✅✅✅✅

Otaliqqa biriktirilgan yoshlar – doimiy e’tiborda

Bugun Nurafshon shahri hokimi Qobil Xamdamov otaliqqa biriktirilgan yoshlar bilan uchrashib, ular bilan ochiq va samimiy muloqot o‘tkazdi.
Uchrashuv davomida yoshlarni qiynayotgan muammolar, ularning taklif va tashabbuslari tinglanib, har bir masala yuzasidan amaliy yechimlar muhokama qilindi. Shuningdek, yoshlarning qiziqishlari, oilaviy sharoiti, bandligi hamda daromad manbalari o‘rganildi.

✅ Muloqot jarayonida shahar hokimi o‘z biznesini yo‘lga qo‘yish istagidagi yoshlarga davlat tomonidan yaratilayotgan imkoniyatlar, imtiyozli kreditlar va qo‘llab-quvvatlash mexanizmlari haqida ma’lumot berib, tashabbuskor yoshlarni har tomonlama qo‘llab-quvvatlashga tayyor ekanligini ta’kidladi.

Shu bilan birga, har bir yosh bilan individual ishlash, ularning muammolarini manzilli hal etish hamda qiziqish va salohiyatidan kelib chiqib aniq “yo‘l xaritalari” ishlab chiqish bo‘yicha mas’ullarga tegishli topshiriqlar berildi. Yoshlarni bosqichma-bosqich bandlikka jalb etish, kasb-hunarga yo‘naltirish va faol ijtimoiy hayotga qaytarish masalalariga alohida e’tibor qaratildi.

❕Bunday uchrashuvlar yoshlarning muammolarini o‘z vaqtida aniqlash va hal etish, ularni har tomonlama qo‘llab-quvvatlash, jamiyatdagi faolligini oshirish hamda kelajakka bo‘lgan ishonchini mustahkamlashda muhim ahamiyat kasb etadi.

✅Telegram 🌐Instagram 🌐Website✅Facebook

✅✅✅✅

Sog‘lom avlod uchun sog‘lom odatlar

✅ Nurafshon shahar umumta’lim maktablarida boshlang‘ich sinf o‘quvchilari uchun yozgi ta’til davrida maktab hamshiralari tomonidan “Sog‘lom hayot” mavzusida turli ma’rifiy va sog‘lomlashtiruvchi tadbirlar tashkil etilmoqda.

🔹Tadbirlar davomida o‘quvchilar ishtirokida ochiq havoda ertalabki badantarbiya mashqlari, gimnastika, “5000 qadam” aksiyasi, shaxsiy gigiyena qoidalariga bag‘ishlangan “Toza qo‘llar” mashg‘ulotlari, sog‘lomlashtirish maydonchalaridagi faoliyatlar hamda qiziqarli sport o‘yinlari o‘tkazilmoqda.

✅ Mazkur tadbirlar bolalarda sog‘lom turmush tarziga rioya qilish, jismoniy faollikni oshirish va bo‘sh vaqtni mazmunli tashkil etish ko‘nikmalarini shakllantirishga xizmat qilmoqda.

✅Telegram 🌐Instagram 🌐Website✅Facebook