✅✅✅✅

Nurafshon shahrida obodonlashtirish ishlari jadal davom etmoqda

Nurafshon shahri markazida O‘zbekiston Respublikasi Mustaqilligining 35 yilligi munosabati bilan foydalanishga topshirilishi belgilangan yer osti piyodalar yo‘lagi hamda 24/7 ko‘chalarida erta tongdan qizg‘in obodonlashtirish va bunyodkorlik ishlari olib borilmoqda.

❗️Ayni paytda hududlarda yakuniy tayyorgarlik ishlari bajarilib, atrof-muhit chiqindilardan tozalanmoqda, yashil hududlar kengaytirilib, gul ko‘chatlari va manzarali daraxtlar ekilmoqda.

Mustaqilligimizning 35 yilligi arafasida amalga oshirilayotgan mazkur bunyodkorlik ishlari shaharning zamonaviy qiyofasini yanada yaxshilash, aholi uchun qulay va obod muhit yaratish, shuningdek, inson qadrini ulug‘lashga qaratilgan.

Nurafshon shahrida obodonlashtirish va bunyodkorlik ishlari izchil davom ettirilmoqda.

✅Telegram 🌐Instagram 📹YouTube✅Facebook

✅✅✅✅

Oilalarni mustahkamlash — ustuvor vazifa

Nurafshon shahrida ajrim yoqasiga kelib qolgan yosh oilalarni yarashtirish, oilaviy nizolarni bartaraf etish hamda oilalarda sog‘lom muhitni shakllantirish maqsadida profilaktik uchrashuv tashkil etildi.

❗️Tadbirda shahar hokimi o‘rinbosari N. Djumanova so‘zga chiqib, oila jamiyatning asosiy bo‘g‘ini ekanini, oilaning mustahkamligi esa jamiyat barqarorligining muhim omili hisoblanishini ta’kidladi. Shuningdek, oilalarda o‘zaro hurmat, mehr-oqibat va sog‘lom muhitni qaror toptirish muhim vazifa ekanini qayd etdi.

Uchrashuvda tegishli tashkilot va mutasaddilar ishtirok etib, oilaviy nizolarni tinch yo‘l bilan hal etish, er-xotin o‘rtasidagi munosabatlarni yaxshilash hamda farzandlar tarbiyasiga oid masalalar yuzasidan zarur tavsiya va tushuntirishlar berdi.

❗️Tadbir davomida jami 13 ta ajrim yoqasidagi oila qamrab olindi. Olib borilgan suhbat va tushuntirish ishlari natijasida 6 ta oila yarashtirildi. Eng muhimi, yarashtirilgan oilalardagi 14 nafar farzandning ota-ona mehridan ayrilmasligi, to‘laqonli oilada tarbiya topishi uchun muhim qadam tashlandi.

❕ Bunday profilaktik uchrashuvlar oilalar barqarorligini ta’minlash, ajrimlarning oldini olish, farzandlar manfaatlarini himoya qilish va jamiyatda sog‘lom ijtimoiy muhitni mustahkamlashga xizmat qilmoqda.

✅Telegram 🌐Instagram 📹YouTube✅Facebook

✅✅✅✅

Nurafshon shahrida fuqarolar murojaatlari o‘rganildi

✅Nurafshon shahrida aholi murojaatlarini bevosita o‘rganish, mavjud muammolarga amaliy yechim topish hamda fuqarolarni qiynayotgan masalalarni mas’ullar ishtirokida ko‘rib chiqish maqsadida navbatdagi sayyor qabul o‘tkazildi.

✔️Sayyor qabulga Nurafshon shahar hokimi Qobil Xamdamov boshchilik qildi. Unda shahar IIB boshlig‘i A. Yuldashev, hokim o‘rinbosarlari, davlat va xo‘jalik boshqaruvi organlari, tashkilot hamda korxonalar rahbarlari va mas’ul xodimlar ishtirok etdi.

💠Muloqot davomida fuqarolar tomonidan uy-joy va kommunal xizmatlar, yer va kadastr, yo‘l va infratuzilma, ijtimoiy himoya, moddiy yordam, sog‘liqni saqlash, bandlik hamda boshqa yo‘nalishlardagi masalalar yuzasidan murojaatlar bildirildi.

✔️Har bir murojaat alohida tartibda ko‘rib chiqilib, mas’ullarga muammolarni hal etish bo‘yicha aniq vazifa va topshiriqlar berildi. Ye­chimi bevosita joyida ta’minlanishi mumkin bo‘lgan masalalar yuzasidan tegishli choralar ko‘rildi.

✔️Qo‘shimcha o‘rganish va vaqt talab etadigan murojaatlar esa tegishli tashkilotlarga biriktirilib, ularning ijrosi belgilangan tartibda nazoratga olindi.

Bunday sayyor qabullar aholining murojaatlarini joyiga chiqqan holda o‘rganish, muammolarni ortga surmasdan hal etish va fuqarolar bilan ochiq muloqotni yanada mustahkamlashga xizmat qiladi.

✅Telegram 🌐Instagram 📹YouTube✅Facebook