✅✅✅✅

NAQD EMAS — NAZORAT BOR!

O‘zbekiston Respublikasi Prezidentining PF-246–son Farmoniga asosan, 2026-yil 1-apreldan boshlab yoqilg‘i quyish shoxobchalarida hamda elektro transport vositalarini quvvatlash xizmatlarida to‘lovlar faqat bank kartalari yoki elektron to‘lov tizimlari orqali amalga oshiriladi.

❌Naqd pul qabul qilinmaydi
✅️QR-kod, terminal va karta orqali to‘lovlar yo‘lga qo‘yiladi

📌Ushbu tartibning asosiy maqsadi:

✔️ yashirin iqtisodiyotning oldini olish
✔️ moliyaviy shaffoflikni ta’minlash
✔️soliq tushumlarini oshirish
✔️ xizmat ko‘rsatish sifatini yaxshilash

📊Natijada iqtisodiy tizim yanada ochiq va ishonchli bo‘ladi.

✅Telegram 🌐Instagram 📹YouTube✅Facebook

✅✅✅✅

Pensiya ta’minoti masalalari o‘rganildi

✅ O‘zbekiston Respublikasi Iqtisodiyot va moliya vazirligi huzuridagi Budjetdan tashqari Pensiya jamg‘armasi Nurafshon shahar bo‘limi tomonidan “Ma’rifat” MFY da fuqarolar murojaatlari yuzasidan sayyor qabul tashkil etildi.

✅Tadbir davomida ishtirokchilarga “O‘zbekiston Respublikasi Fuqarolarining davlat pensiya ta’minoti to‘g‘risida”gi Qonuni hamda sohaga oid normativ-huquqiy hujjatlarga kiritilayotgan o‘zgartish va qo‘shimchalar yuzasidan ma’lumotlar berildi.

✅Fuqarolar tomonidan pensiya ta’minoti masalalari yuzasidan bildirilgan murojaatlar atroflicha ko‘rib chiqilib, qabul jarayonida mehnat daftarchalarini raqamlashtirish, pensiyalarni proaktiv shaklda tayinlash tizimining afzalliklari tushuntirildi.

⚡️Shuningdek, fuqarolarga Pensiya jamg‘armasi Toshkent viloyat boshqarmasining (95-340-40-18) hamda Nurafshon shahar bo‘limi (55-903-12-98) ishonch telefon raqamlari orqali murojaat qilishlari mumkinligi ma'lum qilindi.

✅Telegram 🌐Instagram 📹YouTube✅Facebook

#Qonunchilikdagi_yangiliklar

❗️ Ko'chmas mulk va transportlar oldi-sotdisida hisob-kitoblar endi naqdsiz shaklda notarius va banklar o'rtasidagi elektron ma'lumotlar almashinuvi orqali amalga oshiriladi

🔰 Prezidentning 2025-yil 10-dekabrdagi “Naqdsiz hisob-kitoblarni ommalashtirish va yashirin iqtisodiyot ulushini qisqartirishga qaratilgan qo'shimcha chora-tadbirlar to'g'risida”gi PF-246-son Farmoniga asosan, sotuvchi va xaridor o'rtasidagi hisob-kitoblarni amalga oshirish mexanizmlarini belgilash hamda bitimlarni rasmiylashtirish jarayonida axborot xavfsizligi va ma'lumotlarning ishonchliligini ta'minlash maqsadida:

Adliya vazirligi Ko'chmas mulk va transport vositalarining oldi-sotdi shartnomalari bo'yicha hisob-kitoblarni amalga oshirish uchun notariuslar va banklar o'rtasida elektron ma'lumotlar almashish tartibi to'g'risidagi nizomni (ro'yxat raqami: 3790, 16.03.2026-y.) davlat ro'yxatidan o'tkazdi.

🔎 2026-yil 1-apreldan ko'chmas mulk obyektlari, ishlab chiqarilganiga 10 yildan oshmagan M, N, O va G toifaga kiruvchi transportlar hamda maxsus avtotransport vositalarining oldi-sotdi shartnomalarini tasdiqlashda taraflar o'rtasidagi hisob-kitoblarning amalga oshirilganligi notarius va banklar o'rtasidagi elektron ma'lumotlar almashish yo'li bilan aniqlanadi.

📋 Unga ko'ra, endilikda notariuslar ko'chmas mulk va transport vositalarining oldi-sotdi shartnomalarini notarial tartibda tasdiqlashni taraflar o'rtasidagi hisob-kitoblar bo'yicha banklar tomonidan taqdim etilgan elektron ma'lumotlar asosida amalga oshiradi.

✅ Ko'chmas mulk va transport vositalarining oldi-sotdi shartnomalari bo'yicha hisob-kitoblar quyidagi tartibda amalga oshiriladi:

✍️ Xaridor yoki uning vakili bankka yozma yoki elektron shakldagi ariza bilan murojaat qiladi;

💸 Bank tomonidan taraflar o'rtasida shartnoma bo'yicha kelishilgan pul mablag'lari naqd yoki naqdsiz shaklda eskrou hisobvarag'iga kirim qilinadi;

📲 SHartnoma to'lov majburiyatlarini kechiktirish sharti bilan amalga oshirilsa, tegishli eskrou hisobvarag'iga taraflar o'rtasida kelishilgan (boshlang'ich) pul mablag'lari kirim qilinadi;

🔗 Shartnoma to'liq yoki qisman kredit mablag'lari asosida amalga oshirilganda, bu haqda kredit ajratayotgan bank tomonidan notariusga elektron ma'lumot yuboriladi;

🪪 Xaridor yoki uning vakilining bankdagi (bank kartasi, talab qilib olinguncha, elektron hamyon) hisobvaraqlaridan eskrou hisobvaraq sifatida foydalanilishi mumkin;

📞 Taraflar oldi-sotdi shartnomasini rasmiylashtirish uchun notariusga murojaat qiladi;

✅ Notarius eskrou hisobvarag'ida mablag'lar mavjudligini elektron shaklda tekshirib oladi hamda shartnomani tasdiqlaydi;

💵 Pul mablag'lari sotuvchi yoki uning vakilining hisobvarag'iga o'tkaziladi yoki hisobvarag'iga o'tkazilgan mablag'lar ularning so'roviga ko'ra naqd shaklda taqdim etiladi.

✅Telegram 🌐Instagram 📹YouTube✅Facebook