#yong'in_xavfsizligi

Mamlakatimizda 1-dekabrdan 30-dekabrgacha "Yong‘in xavfsizligi oyligi" o‘tkazilmoqda

✅Nurafshon shahar FVB boshlig‘i, podpolkovnik M. Xalilov tomonidan "Yong‘in xavfsizligi oyligi" doirasida tadbir bo‘lib o‘tdi. Shahar hokimligi majlislar zalida o’tkazilgan tadbirda korxona va tashkilot rahbarlari, mahalla raislari hamda sohaga daxldor mas’ullar ishtirok etdi.

Ochiq muloqotlarda ishtirokchilarga yong‘in xavfsizligini ta’minlash, yong‘inlarning oldini olish va favqulodda vaziyatlarda to‘g‘ri harakat qilish bo‘yicha batafsil ma’lumotlar berildi. Podpolkovnik M. Xalilov yong‘in xavfsizligiga rioya qilishning ahamiyati, jamoat joylari va ishlab chiqarish korxonalarida yuzaga kelishi mumkin bo‘lgan xavf-xatarlar hamda ularni oldini olish choralari haqida to‘xtalib o‘tdi.
Bu kabi targ’ibot tadbirlar joylarda davom etmoqda.

✍️Nurafshon shahar hokimligi Axborot xizmati

#targʻibot

Konstitutsiya – adolatli jamiyat poydevori

👉 O‘zbekiston Respublikasi Konstitutsiyasining 33 yilligi munosabati bilan Nurafshon shahrining “Obod” mahallasidagi 62-umumta’lim maktabida ham huquqiy targ‘ibot tadbiri tashkil etildi.

Mazkur uchrashuvda Fuqorolik ishlari boʼyicha Oʼrtachirchiq tumanlararo sudi rais va sudyalari: A.Yuldashev, Sh. Xolxo'jayev va X. Ibodullayevalar ishtirok etdi. Mutasaddilar fuqarolar bilan suhbatlashib, asosiy qonunning jamiyat hayotidagi beqiyos o‘rni, mamlakatimizda olib borilayotgan demokratik islohotlar yo‘lidagi muhim qadamlar haqida batafsil ma’lumot berdi.

✅ Tadbir davomida ishtirokchilar o‘zlarini qiziqtirgan savollarga javob olishdi, Konstitutsiyaviy bilimlarini yanada boyitishdi. Bunday uchrashuvlar aholining huquqiy savodxonligini oshirishda muhim ahamiyat kasb etadi.

✍️ Nurafshon shahar hokimligi Axborot xizmati

Konstitutsiya – adolatli jamiyat asosi

👉 O‘zbekiston Respublikasi Konstitutsiyasining 33 yilligi munosabati bilan Nurafshon shahrining “Taraqqiyot” mahallasida navbatdagi huquqiy targ‘ibot tadbiri o‘tkazildi. Uchrashuvda Nurafshon shahar IIB mas'ullari ishtirok etib, fuqarolar bilan ochiq muloqotda bo‘ldi. Ular asosiy qonunning jamiyat taraqqiyotidagi o‘rni, mamlakatimizda amalga oshirilayotgan demokratik islohotlar va ularning hayotimizdagi ahamiyati haqida batafsil so‘z yuritdi.

✅ Tadbir davomida qatnashchilar o‘zlarini qiziqtirgan savollarga javob olishdi, konstitutsiyaviy bilimlarini yanada mustahkamlash imkoniga ega bo‘lishdi. Mazkur uchrashuvlar aholining huquqiy madaniyatini oshirishda muhim ahamiyat kasb etmoqda.

✍️ Nurafshon shahar hokimligi Axborot xizmati

#biz_giyohvandlikka_qarshimiz

⚡️ Nurafshon shahridagi 4, 10, 19, 25, 48-sonli umumiy o'rta ta'lim maktablarida Nurafshon shahar IIB katta inspektor-psixologi, kapitan M. Djumabayeva, katta leytenant I. Abduqayumovlar tomonidan "Biz giyohvandlikka qarshimiz!" mavzusida profilaktik tadbirlar o'tkazildi.

✅ Tadbirda yoshlar o‘rtasida giyohvandlik vositalari, psixotrop moddalar va kuchli ta’sir qiluvchi preparatlarning iste’moli hamda noqonuniy aylanishi bilan bog‘liq holatlarning oldini olish va unga qarshi kurash bo‘yicha profilaktik tushuntirish ishlari olib borildi va mavzuga oid bo‘lgan videorolik namoyish etildi.

✍️ Nurafshon shahar hokimligi Axborot xizmati

Nurafshon shahar prokuraturasi tomonidan aholining huquqiy madaniyatini oshirishga qaratilgan navbatdagi uchrashuv "Dehqonobod" mahallasida o‘tkazildi.

✅Tadbirga Nurafshon shahar prokurorining yordamchisi S.Zafarov boshchilik qildi. Uchrashuv davomida u mamlakatimiz Konstitutsiyasining mazmun-mohiyati, aholining asosiy huquq va majburiyatlari, shuningdek, huquqiy sohada amalga oshirilayotgan islohotlar haqida atroflicha tushuntirib berdi.

✅Muhokama jarayonida fuqarolarni qonunlarga hurmat ruhida tarbiyalash, huquqbuzarliklarning oldini olish va jamoatchilikning huquqiy ongini yuksaltirishga qaratilgan masalalarga alohida e’tibor qaratildi.

Tadbir yakunida huquqiy madaniyatni oshirish borasida bundan buyon ham shunday uchrashuvlar muntazam o‘tkazilishi ta’kidlandi.

✍️Nurafshon shahar hokimligi Axborot xizmati