#shukuh

Bugun Toshkent viloyati markazi Nurafshon shahrida bir qator yangi ijtimoiy obyektlar foydalanishga topshirildi

Mazkur obyektlarning ochilish marosimlarida viloyat sektor rahbarlari, nuroniylar, deputatlar, yoshlar hamda keng jamoatchilik vakillari ishtirok etdi.

Dastlab, mehmonlar “Qorasuv-Boʻka-Bekobod” avtomobil yoʻlining temir-yoʻl ustidan oʻtuvchi yoʻl oʻtkazgichni mukammal taʼmirlash ishlari bilan tanishdi. Tantanali marosimda viloyat hokimi Zoyir Mirzayev yigʻilganlarni qoʻshaloq bayram bilan samimiy qutladi. Oʻz navbatida, qisqa fursatlarda obyektni foydalanishga topshirgan “Toshkent koʻpriklardan foydalanish” unitar korxonasi quruvchilariga minnatdorlik bildirildi.

Yangi bunyod etilgan koʻprik avtomobillar harakatining uzluksizligi barobarida piyodalar xavfsizligini taʼminlashda muhim ahamiyat kasb etadi. Maʼlumot oʻrnida qayd etish mumkin, mazkur koʻprik uchun byudjet mablagʻlari hisobidan 25,6 millard soʻm mablagʻ ajratilgan boʻlib, qurilish 94 kun davom etdi, jarayonga 85 nafar ishchi-xodim, 30 dan ortiq maxsus texnika jalb etildi.

Koʻprikning tantanali ochilish marosimidan soʻng mashinalar qatnoviga start berildi.

✉️Telegram 🌐Website 🌐YouTube 📱Instagram 📱Facebook 📱Twitter

#tuhfa

Respublika IT parkining Toshkent viloyati filali foydalanishga topshirildi

Ayni paytda Toshkent viloyatida 31 ta IT markazlari ishlab turibdi. Endi ularning hammasini umimiy koordinatori sifatida IT park faoliyatini boshlamoqda.

Mazkur obyekt Muhammad al-Xorazmiy nomidagi Toshkent axborot texnologiyalari universitetining Nurafshon filiali hududida joylashdi. Zoyir Mirzayev boshchiligidagi viloyat faollari binoda yaratilgan shart-sharoitlarni koʻzdan kechirishdi.

Aytish zarurki, binoda barcha qulayliklar yaratilgan. Xonalarga zamonaviy mebel jihozlari, kompyuter texnologiyalari oʻrnatilgan. Oshxona, dam olish xonalari ham tashkil etilgan. Viloyat mahalliy byudjetidan 8 milliard soʻm mablagʻ ajratilib, zamonaviy kompyuterlar jamlanmasi va mebel jihozlari bilan taʼminlangan.

Jami 6 gektar yer maydonida qurilgan filialda zamonaviy laboratoriyalar, kovorking markazi hamda ofis maydonlari joy olgan. IT park rezidentlari va oʻrganuvchilar uchun sohani chuqur oʻrganish, faoliyat olib borishga qulay sharoit yaratilgan.

✉️Telegram 🌐Website 🌐YouTube 📱Instagram 📱Facebook 📱Twitter