Milliy libos – ma’naviyat ko‘zgusi

Nurafshon shahrida “Juma – Milliy liboslar kuni” munosabati bilan Ma’rifat mahallasida ma’naviy-ma’rifiy tadbir tashkil etildi.

Tadbirda Toshkent viloyati targ‘ibot mas’ul rahbari K.Rasulova, viloyat ilmiy mutaxassis vakili O'.Maxkamova, Ma’rifat MFY raisi M.Xoliqova, mahalla xotin-qizlar faoli va Nurafshon shahri targ‘ibot guruhi a’zosi M.Bobojonova, shuningdek Nurafshon shahri “Oqila ayollar” harakati vakillari ishtirok etdi.

Tadbir davomida milliy liboslarning o‘ziga xosligi, o‘zbek ayollarining an’anaviy o‘smalari, liboslarimizda mujassam bo‘lgan ma’naviylik va qadriyatlar haqida fikr yuritildi. Shuningdek, milliy ananalar asosida yuzga o‘smalar surilib, qadimiy go‘zallik ramzlari namoyish etildi.

Milliy urf-odat va qadriyatlarni e’zozlash, yosh avlodni milliy g‘urur va estetik did ruhida tarbiyalash tadbirning asosiy maqsadi bo‘ldi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

#nazorat

🏗 Qurilish holati o‘rganildi

Nurafshon shahri hokimi I.Klichxanov, shahar IIB boshlig‘i A.Yuldashev, prokuror o‘rinbosari A.Olimov, hokim o'rinbosari hamda tegishli tashkilot rahbarlari ishtirokida Qumariq mahallasi hududida qurilayotgan ko‘p qavatli uyning qurilish holati o‘rganildi.

Tashrif davomida qurilish jarayonidagi ish sifati, belgilangan loyiha talablariga rioya qilinishi va xavfsizlik choralariga e’tibor qaratildi. Mutasaddilarga qurilish ishlarini belgilangan muddatda va sifatli yakunlash yuzasidan zarur ko‘rsatmalar berildi.

Nurafshon shahar hokimligi Axborot xizmati
Telegram |Facebook | Instagram |You tube | Web sayt

#o‘zlik
#juma_milliy_liboslar_kuni

Milliy libos doim urfda

Haftaning har jumasi yurtimizda milliy liboslar kuni sifatida o‘tkazilmoqda.

Bugun, jumladan, Matluba Peltaboyeva rahbarligidagi Nurafshon shahri Tibbiyot birlashmasi tasarrufidagi sog‘liqni saqlash muassasalariga borsangiz, milliy libosda tibbiyot xodimlari sizlarga tibbiy xizmat ko‘rsatadi.

Bu orqali shifokorlar milliy qadriyatlarimizni saqlash va nomoddiy merosimizni avaylash, pirovardida, yosh avlod qalbida milliy g‘ururni shakllantirishga hissa qo‘shmoqda.

Siz ham milliy libos kiyib, o‘zligingizni faxr bilan namoyon eting! Zotan, milliy libos – doim urfda!

«Mash’al»ga obuna bo‘ling:
Телеграм | Youtube | Ok.ru | Instagram