#Shukuh

Toshkent viloyatida “Qadriyatlaring boqiy bo‘lsin, Navro‘z!” degan bosh g‘oya asosida umumxalq sayli shaklida tashkil etilgan Navro‘z umumxalq bayram tantanalari koʻtarinki ruhda boʻlib oʻtdi.

Bayram doirasida katta sayl, maydon tomoshalari oʻtkazildi. Shuningdek, milliy taomlar festivali, pavilonlar o‘rtasida turli qiziqarli bellashuvlar tashkil qilindi.

Bayram shukuhi viloyatning barcha shahar va tumanlari, qishloq va mahallalarida davom etadi.

✅ Telegram 🌐Website 📹YouTube 📸 Instagram✅Facebook 🕊Twitter

#Shukuh

Maktablarda “Soʻnggi qoʻngʻiroq” yangradi

Bugun viloyatimizdagi barcha umumtaʼlim maktablarida “Soʻnggi qoʻngʻiroq” tadbirlari ko'tarinki ruhda oʻtkazildi. Jumladan, Nurafshon shahridagi "Vatanparvar bogʻi"da 32-sonli umumiy oʻrta taʼlim maktabi 11-sinf bitiruvchilarining soʻnggi qoʻngʻiroq tadbiri tashkil qilindi. Tadbir avvalida, Prezident tabrigi bitiruvchi-yoshlarga oʻqib eshittirildi.

Maʼlumot uchun, bu yil viloyatimizda 53 114 nafar 9-sinf va 35 774 nafar 11-sinf bitiruvchilari tamomlamoqda. Shundan 889 nafari oltin, 223 nafari kumush medal sohibi bo'ldi. 75 nafari oliy taʼlim muassasalariga muddatidan oldin oʻqishga qabul qilingan va 10 nafari TOP-300 talik OTM talabasi bo‘lgan.

Tadbir davomida 2024-2025-oʻquv yilida fan olimpiyadalari, koʻrik-tanlov va sport musobaqalarida ishtirok etib, faxrli oʻrinlarni egallagan hamda oʻzining namunali xulqi bilan tengdoshlariga oʻrnak boʻlgan bir guruh oʻquvchilar, shuningdek, jonkuyar ijodkor oʻqituvchilar viloyat hokimining faxriy yorliq, qimmatbaho esdalik sovgʻalari va pul mukofotlari bilan taqdirlandi.

Shuningdek, badiiy chiqishlar namoyish etilib, soʻnggi qoʻngʻiroq sadolari ostida bitiruvchilar katta hayot ostonasiga kuzatildi. Shundan soʻng, viloyat hokimi bitiruvchi yoshlar bilan ochiq muloqot oʻtkazdi va ularning taklif, tashabbus hamda fikrlarini tingladi.

Marosimda Toshkent viloyati hokimi Zoyir Mirzayev ishtirok etdi va nutq soʻzladi.

✅Telegram 🌐Website 📹YouTube 🌐 Instagram✅Facebook 🕊Twitter

#Shukuh

Nurafshonda ijtimoiy soha obyektlari foydalanishga topshirildi

"Navro'z" mahallasida qad rostlagan “Nuroniylar maskani” hamda "Ma'naviyat va ma'rifat maskani" binosining foydalanishga topshirilishi keksa avlod vakillariga davlatimiz tomonidan koʻrsatilayotgan eʼtiborning amaldagi yorqin ifodasi boʻldi.

Ochilish marosimida viloyat, tuman masʼullari, nuroniylar, faollar, keng jamoatchilik vakillari ishtirok etdi. Tadbirda soʻzga chiqqanlar yurtimizdagi tinchlik hamda osoyishtalikka shukrona aytib, yaratilgan qulaylik va imkoniyatlar uchun minnatdorlik bildirishdi.

Maskanda nuroniylarning mazmunli dam olib, vaqtini chogʻ oʻtkazishlari uchun barcha sharoit mavjud. Shuningdek, kutubxona, maʼnaviyat, tibbiyot, dam olish xonalari, oshxona, sport zal va sogʻlomlashtirish xonasi, shaxmat-shashka stoli mujassam.

0,11 gektar yer maydonida qad rostlagan ushbu maskan qurilishi uchun 4,6 mlrd so'm miqdorda mablag' ajratilgan bo'lib, keksa va yosh avlod vakillariga oʻzaro muloqotda boʻlish, qolaversa, salomatligini mustahkamlash, ma'naviyatini yanada yuksaltirish uchun keng imkoniyat yaratdi.

✅Telegram 🌐Website 📹YouTube 🌐Instagram✅Facebook🕊Twitter

#Shukuh

“Toshkent viloyati pedagogik markazi” binosiga tamal toshi qo'yildi

Bayram arafasida "Nurafshon business city" hududida davlat xizmatchilari uchun qurilayotgan uy-joylar bilan tanishildi.

Viloyat hokimi Zoyir Mirzayev hamda nuroniylar, faollar, keng jamoatchilik vakillari va jurnalistlarga ushbu hududda qurilishi rejalashtirilgan ijtimoiy soha obyektlari loyihasi toʻgʻrisidagi taqdimot namoyish qilindi.

Shundan soʻng, “Toshkent viloyati pedagogik markazi” binosi qurilishiga start berilib, el-yurt ravnaqi, viloyat rivoji va aholi turmush farovonligi yoʻlida duoi-tilovat qilindi.

Maʼlumot uchun, mazkur zamonaviy bino qurilishi uchun jami 50,7 mlrd so‘m miqdorda mablag‘ ajratilgan bo'lib, 1,3 gektar yer maydonida barpo etilishi belgilangan.

Markaz ishga tushishi bilan pedagoglarning malakasini oshirish, ta’lim sifatini yuksaltirish va ilg‘or tajribalarni amaliyotga joriy etish ko'zda tutilgan.

✅Telegram 🌐Website 📹YouTube 🌐Instagram✅Facebook🕊Twitter

#Live #Shukuh

Nurafshon shahri Favqulodda vaziyatlar bo‘limi yangi binosi foydalanishga topshirildi

Ayni damda "Yangiobod" mahalla fuqarolar yig‘inida joylashgan Favqulodda vaziyatlar bo‘limi uchun yangi qurilgan binoning rasmiy ochilish marosimi bo‘lib o‘tdi.

Ushbu inshoot 10 mlrd so‘m mablag‘ evaziga zamonaviy talablarga javob beradigan, texnik jihozlar bilan ta’minlangan holda barpo etildi. 

Yangi va zamonaviy binoda xodimlar uchun qulay ish sharoitlari yaratilgan, aloqa va nazorat tizimlari o‘rnatilgan.

Marosimda viloyat, shahar hokimligi vakillari, keng jamoatchilik, Favqulodda vaziyatlar xizmati xodimlari hamda ommaviy axborot vositalari vakillari qatnashdi.

Soʻzga chiqqan viloyat hokimi Zoyir Mirzayev yangi inshootning ahamiyati va fuqarolar xavfsizligini ta’minlashda tutgan o‘rni haqida atroflicha to‘xtalib o‘tdi.

Bu kabi zamonaviy binolarning barpo etilishi mamlakatimizda aholi xavfsizligi va hayotini muhofaza qilishga qaratilayotgan e’tiborning yana bir amaliy ifodasidir.

✅Telegram 🌐Website 📹YouTube 🌐Instagram✅Facebook🕊Twitter

#Live #Shukuh

Ayni damda Nurafshon shahridagi “Nurafshon business city” hududidagi amfiteatrda Mustaqilligimizning 34 yilligi munosabati bilan bayram tantanalari boshlandi.

“Vatan uchun, millat uchun, xalq uchun!” degan bosh gʻoyani oʻzida mujassam etgan mazkur tantanaga oʻzgacha taraddud koʻrildi. Bayram hududiga kelayotgan mehmonlar orasida el-yurt xizmatida boʻlgan turli soha vakillari, nuroniylar, ijtimoiy-iqtisodiy, maishiy sohalarda samarali mehnat qilayotgan insonlar qatnashmoqda.

Viloyat hokimi Zoyir Mirzayev viloyat ahlini bayram bilan tabriklab, oxirgi yillarda turli sohalarda erishilgan yutuqlar, kelgusidagi rejalar xususida nutq soʻzlamoqda.

Tadbir jarayonlarini hokimlikning rasmiy sahifalari hamda "Nurafshon TV" telekanalida toʻgʻridan-toʻgʻri jonli efir orqali kuzatib borishingiz mumkin

📱 Facebook

📱 You Tube

✅Telegram 🌐Website 📹YouTube 🌐Instagram✅Facebook🕊Twitter