildi.

Shuningdek, belgilangan vazifa va topshiriqlarning o‘z vaqtida, sifatli va to‘liq ijrosini ta’minlash, ijro intizomiga qat’iy rioya etish, mas’ul rahbarlarning javobgarligini yanada kuchaytirish hamda ijro nazoratini tizimli yo‘lga qo‘yish bo‘yicha shahar hokimi tomonidan aniq chora-tadbirlar belgilab berildi.

❕Yig‘ilish yakunida tegishli mutasaddi rahbar va mas’ullarga yo‘l qo‘yilgan kamchiliklar yuzasidan batafsil tushuntirishlar berilib, ularni qisqa muddatlarda bartaraf etish, shuningdek aniqlangan muammolarni kompleks yondashuv asosida hal etish bo‘yicha qat’iy vazifalar yuklatildi.

✅Telegram 🌐Instagram 🌐Website✅Facebook

✅✅✅✅

"Dolzarb 90 kun" tadbirlarining dolzarb vazifalari belgilab berildi

Nurafshon shahar hokimi Qobil Xamdamov rahbarligida o‘tkazilgan yig‘ilishda sektor rahbarlari, hokim o‘rinbosarlari, mahalla uyushmasi vakillari, yoshlar yetakchilari hamda yozgi ta’til davrida o‘quvchi-yoshlar bandligini ta’minlashga mas’ul tashkilot rahbarlari ishtirok etdi.

❕Yig‘ilishda yozgi ta’til davomida ta’lim muassasalarida tashkil etiladigan to‘garaklar, sport musobaqalari, madaniy-ma’rifiy tadbirlar va intellektual o‘yinlarni mazmunli hamda samarali tashkil etish masalalari muhokama qilindi. Har bir yosh toifasi uchun alohida dasturlar asosida tadbirlar o‘tkazish bo‘yicha mas’ullarga aniq vazifalar yuklatildi.

Shuningdek, Nurafshon shahrida Yoshlar kuni tadbirlarini munosib o‘tkazish, yoshlar oyligi doirasida turli loyihalarni amalga oshirish hamda iqtidorli va faol yoshlarni rag‘batlantirish masalalariga alohida e’tibor qaratildi.

✅ Ma’lumot uchun, shahardagi 4-, 13- va 57-sonli umumta’lim maktablarida “Sog‘lomlashtirish maydonchalari” tashkil etilib, ularga 300 nafardan ortiq o‘quvchini qamrab olish rejalashtirilgan. Maydonchalarda haftaning har bir kuni alohida yo‘nalish asosida tashkil etilmoqda: teatr tomoshalari, “Zakovat” intellektual o‘yinlari, kitobxonlik tadbirlari, vatanparvarlik uchrashuvlari, tarixiy maskanlarga ekskursiyalar hamda turli sport musobaqalari shular jumlasidandir.

Mazkur ishlar yoshlarning bo‘sh vaqtini mazmunli tashkil etish, ularning iqtidor va qobiliyatlarini rivojlantirish hamda sog‘lom turmush tarzini targ‘ib etishga xizmat qilmoqda.

✅Telegram 🌐Instagram 🌐Website✅Facebook