✅✅✅✅

Nurafshon shahar Kengashining navbatdagi sessiyasi bo‘lib o‘tdi

Bugun xalq deputatlari Nurafshon shahar Kengashining yettinchi chaqiriq navbatdagi 27-sessiyasi bo‘lib o‘tdi. Unda shahar hayotiga oid muhim masalalar, hududni rivojlantirish, mahalliy budjet mablag‘laridan samarali foydalanish hamda aholi uchun qulay sharoitlar yaratish bilan bog‘liq masalalar muhokama qilindi.

✅ Sessiya avvalida tegishli saylov okruglarida o‘tkazilgan saylov yakunlari ko‘rib chiqildi. Unga ko‘ra, 13-“Yoshlik” saylov okrugidan Nurafshon shahar hokimi Qobil Xamdamov, 15-“Birlik” saylov okrugidan esa shahar mahallalar uyushmasi rahbari Zulfiya Maqsudova deputat etib saylangani e’tirof etildi.

Yangi saylangan deputatlarga deputatlik guvohnomasi hamda ko‘krak nishoni tantanali ravishda topshirildi.
Shundan so‘ng sessiya kun tartibidagi boshqa masalalar muhokamasiga o‘tildi.

Xususan, shahar iqtisodiyot va moliya bo‘limi boshlig‘ining 2026-yil I va II choraklarida mahalliy budjet parametrlari ijrosi yuzasidan hisoboti tinglandi. Shuningdek, yilning 2-mavsumida “Fuqarolar tashabbuslari” jamg‘armasi hisobidan g‘olib bo‘lgan loyihalarni moliyalashtirish hamda mahalliy budjetning qo‘shimcha manbalaridan mablag‘larni yo‘naltirish masalalari ko‘rib chiqildi.

❗️Sessiya davomida obodonlashtirish va maishiy chiqindi xizmatlari uchun to‘lov tariflarini tasdiqlash, “Yangiobod” MFY hududida soya-salqin sayr ko‘chalarini barpo etish bo‘yicha manzilli ro‘yxatni tasdiqlash masalalari ham muhokama qilindi.
Kun tartibidagi masalalar yuzasidan deputatlar tomonidan fikr va takliflar bildirilib, tegishli qarorlar qabul qilindi.

✅Telegram 🌐Instagram 🌐Website✅Facebook

✅✅✅✅

Kuz-qish mavsumiga tayyorgarlik: elektr tarmoqlari modernizatsiya qilinmoqda

Nurafshon shahrida kuz-qish mavsumini betalafot o‘tkazish, elektr ta’minotining barqarorligini ta’minlash hamda iste’molchilarga uzluksiz elektr energiyasi yetkazib berish maqsadida elektr tarmoqlarida ta’mirlash va modernizatsiya ishlari olib borilmoqda.

🔹 Yangiobod MFY hududidagi TP-963 transformator punktida beton ustunlarga SIP kabellar tortilmoqda. Shuningdek, 12-sonli ko‘p qavatli uy hududida shikastlangan elektr simlarini modernizatsiya qilish ishlari amalga oshirilmoqda.

🔹 Navro‘z MFY hududida TP-189, 250 kVA quvvatli transformatorning mavjud yuklamasini kamaytirish va elektr ta’minotini yanada barqarorlashtirish maqsadida qo‘shimcha 250 kVA quvvatga ega TP-140 transformatorini o‘rnatish ishlari olib borilmoqda.

❗️Mazkur chora-tadbirlar kuz-qish mavsumida elektr tarmoqlarida yuzaga kelishi mumkin bo‘lgan ortiqcha yuklamalarning oldini olish, tarmoqlarning ishonchliligini oshirish va aholi xonadonlarini barqaror elektr energiyasi bilan ta’minlashga qaratilgan.

✅Telegram 🌐Instagram 🌐Website✅Facebook

✅✅✅✅

Nurafshon dehqon bozorida tartib va xavfsizlik masalalari o‘rganildi

Bugun Nurafshon shahar hokimi Qobil Xamdamov, shahar prokurori To‘lqin Karimov hamda shahar IIB boshlig‘i Azizbek Yuldashev ishtirokida Nurafshon dehqon bozoridagi mavjud holat o‘rganildi.

✔️O‘rganish davomida bozordagi narx-navo, xaridorlar va sotuvchilar uchun yaratilgan shart-sharoitlar, savdo tartibi, jamoat xavfsizligi hamda yong‘in xavfsizligini ta’minlash borasidagi ishlar ko‘zdan kechirildi.

✔️Shuningdek, noqonuniy savdoning oldini olish, savdo faoliyatini tartibga solish va soliq tushumlarini ta’minlash masalalariga alohida e’tibor qaratildi.

Jarayon davomida aholi va savdogarlar bilan bevosita muloqot qilinib, ularning murojaatlari, taklif va muammolari tinglandi.
O‘rganishda kadastr, kommunal xizmat ko‘rsatuvchi tashkilotlar hamda Favqulodda vaziyatlar bo‘limi mas’ullari ham ishtirok etdi.

❗️Aniqlangan kamchiliklarni bartaraf etish, bozorda tartib-intizom va xavfsizlikni mustahkamlash, savdogarlar hamda xaridorlar uchun qulay sharoitlarni yaxshilash yuzasidan mas’ullarga aniq vazifa va topshiriqlar berildi. Ularning ijrosi nazoratga olindi.

✅Telegram 🌐Instagram 📹YouTube✅Facebook