✅✅✅✅

Navro‘z bayrami arafasida Nurafshondagi ijtimoiy obyektlar tayyorgarligi ko‘zdan kechirildi

🌀Nurafshon shahar hokimi Ilxom Maxmudjanovich Klichxanov "Nurafshon" mahallasi hududida olib borilayotgan bunyodkorlik va obodonlashtirish ishlari bilan yaqindan tanishdi. Shuningdek, Navro‘z umumxalq bayrami arafasida foydalanishga topshirilishi rejalashtirilgan ijtimoiy obyektlarning tayyorgarlik holati o‘rganilib, amalga oshirilayotgan ishlar yuzasidan tegishli ko‘rsatmalar berildi.

Tashrif davomida, avvalo, mahalla kirish qismiga mahalla nomi aks ettirilgan zamonaviy arka o‘rnatish masalasi ko‘rib chiqildi. Mazkur inshootning dizayni, me’moriy yechimi hamda shaharsozlik me’yorlari va estetik talablarga muvofiq joylashtirilishini ta’minlash yuzasidan mas’ul mutasaddilarga aniq vazifalar yuklatildi.

🔂Shuningdek, hududda faoliyat yuritayotgan bir qator tibbiyot muassasalari, jumladan, shahar oilaviy poliklinikasi, viloyat qon quyish stansiyasi hamda xususiy tibbiyot markazlarining mavjud holati ko‘zdan kechirildi. Mazkur obyektlarda olib borilayotgan qurilish-ta’mirlash ishlari, ularni rasmiy ochilish marosimiga tayyorlash jarayonlari batafsil o‘rganildi.

Hududda amalga oshirilayotgan bunyodkorlik ishlari aholi uchun qulay ijtimoiy infratuzilmani shakllantirish, tibbiy xizmatlar sifatini yanada oshirish hamda mahallaning zamonaviy qiyofasini ta’minlashga xizmat qilishi ta’kidlandi. Shu bilan birga, barcha obyektlarni belgilangan muddatlarda sifatli yakunlash va ularni Navro‘z bayrami arafasida foydalanishga topshirish bo‘yicha mas’ullarga qat’iy topshiriqlar berildi.

✅Telegram 🌐Instagram 📹YouTube✅Facebook