#Shukuh

Ayni damda Toshkent viloyati maʼmuriy markazi – Nurafshon shahrida Navroʻz bayram sayli boshlandi.

Hudud bayramona bezatilgan. Viloyatning shahar va tumanlari povilonlarida milliylikni tarannum etuvchi koʻrgazmali namoyishlar tashkil qilingan. Milliy kuy va qoʻshiqlar yangramoqda.

Amfiteatrda boʻlib oʻtadigan shodiyonalarda taniqli sanʼatkorlarning chiqishlari, madaniyat sohasi vakillarining sahnaviy namoyishlari kutilmoqda.

Bayramni hokimlikning rasmiy sahifalari orqali jonli efirda kuzatishingiz mumkin.

✅ Telegram 🌐Website 📹YouTube 📸 Instagram✅Facebook 🕊Twitter

#Shukuh

Toshkent viloyatida “Qadriyatlaring boqiy bo‘lsin, Navro‘z!” degan bosh g‘oya asosida umumxalq sayli shaklida tashkil etilgan Navro‘z umumxalq bayram tantanalari koʻtarinki ruhda boʻlib oʻtdi.

Bayram doirasida katta sayl, maydon tomoshalari oʻtkazildi. Shuningdek, milliy taomlar festivali, pavilonlar o‘rtasida turli qiziqarli bellashuvlar tashkil qilindi.

Bayram shukuhi viloyatning barcha shahar va tumanlari, qishloq va mahallalarida davom etadi.

✅ Telegram 🌐Website 📹YouTube 📸 Instagram✅Facebook 🕊Twitter

#Shukuh

Maktablarda “Soʻnggi qoʻngʻiroq” yangradi

Bugun viloyatimizdagi barcha umumtaʼlim maktablarida “Soʻnggi qoʻngʻiroq” tadbirlari ko'tarinki ruhda oʻtkazildi. Jumladan, Nurafshon shahridagi "Vatanparvar bogʻi"da 32-sonli umumiy oʻrta taʼlim maktabi 11-sinf bitiruvchilarining soʻnggi qoʻngʻiroq tadbiri tashkil qilindi. Tadbir avvalida, Prezident tabrigi bitiruvchi-yoshlarga oʻqib eshittirildi.

Maʼlumot uchun, bu yil viloyatimizda 53 114 nafar 9-sinf va 35 774 nafar 11-sinf bitiruvchilari tamomlamoqda. Shundan 889 nafari oltin, 223 nafari kumush medal sohibi bo'ldi. 75 nafari oliy taʼlim muassasalariga muddatidan oldin oʻqishga qabul qilingan va 10 nafari TOP-300 talik OTM talabasi bo‘lgan.

Tadbir davomida 2024-2025-oʻquv yilida fan olimpiyadalari, koʻrik-tanlov va sport musobaqalarida ishtirok etib, faxrli oʻrinlarni egallagan hamda oʻzining namunali xulqi bilan tengdoshlariga oʻrnak boʻlgan bir guruh oʻquvchilar, shuningdek, jonkuyar ijodkor oʻqituvchilar viloyat hokimining faxriy yorliq, qimmatbaho esdalik sovgʻalari va pul mukofotlari bilan taqdirlandi.

Shuningdek, badiiy chiqishlar namoyish etilib, soʻnggi qoʻngʻiroq sadolari ostida bitiruvchilar katta hayot ostonasiga kuzatildi. Shundan soʻng, viloyat hokimi bitiruvchi yoshlar bilan ochiq muloqot oʻtkazdi va ularning taklif, tashabbus hamda fikrlarini tingladi.

Marosimda Toshkent viloyati hokimi Zoyir Mirzayev ishtirok etdi va nutq soʻzladi.

✅Telegram 🌐Website 📹YouTube 🌐 Instagram✅Facebook 🕊Twitter