✅✅✅✅

Natija va mas’uliyat: Prezident videoselektorida berilgan vazifalar ijrosi qat’iy belgilab olindi

Nurafshon shahrida kambag‘allikni qisqartirish, aholi daromadlarini oshirish hamda Prezident videoselektorida belgilab berilgan vazifalar ijrosini ta’minlash masalalariga bag‘ishlangan yig‘ilish o‘tkazildi.

Yig‘ilishga Nurafshon shahar hokimi Qobil Xamdamov raislik qildi. Unda mahalla yettiligi a’zolari, tegishli tashkilot va idoralar rahbarlari hamda mas’ul xodimlar ishtirok etdi.

Yig‘ilishda shu vaqtgacha amalga oshirilgan ishlar tanqidiy-tahliliy ruhda ko‘rib chiqildi. Xususan, hisobotlarni yopish maqsadida ko‘rsatkichlarni sun’iy ravishda oshirib ko‘rsatish, raqamlarni qo‘shib yozish kabi holatlarga yo‘l qo‘yilayotgani keskin qoralandi.

Shuningdek, imtiyozli kreditlar yo‘nalishida belgilangan rejalarni bajarmaslik va mavjud kredit resurslaridan to‘liq foydalana olmaslik holatlari jiddiy tanqid qilindi.

✅ Mas’ullarga Prezident videoselektorida belgilangan vazifalardan kelib chiqib, har bir mahalla kesimida mavjud imkoniyatlardan samarali foydalanish, aholini daromadli faoliyatga jalb etish, kredit resurslarini o‘z vaqtida o‘zlashtirish hamda belgilangan ko‘rsatkichlarni ta’minlash bo‘yicha aniq vazifalar yuklatildi.

Yig‘ilish yakunida topshiriqlar ijrosini ta’minlash bo‘yicha mas’ullar, muddatlar va kutilayotgan natijalar qat’iy belgilab olindi.

Bunda asosiy mezon — qog‘ozdagi raqamlar emas, aholi hayotida aks etadigan real natija bo‘lishi ta’kidlandi.

✅Telegram 🌐Instagram 📹YouTube✅Facebook

✅✅✅✅

Yoqilg‘i quyish shoxobchalari va gaz to‘ldirish inshootlarida profilaktik tadbirlar

🇺🇿 O‘zbekiston Respublikasi Vazirlar Mahkamasining 2026-yil 18-iyundagi 315-son qarori ijrosini ta’minlash maqsadida Nurafshon shahar Favqulodda vaziyatlar bo‘limi hamda tegishli tashkilotlar xodimlari hamkorligida shahar hududida faoliyat yuritayotgan yoqilg‘i quyish shoxobchalari va gaz to‘ldirish inshootlarida profilaktik tadbirlar amalga oshirilmoqda.

Tadbirlar davomida mazkur obyektlarda yong‘in xavfsizligi qoidalariga rioya etilishi, favqulodda vaziyatlarning oldini olish, mavjud kamchiliklarni aniqlash va ularni bartaraf etish masalalariga alohida e’tibor qaratilmoqda.

✅ Shuningdek, ishchi-xizmatchilarga avariya va boshqa noxush holatlar yuzaga kelganda to‘g‘ri harakat qilish, xavfsizlik choralarini ko‘rish hamda favqulodda vaziyatlar to‘g‘risida tegishli xizmatlarga tezkor xabar berish tartiblari bo‘yicha tushuntirishlar berilmoqda.

Targ‘ibot tadbirlari doirasida favqulodda vaziyatlar va yong‘inlarni bartaraf etish, shuningdek, xodimlarning amaliy ko‘nikmalarini mustahkamlash maqsadida o‘quv mashqlari va amaliy mashg‘ulotlar ham o‘tkazilmoqda.

❗️Bunday profilaktik tadbirlar yoqilg‘i va gaz bilan bog‘liq obyektlarda xavfsizlikni ta’minlash, favqulodda vaziyatlarning oldini olish hamda insonlar hayoti va sog‘lig‘ini muhofaza qilishga xizmat qiladi.

✅Telegram 🌐Instagram 📹YouTube✅Facebook

✅✅✅✅

Mahalla yettiligi faoliyati o‘rganilmoqda

Kuni kecha davlat rahbari raisligida o‘tkazilgan yig‘ilishda hududlarda aholi turmush sharoitini yaxshilash, kambag‘allikni qisqartirish, fuqarolarni doimiy daromad manbai bilan ta’minlash hamda mavjud muammolarni mahallabay va xonadonbay yondashuv asosida hal etish masalalari muhokama qilindi. Yig‘ilishda ushbu vazifalarni amalga oshirishda mahalla yettiligining o‘rni, mas’uliyati va shaxsiy daxldorligi muhim ekani ta’kidlanib, har bir mahallada aholining muammolarini chuqur o‘rganish va ularni amaliy hal etish bo‘yicha aniq vazifalar belgilab berildi.

✅ Mazkur yig‘ilishda belgilangan vazifalar ijrosini ta’minlash, mahalla yettiligi a’zolarining shaxsiy mas’uliyati va daxldorligini yanada oshirish maqsadida O‘zbekiston mahallalari uyushmasining Nurafshon shahar bo‘limi boshlig‘i Z. Maqsudova bugun erta tongdan Dehqonobod, Qumariq, To‘ytepa, Evalak hamda Muqimiy mahallalarida bo‘lib, mahalla yettiligi faoliyatini o‘rgandi.

O‘rganishlar davomida mahallalarda obodonlashtirish ishlarini tashkil etish, aholiga ijtimoiy yordam ko‘rsatish, ehtiyojmand oilalarni kambag‘allikdan chiqarish, fuqarolar bandligini ta’minlash hamda mavjud muammolarni manzilli hal etish masalalariga alohida e’tibor qaratildi.

❗️ Mas’ullarga aniqlangan muammolarni o‘z vaqtida bartaraf etish, har bir xonadon bilan individual ishlash va belgilangan vazifalar ijrosini qat’iy ta’minlash bo‘yicha tegishli topshiriqlar berildi.

✅Telegram 🌐Instagram 🌐Website✅Facebook