✅✅✅✅

TOMORQADAN KELSA BOYLIK — TURMUSH BO‘LAR CHIROYLIK

📌Hududlarda kambag‘allik darajasini qisqartirish, aholi bandligini ta’minlash hamda qo‘shimcha daromad manbalarini shakllantirishda tomorqa yerlaridan samarali foydalanish muhim ahamiyat kasb etadi.

Ayniqsa, “Bir kontur — bir mahsulot” tamoyili asosida meva va sabzavot mahsulotlarini yetishtirish nafaqat oziq-ovqat xavfsizligini mustahkamlash, balki aholining barqaror daromad topishiga xizmat qiladigan samarali mexanizm hisoblanadi.

Shu maqsadda bugun Nurafshon shahar mahallalar uyushmasi rahbari Z.Maxsudova hamda mahalla yettligi a’zolari ishtirokida "Degantepa" va "Qumariq" mahallalarida aholi tomorqalaridan foydalanish darajasi o‘rganildi.

O‘rganish jarayonida mavjud yer maydonlaridan unumli foydalanish, ekin turlarini to‘g‘ri tanlash, hosildorlikni oshirish hamda mahsulotni bozorga chiqarish mexanizmlari yuzasidan tushuntirish va targ‘ibot ishlari olib borildi.

Shuningdek, tomorqalarda intensiv bog‘dorchilik va sabzavotchilikni rivojlantirish, zamonaviy agrotexnologiyalarni qo‘llash hamda bir kontur asosida ixtisoslashgan holda mahsulot yetishtirishning afzalliklari haqida amaliy tavsiyalar berildi.

🕊Telegram📺YouTube 
📱Instagram🌍Veb sayt

✅✅✅✅

HUQUQBUZARLIKLARNING OLDINI OLISH – USTUVOR VAZIFA

🗣Huquqbuzarlik va jinoyatlarning oldini olish bugungi kunda davlat siyosatining muhim yo‘nalishlaridan biridir. Ayniqsa, oilalarda sog‘lom ma’naviy muhitni shakllantirish hamda ijtimoiy barqarorlikni ta’minlash dolzarb ahamiyat kasb etmoqda.

✅ Ayni shu maqsatda Nurafshon shahrida xotin-qizlar katta inspektori, hududiy profilaktika inspektorlari va hamkor tashkilotlar tomonidan notinch hamda ijtimoiy xavf ostidagi oilalar o‘rganilmoqda. Huquqbuzarlik sodir etgan shaxslar bilan yakka tartibda profilaktik suhbatlar o‘tkazilib, oilaviy nizolarni bartaraf etish bo‘yicha amaliy yordam ko‘rsatilmoqda.

Shuningdek, xotin-qizlar va yoshlar bilan manzilli ishlash tizimi yo‘lga qo‘yilgan, mahalla faollari hamda jamoatchilik bilan hamkorlik kuchaytirilgan.

❕Amalga oshirilayotgan chora-tadbirlar natijasida oilalardagi ijtimoiy-ma’naviy muhit barqarorlashib, qayta huquqbuzarliklarning oldi olinmoqda hamda jinoyatchilikka qarshi kurashishda jamoatchilik ishtiroki ortmoqda.

🕊Telegram📺YouTube 
📱Instagram🌍Veb sayt

🔴🟦🟦

🔴 Ayni vaqtda Nurafshon shahri hokimi Ilxom Klichxanov boshchiligida shahar Xalq qabulxonasida fuqarolar uchun qabul jarayonlari bo‘lib o‘tmoqda.

✅Unda shahar korxona va tashkilot mutasaddilari hamda tegishli mas’ullar ishtirok etib, murojaatchilarning muammolari joyida o‘rganilib, qonun doirasida amaliy yechimlar berilmoqda.

🗣Qabul davomida fuqarolarning ijtimoiy himoya, sog‘liqni saqlash hamda kommunal xizmatlar yo‘nalishlaridagi murojaatlari atroflicha o‘rganilib, ularni hal etish yuzasidan tegishli choralar ko‘rilmoqda.

🕊Telegram📺YouTube 
📱Instagram🌍Veb sayt