#tanlov

"Uzum sayli" she’riyat ixlosmandlari uchun ajoyib imkoniyatni taklif etadi!

Terumlar shabnamli yaproq —
Ostidan pinhon uzum.
Lablaringga yetmoq istab
Tong sahar giryon uzum.

Oftob mashshotasi
Tok sochini nurdan tarab —
Zangining bo‘yniga osmish
Shodai marjon uzum.

Joriy yil 21-22-avgust kunlari Parkent tumani, Zarkent qishlog‘ida “Uzum sayli” xalqaro festivali bo‘lib o‘tadi.

✍️Badiiy ijodga mehr qo‘ygan, qalbida ona diyor va tabiatga muhabbat jo‘sh urgan barcha ijodkorlarni “Uzum sayli” xalqaro festivali doirasida o‘tkaziladigan eng sara she’rlar tanloviga taklif etamiz!

🍇Tanlovdan maqsad – Toshkent viloyatining uzumchilik an’analari, eno va agroturizm salohiyati, bog‘dorchilik madaniyati hamda yurtimiz tabiatining betakror jozibasini badiiy ijod orqali keng targ‘ib etishdir.

✅Tanlovda Toshkent viloyatida tug‘ilib-o‘sgan yoki bugungi kunda viloyatda yashab ijod qilayotgan professional shoirlar, havaskor ijodkorlar va she’riyatga oshno barcha viloyatdoshlarimiz qatnashishlari mumkin.

Eng sara ijod namunalari munosib baholanib, g‘oliblar sayil doirasida tantanali ravishda pul mukofotlari bilan taqdirlanadi:

🥇1-o‘rin — 5 million so‘m
🥈2-o‘rin — 3 million so‘m
🥉 3-o‘rin — 2 million so‘m

Tanlovda ishtirok etishning yagona talabi – o‘zingiz yozgan bir dona she’riy namunangizni qog‘oz nusxasi yoki elektron variantini shaxsingizni tasdiqlovchi hujjat bilan birga Tanlov hay’atiga taqdim etishingiz lozim.

❎Muhim eslatma: sun’iy intellekt yordamida tuzilgan she’riy matnlar maxsus dastur yordamida tekshiriladi va tanlovdan chetlashtiriladi.
 
📍Manzil: Nurafshon shahri, Toshkent yo‘li ko‘chasi, 86-uy. O‘zbekiston Yozuvchilar uyushmasi Toshkent viloyati bo‘limi.  
Telegram uchun raqam: +998888757745
 
Ijodiy ishlar  2026-yilning 18-avgustigacha qabul qilinadi.

O‘z ijodingiz bilan “Uzum sayli”ning badiiy solnomasiga hissa qo‘shing! Balki aynan sizning ijodingiz festivalning eng yorqin ovoziga aylanar!

PS: Audioda Erkin Vohidovning mashhur "Uzum" g‘azali. She’rni shoirning o‘zi o‘qigan.

✅Telegram 🌐Website 📹YouTube✅Facebook 🕊Twitter 🌐Instagram

#Қонунчиликдаги_янгиликлар

☢️ Хавфли чиқиндиларни бошқариш бўйича Президент қарори: Ўзбекистонда хавфли чиқиндиларини қайта ишлаш даражаси 20 фоизга етказилади

Ўзбекистон Республикаси Президентининг “Хавфли чиқиндиларни бошқариш самарадорлигини ошириш чора-тадбирлари тўғрисида”ги Президент қарори (ПҚ–289-сон, 03.08.2026 й.) қабул қилинди.
 
✅ Қарорга кўра, 2027 йил 1 январдан хавфли чиқиндиларни ҳосил қилувчи ташкилотлар (хавфли чиқиндиларнинг эгалари бўлган юридик шахслар):
 
💚 экологик экспертиза хулосасига мувофиқ хавфли чиқиндиларни бошқариш бўйича йиллик режаларни ишлаб чиқади ҳамда Чиқиндиларни бошқариш ва циркуляр иқтисодиётни ривожлантириш агентлиги (Агентлик)нинг ҳудудий бошқармалари билан келишади;
 
💚 йиллик режаларда қуйидаги кўрсаткичларни назарда тутади:
 
➖ хавфли чиқиндилар ҳосил бўлиш ҳажмини камайтириш;
 
➖ хавфли чиқиндиларни қайта ишлаш улушини ошириш, уларни хавфсиз жойлаштириш;
 
➖ хавфли чиқиндиларни қайта ишлаш, зарарсизлантириш, утилизация қилиш ёки кўмишга тегишли ваколат, инфратузилма ҳамда экологик экспертизанинг ижобий хулосасига эга бўлган ихтисослашган ташкилотларга қайта ишлаш ёки кўмиш учун топшириш.
 
🔘 Барча фойдаланишдан чиқарилган хавфли чиқиндилар сақланаётган (жойлаштирилган) махсус иншоотлар ва очиқ майдонлар (махсус объектлар) уларни экологик қайта тиклаш учун зарур бўлган маблағлар билан биргаликда бепул асосда Агентликка ўтказилади.
 
📄 2026 йил 1 октябрдан хавфли чиқиндиларни ҳосил қилувчи ташкилотлар статистика ҳисоботлари йил якунига кўра шакллантириб борилади.

✈️ Каналга уланиш: 👇
@hudud_inform | Instagrаm | Facebook