#Bunyodkorlik

Nurafshon shahrida Sogʻliqni saqlash boshqarmasining maʼmuriy binosi foydalanishga topshirildi

Sogʻliqni saqlash boshqarmasi bugun yangi maʼmuriy binoda ish boshladi. “Nurafshon business citi” hududida qad rostlagan mazkur inshoot mutasaddilar, jamoatchilik vakillari, nuroniylar ishtirokida tantanali surʼatda foydalanishga topshirildi.

Maʼlumot oʻrnida, bino ikki qismdan iborat boʻlib, maʼmuriyat va shoshilinch tibbiy yordam markazi shu yerga joylashadi. Bugungi kunda Toshkent viloyati Sogʻliqni saqlash boshqarmasi va uning tarkibidagi viloyat ixtisoslashgan shifoxonalari poytaxt hududida faoliyat koʻrsatib kelmoqda. Ularni viloyat hududiga bosqichma-bosqich koʻchirish, tibbiyot klasterini tashkil etish borasida ishlar boshlangan.

Tadbirda Sogʻliqni saqlash vaziri Asilbek Xudoyorov ishtirok etdi va nutq soʻzladi.

✅ Telegram 🌐Website 📹YouTube 📸 Instagram✅Facebook 🕊Twitter

#bunyodkorlik

Nurafshon shahrida viloyat Mudofaa ishlari boshqarmasining ma’muriy binosi va chaqiruv-yigin punkti qurilishi boshlandi

So‘nggi yillarda mamlakatimizda mudofaa tizimining qudratini mustahkamlash, Qurolli Kuchlar salohiyatini oshirish va harbiy xizmatchilar uchun munosib sharoitlar yaratish yo‘lida izchil islohotlar amalga oshirilmoqda.

Xususan, yangi o‘quv markazlari, chaqiruv-yigin bunktlari va boshqaruv infratuzilmalari barpo etilayotgani hamda mavjud obyektlarda rekonstruksiya va modernizatsiya ishlari olib borilayotgani ham shu maqsadga xizmat qilayotgan ushlar sirasidandir.

Bugun Nurafshon shahrida viloyat Mudofaa ishlari boshqarmasining ma’muriy binosi va chaqiruv-yigin bunkti qurilishiga tamal toshi qo‘yildi.

Tadbirda Toshkent viloyati hokimi Zoyir Mirzayev, soha rahbarlari, harbiy xizmatchilar hamda nuroniylar ishtirok etishdi.

Yangi bino 1,05 gektar maydonda bunyod etilishi rejalashtirilgan bo‘lib, uch qavatdan iborat bo‘ladi. Loyihada zamonaviy ish xonalari, oshxona, majlislar zali, yig‘uv markazi va boshqa qulayliklar ko‘zda tutilgan.

An'anaga ko'ra, nuroniylar tomonidan duo qilinib, ish boshida jonliq so‘yildi.

Shuningdek, bugungi kunda Toshkent viloyati Mudofaa ishlar boshqarmasining ikki tuman bo‘limida yangi binolar qurilishi, uchta tuman bo‘limida esa rekonstruksiya ishlari jadal davom etmoqda.

✅Telegram 🌐Website 📹YouTube✅Facebook 🕊Twitter

#bunyodkorlik

Nurafshon markazida zamonaviy xizmatlar majmuasi qad rostlaydi

Nurafshon shahri markazidagi "Nurafshon Business City" hududida aholiga zamonaviy xizmat ko‘rsatishga mo‘ljallangan yirik kompleks qurilishiga tantanali start berildi.

Loyiha doirasida tadbir va to‘y marosimlarini yuqori saviyada o‘tkazishga mo‘ljallangan muhtasham tantanalar saroyi, zamonaviy savdo majmualari, restoran, maishiy xizmat ko‘rsatishga mo‘ljallangan majmualar barpo etilishi rejalashtirilgan.

Ushbu majmua shahar aholisi va mehmonlari uchun yanada qulay infratuzilma yaratishga xizmat qiladi.

Qurilish ishlariga start berish marosimida Toshkent viloyati hokimi Zoyir Mirzayev, Nurafshon shahar hokimi Qobil Hamdamov, tegishli mutasaddilar, nuroniylar hamda keng jamoatchilik vakillari ishtirok etdi.

Tadbir milliy qadriyatlarimizga xos tarzda o‘tkazilib, xayr-saxovat va ezgu niyat ramzi sifatida jonliq so‘yildi, ehson dasturxoni yozildi hamda yurtimiz tinchligi, xalqimiz farovonligi va barpo etilayotgan inshootning barakali bo‘lishi uchun duolar qilindi.

Mazkur biznes kompleksi Nurafshon shahrining zamonaviy qiyofasini yanada boyitish, xizmatlar sohasini rivojlantirish va yangi ish o‘rinlari yaratishga xizmat qiladigan muhim loyihalardan biri bo‘lishi kutilmoqda.

✅Telegram 🌐Website 📹YouTube✅Facebook 🕊Twitter 🌐Instagram

#bunyodkorlik
#tuhfa

Nurafshonda barpo etilgan muazzam favvoralar ansambli shaharga o‘zgacha tarovat baxsh etmoqda

Nurafshon shahrida Mustaqilligimizning 35 yillik shodiyonalari arafasida shahar ahli va mehmonlariga yana bir munosib tuhfa — 70 metr uzunlikdagi zamonaviy musiqali favvoralar majmui ishga tushirildi.

Mazkur majmua davlatimiz rahbarining viloyatimiz, xususan, uning markazi Nurafshon shahrini zamonaviy shaharsozlik asosida rivojlantirishga qaratayotgan e’tiborining yana bir yorqin ifodasi bo‘ldi.

Osmono‘par favvoralar “Yangi O‘zbekiston” bog‘idagi muazzam sun’iy ko‘l bag‘rida qad rostlab, marvarid tomchilari va  orombaxsh fayzi bilan shaharning eng  diqqatga sazovor maskanlaridan biriga aylanib,  Nurafshonning zamonaviy qiyofasiga yana bir go‘zal chizgi qo‘shdi.

Ayniqsa, kechqurun bu yerdagi atmosfera  yanada jozibador tus oladi. Turfa rangli chiroqlar ostida 70 metrlik favvoralar musiqa sadolariga uyg‘un ravishda goh osmon sari intilib, goh mayin tovush bilan ko‘l bag‘riga qaytib tushadi. Suv, nur va musiqa uyg‘unligi esa oddiy sayrni ham o‘ziga xos tomoshaga aylantiradi.

Favvora atrofidagi so‘lim xiyobonda sayr qilish, sokin o‘rinlarda hordiq chiqarish, yaqinlar bilan suhbatlashish uchun sharoitlar yaratilgan. Muzqaymoq,  salqin ichimliklar,  fast-fut shahobchalari ish boshlagani
bu yerni oilaviy dam olish uchun ayni muddaoga aylantirgan.

Zero, Nurafshonning yangi qiyofasi faqat muhtasham binolar bilan emas, odamlar zavq bilan keladigan, oilasi bilan vaqt o‘tkazadigan, xotiralar qoldiradigan go‘zal maskanlar bilan  yaratilmoqda.

Nurafshon favvoralar ansambli har kuni 20.00 da 22.00 gacha shahar ahli va mehmonlari xizmatida bo‘ladi.

✅Telegram 🌐Website 📹YouTube✅Facebook 🕊Twitter🌐Instagram

#bunyodkorlik

Nurafshonda Markaziy bank Toshkent viloyati bosh boshqarmasining yangi binosi ochildi

Toshkent viloyatida Markaziy bank Toshkent viloyati bosh boshqarmasining yangi, zamonaviy binosi foydalanishga topshirildi.

Tantanali ochilish marosimida Toshkent viloyati hokimi Zoyir Mirzayev, Markaziy bank raisi Timur Ishmetov, viloyatdagi bank-moliya muassasalari mas’ullari, tegishli tashkilot va idoralar rahbarlari hamda jamoatchilik vakillari ishtirok etdi.

Qurilish jarayonida zamonaviy me’moriy va muhandislik yechimlari, ilg‘or texnologiyalarni joriy etish, xodimlar uchun qulay mehnat sharoitlarini yaratish hamda tashrif buyuruvchilarga sifatli xizmat ko‘rsatish uchun zarur imkoniyatlarni ta’minlashga alohida e’tibor qaratildi.

Avvalgi ma’muriy binoning hududiy jihatdan nisbatan uzoqda joylashgani tijorat banklari, tadbirkorlar va davlat organlari bilan tezkor hamkorlikni yo‘lga qo‘yishda ayrim noqulayliklarni keltirib chiqarayotgan edi. Yangi binoning markaziy va qulay hududda barpo etilgani esa bu boradagi imkoniyatlarni sezilarli darajada kengaytiradi.

Yangi binoda xodimlarning samarali faoliyat yuritishi uchun barcha zarur sharoitlar yaratilgan. Zamonaviy axborot-kommunikatsiya texnologiyalari joriy etilib, xizmat xonalari, yig‘ilish va muzokaralar zallari hamda boshqa infratuzilma obyektlari zamon talablariga mos ravishda tashkil etilgan.

Tadbir so‘ngida ishtirokchilar binoda yaratilgan sharoit va imkoniyatlar bilan tanishdilar.

✅Telegram 🌐Website 📹YouTube✅Facebook 🕊Twitter🌐Instagram