Nurafshonda mehnat daftarchalarini raqamlashtirish va migratsiya masalalariga bag‘ishlangan seminar hamda kengaytirilgan yig‘ilish bo‘lib o‘tdi

O‘zbekiston Respublikasi Prezidentining 2025-yil 26-iyundagi PF-105-son Farmonida belgilangan topshiriqlar ijrosini ta’minlash maqsadida Nurafshon shahrida fuqarolarni ijtimoiy himoya qilish, bandlikni ta’minlash va huquqiy savodxonlikni oshirishga qaratilgan tadbirlar tashkil etildi.

Tadbir doirasida, eng avvalo, fuqarolarning mehnat daftarchalarini raqamlashtirish, ularni tahlil qilish va bandlikka yo‘naltirish masalalariga bag‘ishlangan seminar o‘tkazildi. Unda ishsiz, uyda o‘tirgan, ijtimoiy himoyaga muhtoj fuqarolar, ayniqsa yoshlar va xotin-qizlarning mehnat bozoriga jalb etilishi yuzasidan muhim vazifalar belgilandi.

Shu bilan birga, Mahallani qo‘llab-quvvatlash Kengashining kengaytirilgan yig‘ilishi bo‘lib o‘tdi. Unda mahalla yettiligi a’zolarining yarim yillik faoliyati yuzasidan hisobotlari tinglandi. Yig‘ilishda migratsiya masalalari alohida muhokama qilinib, xorijga ketgan, ketish istagida bo‘lgan hamda qaytishni rejalashtirayotgan fuqarolar holati bo‘yicha tahlillar taqdim etildi.

Tadbirda Nurafshon shahar hokimining birinchi o‘rinbosari A. Eshbayev, shahar pensiya bo‘limi rahbari, Mahalla uyushmasining shahar bo‘limi, kambag‘allikni qisqartirish va bandlik, yoshlar ishlari, ijtimoiy xizmatlar bo‘limlari, soliq inspeksiyasi hamda mahalla yettiligi vakillari ishtirok etdilar.

Yig‘ilish davomida Yunikon Soft kompaniyasi bilan hamkorlikda joriy etilayotgan raqamli echimlar ham tanishtirildi. Tadbir yakunida ishsizlikni kamaytirish, aholini ijtimoiy faollikka jalb qilish va migratsiya xavflarini kamaytirishga qaratilgan aniq choralar belgilab olindi.

Nurafshon shahri sport maktabida “Muhimi g‘alaba qozonish emas, balki qatnashish!” shiori ostida quvnoq startlar sport musobaqasi o‘tkaziLdi.

Mazkur musobaqa "Dolzarb 90 kun" loyihasi dasturi doirasida tashkil etilgan boʻlib, bunday musobaqalar viloyatimizning barcha hududlarida tashkil etilmoqda.

https://t.me/TOSHVIL_SPORT

“Hokimlik soati” – dolzarb masalalar muhokamasida

📍 Nurafshon shahri hokimi I.Klichxanov raisligida navbatdagi “Hokimlik soati” yig‘ilishi bo‘lib o‘tdi. Unda shahar korxona va tashkilotlari rahbarlari, hokim o‘rinbosarlari hamda hokimlik apparati xodimlari ishtirok etdi.

Yig‘ilish davomida quyidagi dolzarb masalalar muhokama qilindi:

🔹 Xorijiy investitsiyalarni o‘zlashtirish va eksport prognozining bajarilishi,
🔹 “Ayollar daftari”ga kiritilgan xotin-qizlarning ijtimoiy-iqtisodiy muammolarini hal etish bo‘yicha amalga oshirilayotgan ishlar,
🔹 O‘zboshimchalik bilan egallab olingan yer uchastkalari va ularda qurilgan bino-inshootlarga bo‘lgan huquqlarni e’tirof etish holatlari,
🔹 O‘zbekiston Respublikasi Davlat mustaqilligining 34 yillik bayramiga tayyorgarlik ko‘rish va uni munosib tarzda o‘tkazish masalasi,
🔹 Maqbulashtirilgan mahallalarda amalga oshirilayotgan ishlar hamda “Mahalla yettiligi” vakillarining bandligini ta’minlash,
🔹 “Zamonaviy mahalla markazlari”ni tashkil etish bo‘yicha chora-tadbirlar.

📝 Yig‘ilish yakunida kun tartibidagi masalalar bo‘yicha mas’ul rahbarlarga aniq topshiriqlar berilib, ularning ijrosi qat’iy nazoratga olindi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt