#LIVE

Soʻgʻd delegatsiyasi Toshkent viloyatida

Ayni damda Tojikiston Respublikasi Soʻgʻd viloyati raisi Rajabbaoy Ahmadzoda boshchiligidagi delegatsiyani Bekobod shahar “Oybek” chegara postida yuqori saviyada kutib olindi.

Ikki davlat hududlari oʻrtasidagi ijtimoiy-iqtisodiy, savdo masalalarida hamkorlikni yanada kengaytirish maqsad qilingan uchrashuvda, mehmonlar Oʻrta Chirchiq, Zangiota, Yangiyoʻl, Toshkent hamda Boʻstonliq tumanlarida boʻlishadi. Hududlardagi ixtisoslashgan yirik korxonalar va tadbirkorlik subyektlarining qishloq xoʻjaligi, sanoat va yangi zamonaviy-innovatsion ishlab chiqarish jarayonlari bilan tanishadi.

Shuningdek, Soʻgʻd viloyatidan import qilinadigan mahsulotlarni oʻzlashtirishda hamkorlik qilish yuzasidan shartnomalar tuzish reja qilingan. Hududiy va tarmoq korxonalar oʻrtasida butlovchi qismlar ishlab chiqarishni yanada rivojlantirish boʻyicha manfaatli kelishuvlarga erishish imkoniyatlari ham yaratilgan.

Maʼlumot oʻrnida, Toshkent shahrida 2024-yil 2-3-may kunlari boʻlib oʻtgan uchinchi Toshkent xalqaro investitsiya forumida doirasida mazkur ikki viloyat oʻrtasida bir qator kelishuv va hamkorlik borasidagi bitimlar imzolangan edi.

✅ Telegram 🌐Website 📹YouTube 📸 Instagram✅Facebook 🕊Twitter

#LIVE

Ayni damda Toshkent viloyatida 2025-yilgi Navro‘z umumxalq bayrami “Qadriyatlaring boqiy bo‘lsin, Navro‘z! ” degan bosh g‘oya asosida umumxalq sayili shaklida tashkil etilgan bayram tantanalari boshlandi.

Bugun Nurafshon shahridagi “Nurafshon Business City” dagi amfiteatrda boshlangan sayil barchaga bayramona kayfiyat ulashmoqda.

Tadbirda viloyat sektorlari rahbarlari, davlat va jamoat tashkilotlari, nuroniylar, aholi vakillari mehmon bo‘lmoqdalar.

Bayram tantanalari davomida viloyat teatri  jamoasi tomonidan Navro‘zga bag‘ishlangan kompozitsiya va teatrlashtirilgan tomosha namoyish etilmoqda.

Tadbir avvalida viloyat hokimi Zoyir Mirzayev so‘zga chiqib, barchani bayram bilan tabrikladi. Hududda amalga oshirilayotgan islohotlar, bunyodkorlik ishlari, aholi farovonligi yo‘lidagi sa’y-harakatlarni e’tirof etdi.

Jarayonlarni to‘g‘ridan-to‘g‘ri quyidagi sahifalarimiz orqali kuzatib borishingiz mumkin.

📱Facebook

📱You Tube

✅ Telegram 🌐Website 📹YouTube 📸 Instagram✅Facebook 🕊Twitter

#LIVE

Ayni damda "Nurafshon Business City" hududida 9-may “Xotira va qadrlash kuni” munosabati bilan bayram tadbiri bo‘lib o‘tmoqda.

Ikkinchi jahon urushi yillaridagi matonat va mustaqillik yillarida jonajon vatanimiz tinchligiga qilingan tahdidlar va qurolli hujumlarni bartaraf qilishda ko‘rsatilgan mardlik   namunalarini o‘zida aks ettirgan o‘ziga xos majmua bo‘lmish “Vatanparvar” bog‘ining ochilish marosimi bo‘lib o‘tmoqda.

Unda viloyat faollari, harbiylar, boshqarma-tashkilot rahbarlari, deputatlar, nuroniylar, yoshlar hamda keng jamoatchilik ishtirok etmoqda.

Ma’lumot o‘rnida, mazkur bog‘ 1,5 gektar yer maydonida qisqa fursatlarda barpo etilgan bo‘lib, quruvchi va muhandislar, loyihachi va me’morlar, ziyolilar,  ma’naviyatchilar, tarixchilar, qadimshunos va arxiv xodimlariga munosib zahmati mujassam.

Bog‘ va muzey yana bir qutlug‘ ziyoratgohga aylanib, barchamizga, ayniqsa, yosh avlodga ibrat va vatanparvarlik maktabi bo‘lib xizmat qiladi.

Shuningdek, tadbir doirasida ishtirokchilar Vatandoshimiz Zulfiya aya Zokirova va uning oilasi sharafiga yodgorlik majmuasiga gul qo‘yish marosimi ham bo‘lib o‘tdi.

✅ Telegram 🌐Website 📹YouTube 📸 Instagram✅Facebook 🕊Twitter

#Live

Yoshlar festivali ko‘tarinki ruhda davom etmoqda

Ayni paytda viloyatimizning ma’muriy markazi – Nurafshon shahrida "Yangi O‘zbekiston yoshlari birlashaylik!" shiori ostida festival o‘tkazilmoqda.

Tadbirda Toshkent viloyati hokimi Zoyir Mirzayev ishtirok etmoqda.

Viloyatimiz hokimi Zoyir Mirzayev yoshlarga tabrik so‘zida Yangi O‘zbekistonda amalga oshirilayotgan tub islohotlarning asosiy mazmun-mohiyati bu – katta hayotga dadil kirib kelayotgan navqiron avlodga munosib turmush tarzini barpo etish, ularning orzu intilishlarini ro‘yobga chiqarish ekanligini alohida ta’kidladi. 

Tadbirda bir guruh faol yoshlar, xalq xo‘jaligining turli jabhalarida ulkan marralarni zabt etgan yigit-qizlar Toshkent viloyati hokimligi tomonidan taqdirlandi.

30-iyun – Yoshlar kuniga bag‘ishlangan tantanali marosim ko‘tarinki ruhda davom etmoqda.

✅Telegram 🌐Website 📹YouTube 🌐 Instagram✅Facebook 🕊Twitter

#Live #Shukuh

Nurafshon shahri Favqulodda vaziyatlar bo‘limi yangi binosi foydalanishga topshirildi

Ayni damda "Yangiobod" mahalla fuqarolar yig‘inida joylashgan Favqulodda vaziyatlar bo‘limi uchun yangi qurilgan binoning rasmiy ochilish marosimi bo‘lib o‘tdi.

Ushbu inshoot 10 mlrd so‘m mablag‘ evaziga zamonaviy talablarga javob beradigan, texnik jihozlar bilan ta’minlangan holda barpo etildi. 

Yangi va zamonaviy binoda xodimlar uchun qulay ish sharoitlari yaratilgan, aloqa va nazorat tizimlari o‘rnatilgan.

Marosimda viloyat, shahar hokimligi vakillari, keng jamoatchilik, Favqulodda vaziyatlar xizmati xodimlari hamda ommaviy axborot vositalari vakillari qatnashdi.

Soʻzga chiqqan viloyat hokimi Zoyir Mirzayev yangi inshootning ahamiyati va fuqarolar xavfsizligini ta’minlashda tutgan o‘rni haqida atroflicha to‘xtalib o‘tdi.

Bu kabi zamonaviy binolarning barpo etilishi mamlakatimizda aholi xavfsizligi va hayotini muhofaza qilishga qaratilayotgan e’tiborning yana bir amaliy ifodasidir.

✅Telegram 🌐Website 📹YouTube 🌐Instagram✅Facebook🕊Twitter

#Live #Shukuh

Ayni damda Nurafshon shahridagi “Nurafshon business city” hududidagi amfiteatrda Mustaqilligimizning 34 yilligi munosabati bilan bayram tantanalari boshlandi.

“Vatan uchun, millat uchun, xalq uchun!” degan bosh gʻoyani oʻzida mujassam etgan mazkur tantanaga oʻzgacha taraddud koʻrildi. Bayram hududiga kelayotgan mehmonlar orasida el-yurt xizmatida boʻlgan turli soha vakillari, nuroniylar, ijtimoiy-iqtisodiy, maishiy sohalarda samarali mehnat qilayotgan insonlar qatnashmoqda.

Viloyat hokimi Zoyir Mirzayev viloyat ahlini bayram bilan tabriklab, oxirgi yillarda turli sohalarda erishilgan yutuqlar, kelgusidagi rejalar xususida nutq soʻzlamoqda.

Tadbir jarayonlarini hokimlikning rasmiy sahifalari hamda "Nurafshon TV" telekanalida toʻgʻridan-toʻgʻri jonli efir orqali kuzatib borishingiz mumkin

📱 Facebook

📱 You Tube

✅Telegram 🌐Website 📹YouTube 🌐Instagram✅Facebook🕊Twitter