✅✅✅✅

“Yoshlar kuni” da yoshlar masalalari e’tibor markazida

🔂“Yoshlar kuni” munosabati bilan Nurafshon shahar hokimi Ilxom Klichxanov hamda shahar IIB boshlig‘i Aziz Yuldashev yoshlar bilan ochiq muloqot o‘tkazdi. Nuroniylar maskanida bo'lib o'tgan muloqotda shahar deputati, "Nuroniy" jamg‘armasi raisi J.Axmedqulov, keng jamoatchilik vakillari hamda yoshlar faol ishtirok etdi.

❗️Muloqot davomida yoshlar tomonidan bildirilgan murojaat, taklif va tashabbuslar bevosita tinglanib, ularni qiynayotgan muammolar atroflicha o‘rganildi. Xususan, bandlikni ta’minlash, harbiy xizmatga yo‘naltirish, ijtimoiy qo‘llab-quvvatlash hamda tadbirkorlik faoliyatini rivojlantirish bilan bog‘liq masalalar batafsil ko‘rib chiqildi.

Uchrashuvda murojaatlarning asosiy qismi joyida o'z yechimini topib, ba'zi masalalarni ijobiy hal etish yuzasidan tegishli mutasaddi tashkilot rahbarlariga aniq vazifalar belgilab berildi.

❗️Jumladan, “Yangiobod” mahallasida yashovchi yosh A.Mahkamovaning bank qarzdorligini imtiyozli to‘lov jadvali asosida to‘lash imkoniyatini yaratish, o‘z mutaxassisligi bo‘yicha ta’lim olishi hamda qonuniy tadbirkorlik faoliyatini yo‘lga qo‘yishi uchun ofis bilan ta’minlash masalasi shu joyning o‘zida ijobiy hal etildi.

🌀“Yoshlar kuni” doirasida hududlarda yoshlarning murojaatlarini o‘rganish va mavjud muammolariga yechim topish bo‘yicha tizimli ishlar davom ettirilmoqda.

✅Telegram 🌐Instagram 📹YouTube✅Facebook

✅✅✅✅

Sport maktabi yoshlari bilan jonli muloqot

✅️Bugun Nurafshon shahar prokurori To‘lqin Karimov sport maktabi yoshlari bilan jonli muloqot qildi.

🔺 “Rahbar va yoshlar uchrashuvi” doirasidagi tadbirda yoshlar bilan samimiy muloqot o‘tkazilib, ularning sport sohasidagi yutuqlari, kelgusidagi maqsad va rejalari, yosh avlodni har tomonlama qo‘llab-quvvatlash masalalari muhokama qilindi.

🏷Shuningdek, yosh sportchilarga qonunga hurmat bilan qarash, tartib-intizomga rioya qilish, sog‘lom turmush tarzini olib borish hamda yurtimiz sharafini xalqaro musobaqalarda munosib himoya qilish borasida tavsiya va maslahatlar berildi.

💠Yoshlar esa o‘zlarini qiziqtirgan savollar bilan murojaat qilib, ochiq va samimiy muloqot olib borish imkoniga ega bo‘ldilar.

✅Telegram 🌐Instagram 📹YouTube✅Facebook