Nurafshon shahrida Respublika ishchi guruhi ishtirokida yig‘ilish bo‘lib o‘tdi

Davlatimiz Rahbarining topshirig‘iga asosan, joriy yilning 9-iyunidan boshlab Toshkent viloyati mahallalarida aholi muammolarini o‘rganish va hal etish, bandlikni ta'minlash, kambag‘allikni qisqartirish, migratsiyadagi fuqarolar bilan manzilli ishlash yo‘nalishlarida ishlar olib borilishi belgilangan.

Shu munosabat bilan Nurafshon shahri hokimligida Respublika ishchi guruhi va shahar hokimi I.Klichxanov boshchiligida hokimlik mas'ullari hamda shahar korxona va tashkilotlari rahbarlari ishtirokida yig‘ilish tashkil etildi.

Unda mahallalarda olib borilayotgan ishlar, mavjud muammolar, ularni bartaraf etish bo‘yicha chora-tadbirlar, bandlik va ijtimoiy himoya masalalari muhokama qilindi. Ishlar samaradorligini oshirish yuzasidan mutasaddi rahbarlarga aniq vazifalar belgilab berildi.

Shahar hududidagi 22 ta mahalla 4 ta sektorga ishchi guruh a’zolari biriktirildi va har bir yo‘nalish bo‘yicha amaliy yordam ko‘rsatish belgilandi.

#SayyorQabul #Nurafshon

“Obod turmush” mahalla fuqarolar uchun sayyor qabul bo‘lib o‘tdi.

Nurafshon shahri 4-sonli maktab binosida Obod turmush mahallasi fuqarolari uchun ommaviy sayyor qabul tashkil etildi.

Tadbirda O‘zbekiston Respublikasi Prezidenti Administratsiyasi huzuridagi ishchi guruh a’zolari, l. Maxmudov, A. Jalolov Nurafshon shahri hokimi I. Klichxanov, tegishli shahar sektor rahbarlari ishtirok etdi.

Sayyor qabul doirasida fuqarolar bilan bevosita muloqot o‘rnatilib, ularning turli sohalardagi muammolari atroflicha o‘rganildi. Har bir murojaat alohida ko‘rib chiqilib, joyning o‘zida huquqiy va amaliy yechimlar taklif qilindi.

Tadbir davomida ko‘plab murojaatlar joyida ijobiy yechim topdi, ayrim masalalar bo‘yicha esa aniq muddat va mas’ullar belgilanib, nazoratga olindi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt