#targʻibot

Konstitutsiya – adolatli jamiyat poydevori

👉 O‘zbekiston Respublikasi Konstitutsiyasining 33 yilligi munosabati bilan Nurafshon shahrining “Obod turmush” mahallasida ham huquqiy targ‘ibot tadbiri tashkil etildi.

Mazkur uchrashuvda fuqorolik ishlari boʼyicha Oʼrta Chirchiq tumanlararo sudi sudiyasi A.Yuldashev ishtirok etdi. U fuqarolar bilan suhbatlashib, asosiy qonunning jamiyat hayotidagi beqiyos o‘rni, mamlakatimizda olib borilayotgan demokratik islohotlar yo‘lidagi muhim qadamlar haqida batafsil ma’lumot berdi.

✅ Tadbir davomida ishtirokchilar o‘zlarini qiziqtirgan savollarga javob olishdi, Konstitutsiyaviy bilimlarini yanada boyitishdi. Bunday uchrashuvlar aholining huquqiy savodxonligini oshirishda muhim ahamiyat kasb etadi.

✍️ Nurafshon shahar hokimligi Axborot xizmati

✅Nurafshon shahar adliya bo‘limi xodimlari tomonidan "Navro‘z" MFYda “ Adliya kuni” tadbiri o‘tkazildi. Unda 15 nafar fuqaro ishtirok etdi. Qabul davomida ularning murojaatlari tinglandi va 3 nafar fuqaroning murojaati adliya bo‘limi ish yurituviga olindi, 9 nafar fuqaroga joyida huquqiy tushuntirish berildi, shuningdek, 3 nafar fuqaroga sayyor davlat xizmatlari ko‘rsatilishi ta’minlandi.
Bundan tashqari, tadbir jarayonida ishtirokchilarga O‘zbekiston Respublikasining O‘RQ-937-son qonuni, PQ-1 son qaror va boshqa yangi qabul qilinayotgan NHHlarning mazmun-mohiyati tushuntirildi va tadbir ishtirokchilariga flayerlar tarqatildi.

✍️Nurafshon shahar hokimligi Axborot xizmati

#yurakdan_yurakkacha

Nurafshon shahrida “Yurakdan yurakkacha” xayriya aksiyasi davom etmoqda

✅Joriy yilning 3–4-dekabr kunlari Nurafshon shahridagi Yoshlar markazida “Yurakdan yurakkacha” xayriya aksiyasi bo‘lib o‘tmoqda.

✅Mazkur tadbir imkoniyati cheklangan shaxslar hamda maxsus internat muassasalari tarbiyalanuvchilari ishtirokida bo'lib, ularning mehnati va ijodini qo‘llab-quvvatlashga qaratildi. Aksiya doirasida yoshlarning o‘z qo‘llari bilan tayyorlagan ijodiy ishlaridan iborat ko‘rgazma va savdo yarmarkasi tashkil etildi. Bu esa tashrif buyurganlarda iliq taassurot qoldirdi.

✅Tadbirda Nurafshon shahri hokimi I. Klichxanov, hokim o'rinbosarlari va bir guruh faollar ishtirok etdi. Mehmonlar aksiyada qatnashgan bolalar va yoshlarga alohida e’tibor ko‘rsatishdi. Ularning ijodiy ishlari bilan yaqindan tanishishdi.

✍️Nurafshon shahar hokimligi Axborot xizmati

#targʻibot

Konstitutsiya – taraqqiyot kafolati

✅Nurafshon shahrining “Obod turmush” mahallasidagi 4-umumta'lim maktabida O‘zbekiston Respublikasi Konstitutsiyasi qabul qilinganining 33 yilligiga bag‘ishlangan ma’rifiy tadbir o‘tkazildi. Ushbu uchrashuvda Fuqarolik ishlari bo‘yicha O‘rtachirchiq tumanlararo sudi sudyasi A. Yuldashev hamda Nurafshon tumanlararo Ma'muriy sudi sudyalari Sh. Niyazov, M. Kamalov va Sh. Xolmaxmatovalar ham faol ishtirok etishdi.

✅Sudyalar ta’kidlaganidek, Konstitutsiya – har bir fuqaroning huquq va erkinliklarini himoya qiluvchi asosiy hujjat bo‘lib, yurtimizda amalga oshirilayotgan o‘zgarishlarning poydevoriga aylandi. Tadbir davomida fuqarolar o‘zlarini qiziqtirgan savollarga javob olishdi, shuningdek, konstitutsiyaviy bilimlarini mustahkamlashdi.

✅Mazkur uchrashuv fuqarolarning huquqiy madaniyatini oshirish, ularni asosiy qonunimiz mohiyati va ahamiyati bilan yaqindan tanishtirishda muhim o‘rin tutadi.

✍️ Nurafshon shahar hokimligi Axborot xizmati