✅✅✅✅

NURAFSHONDA AVTOTRANSPORT HARAKATI VAQTINCHA CHEKLANADI

⛔️ “Yoshlar oyligi” doirasida “Yangi O‘zbekistonni yoshlar quradi!” shiori ostida o‘tkaziladigan ma’naviy-ma’rifiy tadbirlar va yoshlar festivallarini uyushqoqlik bilan tashkil etish, jamoat xavfsizligini ta’minlash, yo‘l harakati xavfsizligini saqlash hamda favqulodda holatlarning oldini olish maqsadida 2026-yil 26-iyun kuni soat 14:00 dan 23:59 ga qadar Nurafshon shahrining ayrim yo‘llarida avtotransport vositalari harakati vaqtincha cheklanadi.

❗️Jumladan, D–002 Bektemir – Nurafshon – Ohangaron avtomobil yo‘lining 19–22-kilometr oralig‘ida (“Makro” savdo markazi chorrahasidan “Qorasuv” YPX maskanigacha) avtotransport vositalari harakati vaqtincha to‘xtatiladi.

Haydovchilarga muqobil yo‘nalish sifatida Bobur ko‘chasi orqali Qorasuv — Bo‘ka — Bekobod avtomobil yo‘li bo‘ylab harakatlanish tavsiya etiladi.

Yuzaga kelishi mumkin bo‘lgan noqulayliklar uchun uzr so‘raymiz hamda barcha fuqarolardan vaqtinchalik cheklovlarga amal qilishlarini so‘raymiz.

✅Telegram 🌐Instagram 🌐Website✅Facebook

QANI YOSHLAR, HAMMA NURAFSHONGA!

🎉30-iyun – Yoshlar kuni munosabati bilan Toshkent viloyatida katta bayram dasturi sizlarni kutmoqda.

Bayramona kechamiz 26-iyun kuni soat 19:00da Nurafshon arenada bo‘lib o‘tadi.

🎤 Ulkan monitor, keng maydon hamda estradamizning eng mashhur san’atkorlari — Shohruhxon, Rayhon, Bojalar va Ulug‘bek Yo‘lchiyev ishtirokidagi shou-konsert dasturi faqat siz uchun.

⭐️ Sho‘x kuy-qo‘shiqlar, salyut-shou va eng asosiysi — yoshlarbop super atmosfera aynan shu yerda bo‘ladi.

🚫 Shuningdek, tadbir doirasida

26-iyun — Xalqaro giyohvandlikka qarshi kurashish kuni

munosabati bilan sog‘lom turmush tarzini targ‘ib qiluvchi maxsus chiqishlar va targ‘ibot aksiyalari ham tashkil etiladi.

😉 Aytgancha, kirish mutlaqo bepul!

✅Telegram 🌐Website 📹YouTube✅Facebook 🕊Twitter 🌐Instagram

26 iyun – Xalqaro giyohvandlikka qarshi kurash kuni

Bugun dunyo hamjamiyati insoniyat kelajagiga jiddiy tahdid solayotgan eng xavfli illatlardan biri bo‘lmish giyohvandlikka qarshi murosasiz ekanligini yana bir bor namoyon qilmoqda.

26 iyun – nafaqat sana, balki har birimizni ogohlikka, mas’uliyatga va befarq bo‘lmaslikka chaqiruvchi kundir.

Zero, sog‘lom jamiyat – sog‘lom kelajak poydevoridir.
Giyohvandlikka qarshi kurash esa har birimizdan boshlanadi.

✅Telegram 🌐Instagram 🌐Website✅Facebook

✅✅✅✅

🔴Nurafshon shahar Yoshlar ishlari bo‘limi tomonidan yoshlar yetakchilarining 2026-yil birinchi yarim yillik faoliyati yakunlariga bag‘ishlangan hisobot yig‘ilishi o‘tkazildi.

🔴Yig‘ilish davomida mahallalarda yoshlar bilan ishlash samaradorligi, ularning muammolarini o‘rganish va hal etish, bandligini ta’minlash, bo‘sh vaqtini mazmunli tashkil etish, shuningdek, amalga oshirilgan loyiha va tadbirlar yuzasidan hisobotlar tinglandi.

❗️Shuningdek, erishilgan natijalar atroflicha tahlil qilinib, mavjud kamchiliklarni bartaraf etish hamda kelgusida amalga oshiriladigan ustuvor vazifalar belgilab olindi.

Tadbir yakunida faoliyati davomida yuqori natijalarga erishgan yoshlar yetakchilarining mehnati e’tirof etilib, ularga minnatdorlik bildirildi.

✅Telegram 🌐Instagram 📹YouTube✅Facebook

✅✅✅✅

Nurafshondagi katta shou-konsertga marhamat!

Qaynoq jarayonlar boshlanishiga atigi 1 kun qoldi! Bayramona kechamiz 26-iyun kuni soat 19:00da Nurafshon shahridagi arenada bo‘lib o‘tadi.

✅ Ulkan monitor, keng maydon hamda estradamizning eng mashhur san’atkorlari — Shohruhxon, Rayhon, Bojalar va Ulug‘bek Yo‘lchiyev ishtirokidagi shou-konsert sizni kutmoqda.

Sho‘x kuy-qo‘shiqlar, salyut-shou va eng asosiysi — yoshlarbop super atmosfera aynan shu yerda bo‘ladi.

✅ Shuningdek, tadbir doirasida 26-iyun — Xalqaro giyohvandlikka qarshi kurashish kuni munosabati bilan sog‘lom turmush tarzini targ‘ib qiluvchi maxsus chiqishlar va targ‘ibot aksiyalari ham tashkil etiladi.

❗️Aytgancha, kirish mutlaqo bepul!

✅Telegram 🌐Instagram 🌐Website✅Facebook

#islohotlar_amalda

Nurafshonda elektr ta’minoti yaxshilanmoqda

Nurafshon shahrida aholini uzluksiz va sifatli elektr energiyasi bilan ta’minlash, mavjud elektr tarmoqlarini modernizatsiya qilish hamda energetika infratuzilmasini yangilash bo‘yicha izchil ishlar davom etmoqda.

Jumladan, "Birlik" mahallasidagi 29-sonli transformator punktida keng ko‘lamli modernizatsiya ishlari amalga oshirildi.

Loyiha doirasida 82 ta yangi temir-beton tayanch ustuni o‘rnatilib, 1,7 kilometr masofaga zamonaviy SIP kabel tarmoqlari tortildi. Shuningdek, quvvati 100 kVA bo‘lgan eski transformator o‘rniga 400 kVA quvvatga ega yangi transformator ishga tushirildi.

Natijada hududda elektr energiyasi bilan bog‘liq uzilishlar sezilarli darajada kamayib, iste’molchilar uchun yanada barqaror va ishonchli elektr ta’minoti yaratildi.

Shuningdek, yil yakuniga qadar Oppoq, Evalak, Chig‘iriq, Hurriyat va Dehqonobod mahallalarida ham elektr tarmoqlarini yangilash ishlari davom ettiriladi. Rejaga ko‘ra, mazkur hududlarda 76 kilometr zamonaviy SIP kabel tarmoqlari tortilib, 848 ta temir-beton tayanch ustunlari o‘rnatiladi.

Hududlarda amalga oshirilayotgan modernizatsiya ishlari Nurafshon shahrining energetika infratuzilmasini yanada mustahkamlash, elektr ta’minoti sifatini oshirish hamda aholi va tadbirkorlik subyektlarini barqaror elektr energiyasi bilan ta’minlashga xizmat qilmoqda.

✅Telegram 🌐Website 📹YouTube✅Facebook 🕊Twitter 🌐Instagram