#inson_qadri_uchun

Nurafshon shahridagi mahallalarda amalga oshirilishi koʻzda tutilgan loyihalar uchun 17 milliard soʻmdan ortiq mablagʻ ajratildi

Xabaringiz bor, Oʻzbekiston Respublikasi Prezidentining 2022-yil 25-oktyabrda “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi 408-sonli qarori tasdiqlangan edi.

Shungaga asosan dastur doirasida Toshkent viloyatida mahallalar infratuzilmasini rivojlantirish boʻyicha salmoqli vazifalar belgilab berilgan.

Xususan, bugun erta tongdan mazkur ishlarga aloqador mutasaddilar, tuman-shahar hokimlari mahallalarda boʻlib, ushbu dastur doirasida amalga oshiriladigan qurilish-taʼmirlash ishlari yuzasidan aholiga hisobot berdi.

Aytish joizki, birgina Nurafshon shahridagi “Obod” mahallasida ichimlik suvi tarmogʻini yaxshilash uchun 2 milliard 200 million soʻm mablagʻ ajratildi. Bu kabi raqamlarni uzoq davom ettirish mumkin.

Jumladan, “Yoshlik” mahallasi Yoshlik, I.Karimov va Sport koʻchalarining 1,6 km ichki yoʻllari, “Uchqun” mahallasi Uchqun koʻchasida 0,5 km “Obod” mahallasi Bahor koʻchasida 0,85 km, Birlik koʻchasida 0,45 km, Bunyotkor koʻchasida 2 km, Osuda koʻchasida 0,15 km, Mayramkoʻl koʻchasida 0,95 km hamda “Evalak” mahallasi Evalak koʻchasiga oʻtuvchi Xonariq ustidagi koʻprigida taʼmirlash ishlari olib boriladi. 1,500 km sim kabellarini almashtirish ishlari amalga oshiriladi.

Shuningdek, bu kabi bunyodkorlik ishlari “Degantepa”, “Taraqqiyot”, “Yuksalish”, “Hurriyat”, “Dehqonobod”, “Toʻytepa”, “Qumariq”, “Bobur” hamda “Obod turmush” kabi oʻndan mahallalarida tashkil etiladi.

Mazkur ishlar uchun 17 milliard 910 million soʻm mablagʻ ajratilgan.

Tafsilotlar videolavhada. Bizni kuzatib boring.

✉️Telegram 🌐YouTube 📱Instagram 📱Facebook 📱Twitter