#Murojaat

OILALAR FAROVONLIGI VA YURTIMIZ TARAQQIYOTIGA MUNOSIB HISSA QO‘SHAYLIK

2026-yilda Nurafshon shahrining 16 ta mahallasida jami 7 311 aholi xonadonida 44 gektar tomorqa yerlaridan samarali foydalanish hamda 110 ta xonadonda zamonaviy issiqxonalar tashkil etish rejalashtirilgan. Ushbu tashabbus orqali yer maydonlaridan unumli foydalanish, ilg‘or agrotexnologiyalarni joriy etish va yuqori hosildorlikka erishish maqsad qilingan.

Rejaga muvofiq, yuqori daromadli, eksportbop va ichki bozorda talab yuqori bo‘lgan sabzavot, poliz, dukkakli hamda bog‘dorchilik mahsulotlarini yetishtirish ko‘zda tutilmoqda. Zamonaviy issiqxonalar tashkil etilishi mavsumdan qat’i nazar uzluksiz mahsulot yetishtirish imkonini beradi. Bu esa nafaqat ichki bozorni sifatli mahsulotlar bilan ta’minlash, balki eksport salohiyatini oshirishga ham xizmat qiladi.

Mazkur loyihalar minglab oilalarning daromadini ko‘paytirish, yangi ish o‘rinlari yaratish va aholi bandligini ta’minlashda muhim omil bo‘ladi. Ayniqsa, xotin-qizlar va yoshlar uchun tomorqachilik hamda issiqxona xo‘jaligi orqali barqaror daromad manbai yaratiladi.

Har bir fuqaro o‘ziga biriktirilgan yer maydonidan oqilona foydalanib, zamonaviy agrotexnik tadbirlarni qo‘llashi, suv va resurslardan tejamkorlik bilan foydalanishi lozim. Tajriba almashish, mutaxassislar tavsiyalariga amal qilish va yangi usullarni o‘zlashtirish orqali yuqori natijalarga erishish mumkin.

Yaratilgan imkoniyatlardan samarali foydalanib, oilalarimiz farovonligini mustahkamlash, mahallalarimiz obodligini oshirish va yurtimiz taraqqiyotiga munosib hissa qo‘shish barchamizning sharafli vazifamizdir.

Mansur Xudaykulov,
Nurafshon shahar Kambag‘allikni qisqartirish va
bandlikka ko‘maklashish bo‘limi boshlig‘i

✅Telegram 🌐Instagram 📹YouTube✅Facebook

#saxovat_oyi

Viloyat hokimi tashabbusi bilan viloyatimiz bo‘ylab muborak Ramazon oyi munosabati bilan mehr-saxovat va xayr-ehson tadbirlari izchil davom etmoqda.

Nurafshon shahrida ham ana shunday xayrli tadbirlardan biri tashkil etilib, ehtiyojmand oilalar, boquvchisini yo‘qotgan xonadonlar hamda nogironligi bo‘lgan shaxslar uchun iftorlik dasturxoni yozildi.

Bu kabi tadbirlar jamiyatda hamjihatlikni mustahkamlash, ijtimoiy himoyaga muhtoj fuqarolarni qo‘llab-quvvatlash hamda insoniylik fazilatlarini yuksaltirishga xizmat qilmoqda.

✅Telegram 🌐Website 📹YouTube✅Facebook 🕊Twitter

🌍🌍

Nurafshon shahrida joylashgan ko‘p qavatli binolarda o‘tkazilgan maxsus-taktik oʻquv mashg‘uloti jarayonlari "O‘zbekiston 24" telekanali nigohida.

#OAV_nigohida

Telegram 🌐Instagram 📹YouTube✅Facebook