Nurafshon shahrida xalqaro investorlar bilan uchrashuv o‘tkazildi

Toshkent viloyati hokimligida Nurafshon shahar hokimligi, “Da SHUN GROUP” va “HOLLEY GROUP” kompaniyalari, shuningdek, Xitoy Xalq Respublikasidan kelgan ishbilarmonlar ishtirokida uchrashuv bo‘lib o‘tdi.

Tadbirda viloyat hokimining o‘rinbosari N. Sharipov tomonidan Toshkent viloyatining investitsion salohiyati va yaratilgan qulay sharoitlar, jumladan maxsus sanoat zonalari haqida taqdimot o‘tkazildi. Asosiy e’tibor esa Nurafshon shahridagi investitsiya imkoniyatlariga qaratildi.

Nurafshon shahri hokimi I.Klichxanov mehmonlarga shaharning jadal rivojlanishi, loyihalar va kelgusidagi rejalar haqida ma’lumot berib, investorlarni hamkorlikka taklif etdi.

Xorijiy tadbirkorlar shahardagi investitsion muhitga katta qiziqish bildirgan holda, muzokaralarni davom ettirishga tayyor ekanliklarini bildirdilar.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

Tadbir doirasida Nurafshon shahrida investitsion loyihalar taqdimoti bo‘lib o‘tdi

Kunning ikkinchi yarmida uchrashuv ishtirokchilari Nurafshon shahrida joylashgan “Da SHUN GROUP” kompaniyasi investitsiyalari asosida amalga oshirilayotgan texnopark loyihasi bilan tanishdilar. Taqdimot davomida xorijiy investorlar uchun yaratilayotgan sharoitlar, amalga oshirilayotgan ishlar va istiqbolli rejalar haqida batafsil axborot berildi.

Mazkur uchrashuvda Toshkent viloyati hokimi Zoir Mirzayev ham ishtirok etdi va texnopark faoliyatiga yuqori baho berdi. U, shuningdek, viloyatda xorijiy investorlar bilan hamkorlikni kengaytirish uchun barcha zarur shart-sharoitlar yaratilayotganini ta’kidladi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt