Фуқаролар мурожаати ҳал қилинмоқда
Жорий йилнинг 11 сентябрь куни шаҳар ҳокимининг фуқаролар қабулида “Қумариқ” МФЙ ҳудудида истиқомад қилувчи бир гуруҳ фуқаролар томонидан маҳалла ички йўли масаласида мурожаат қилинган эди. Шаҳар ҳокимлиги, шаҳар прокуратураси, шаҳар ИИБ ҳамда тегишли мутадасси ташкилотлар томонидан жойига чиқиб ўрганилганда, ҳақиқатдан ҳам “Қумариқ” МФЙ ҳудудида аҳоли пиёда ўтиши учун мўлжалланган йўл шу маҳаллада яшовчи фуқаро томонидан ўзбошимчалик билан ёпиб қўйилганлиги аниқланди.
Масала бўйича фуқарога тушунтириш ишлари олиб борилиб, ижобий ҳал этилишига эришилди.
Маълумот учун, ўзбошимчалик билан иморат қурганлик учун қонунчиликда жазо тайинланади. Объектни рўйхатдан ўтказмасдан ва рухсатномасиз қурганлик, қурилиш нормалари ва қоидаларини, ишларни бажариш ва топширишда техник шартларни, объектни ишга тушириш қоидаларини бузганлик учун жарималар солинади (МЖТКнинг 99-моддаси).

Нурафшон шаҳар ҳокимлиги ахборот хизмати
@Nurafshonpressa

Нурафшон шаҳар Маданият марказида Сайёр қабул ўтказилди

Ҳафтанинг ҳар шанбасида Нурафшон шаҳар ҳокими М.Салиев шаҳар аҳолиси учун қабул ўтказиши яхши анъана тусига кирган. Бугун ўтказилган Сайёр қабулда сектор раҳбарлари, жисмоний ва юридик шаҳслар вакиллари қатнашди.
Сайёр қабулда иштирок этган фуқаролар, ўзларининг қийнаётган масалалари жумладан, паспорт олиш, уй-жой қуриш учун ер майдонини олиш, бандликни таъминлаш, кўча йўллари, электр тармоқлари ва моддий ёрдам олиш бўйича мурожаатлар қилишди. Жисмоний ва юридик шаҳсларнинг барча мурожаатлари, маъсуллар томонидан тўлиқ ўрганиб чиқилди ва жойида ижобий хал қилинди.
Фуқароларнинг ҳар бир мурожаатининг ижроси назоратга олинди.

Нурафшон шаҳар ҳокимлиги ахборот хизмати
@Nurafshonpressa

Нурафшон шаҳар 4-сектор ҳудудида жойлашган Эвалак МФЙнининг кўчасида замонавий кўча чироқлари сектор раҳбари С.Нархаджаевнинг ташаббуси билан ўрнатилмоқда.
Нурафшон шаҳар ҳокимлиги ахборот хизмати
@Nurafshonpressa