"Taraqqiyot" mahallasida fuqarolar bilan ochiq muloqot tashkil etildi

Nurafshon shahri hokimi I. Klichxanov boshchiligida navbatdagi sayyor qabul “Taraqqiyot” mahallasida bo‘lib o‘tdi. Qabul jarayonida mahalla aholisi o‘zlarini qiynayotgan masalalar yuzasidan mutasaddi rahbarlarga to‘g‘ridan-to‘g‘ri murojaat qilish imkoniyatiga ega bo‘ldi.

Ochiq muloqotda Nurafshon shahar IIB boshlig‘i A. Yuldashev, shahar prokurori o‘rinbosari A. Olimov, hokim o‘rinbosarlari, shuningdek, korxona va tashkilotlar rahbarlari ishtirok etdilar.

Sayyor qabul davomida quyidagi yo‘nalishlardagi dolzarb muammolar muhokama qilindi:

🔹 elektr energiyasi ta’minoti
🔹 ichimlik suvi va BSK xizmatlari
🔹 tibbiy xizmatdan foydalanish
🔹 subsidiya ajratilishi
🔹 uy-joy ta’miri bilan bog‘liq masalalar

Bildirilgan murojaatlar yuzasidan mas’ul rahbarlarga aniq topshiriqlar berildi, ayrim masalalar esa joyida hal etildi.

Telegram |Facebook | Instagram |You tube | Web sayt

Нурафшон шаҳрида ПҚ-1-сонли Президент қарори ижроси юзасидан навбатдаги таҳлилий йиғилиш бўлиб ўтди.

2025 йил 3 январдаги Ўзбекистон Республикаси Президентининг ПҚ-1-сонли “Республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги қарори ижроси доирасида 3-чорак ҳолати таҳлили ва амалга оширилмай қолган вазифалар бўйича мониторинг ишлари амалга оширилди.

Шу муносабат билан Нурафшон шаҳрида кенг қамровли таҳлилий ва танқидий руҳда йиғилиш ташкил этилди. Йиғилишда шаҳар ҳокими И.Кличханов, шаҳар прокурори ўринбосари А.Олимов, Ички ишлар бўлими бошлиғи А.Юлдашев, шунингдек, мутасадди ташкилотлар иштирок этдилар.

Йиғилиш давомида қарор ижроси бўйича масъул идоралар раҳбарларининг ҳисоботлари эшитилди. Ҳар бир маҳаллада қонунийликни таъминлаш, жиноятчиликни камайтириш ва профилактик тадбирларни кучайтириш юзасидан кўрилаётган чоралар таҳлил қилинди.

Мониторинг жараёнида айрим топшириқлар бажарилишида сусткашликка йўл қўйилаётгани, профилактика инспекторлари ва маҳалла фаоллари ўртасида ҳамкорлик етарли даражада эмаслиги, айрим ҳолларда эса назорат ва ҳисобот механизмлари самарасиз экани қайд этилди.

Йиғилиш якунида мутасаддилар олдига аниқ вазифалар қўйилди. Жумладан:
- амалга оширилмаган топшириқларни тезкорлик билан бажариш;
- ҳар бир маҳаллада жиноятчиликни барвақт аниқлаш ва унинг олдини олишда инновацион ёндашувларни жорий этиш;
- профилактик тадбирларда аҳоли иштирокини ошириш;

Масъул раҳбарлар фаолиятини доимий таҳлил ва назорат қилиш юзасидан чоралар белгиланди.

Телеграм | Instagram  | Youtube | Tik tok | Facebook

Toshkent yo‘li ko‘chasida obodonlashtirish holati o‘rganildi

Nurafshon shahrida hududlarni obodonlashtirish, yashil maydonlarni saqlash va shahar ko‘rkini oshirish bo‘yicha tizimli ishlar davom etmoqda.

Shu maqsadda Nurafshon shahri hokimi I. Klichxanov, shahar IIB boshlig‘i A. Yuldashev, prokuror o‘rinbosari A. Olimov, hokim o‘rinbosarlari hamda tegishli tashkilot rahbarlari ishtirokida Toshkent yo‘li ko‘chasida navbatdagi o‘rganish ishlari olib borildi.

Tashrif davomida ko‘cha bo‘ylab amalga oshirilgan obodonlashtirish holati, xususan:

🔹 ekilgan daraxt va rayhon gullarining holati,
🔹 ularning parvarishi va sug‘orilishi,
🔹 begona o‘tlarni tozalash ishlari,
🔹 umumiy tozalik va sanitariya holati o‘rganildi.

Shuningdek, ushbu ko‘cha bo‘ylab joylashgan muassasa va tashkilotlarga biriktirilgan mas’ul rahbarlarga obodonlashtirish ishlari bo‘yicha aniq vazifalar yuklatildi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt