✅✅✅✅

Targ‘ibot ishlari izchil davom etmoqda — Evalak mahallasida navbatdagi uchrashuv

Avvalroq xabar berilganidek, Nurafshon shahrida islohotlarning mazmun-mohiyatini keng jamoatchilikka yetkazish maqsadidagi targ‘ibot guruhi samarali faoliyatini olib bormoqda. Targ'ibot tadbirlari doirasida Evalak mahallasidagi 1-son umumta’lim maktabida ham pedagog xodimlar ishtirokida navbatdagi uchrashuv tashkil etildi.

✅️Muloqotda Xalq deputatlari Nurafshon shahar Kengashi raisi O'.Rashidov, hamda Kengash mudiri K.Umarboev ishtirok etib, so‘nggi yillarda viloyatimiz, xususan, Nurafshon shahrida amalga oshirilayotgan keng qamrovli islohotlar, ularning mazmun-mohiyati, ustuvor yo‘nalishlari hamda ayni shu jarayonlarda pedagoglar zimmasiga yuklanayotgan muhim vazifalar haqida batafsil ma’lumot berdilar.

Uchrashuv davomida o‘qituvchilar bilan ochiq va samimiy muloqot tashkil etilib, ularning fikr-mulohazalari, taklif va tashabbuslari tinglandi. Ayniqsa, ta’lim sifatini oshirish, zamonaviy yondashuvlarni joriy etish, yoshlarni bilimli va vatanparvar ruhda tarbiyalash masalalariga alohida e’tibor qaratildi.

✅Telegram 🌐Instagram 📹YouTube✅Facebook

✅✅✅✅

Nurafshon shahar Kengashining navbatdagi sessiyasi: mas'ullar hisobotlari va istiqbolli rejalar

Bugun Nurafshon shahri hayotida muhim o‘rin tutuvchi Xalq deputatlari Kengashining navbatdagi 19-sessiyasi bo'lib o'tdi. Unda deputatlar tomonidan shaharning bugungi holati, istiqboldagi rivojlanish yo‘nalishlari hamda aholi manfaatlariga daxldor dolzarb masalalar keng muhokama qilindi.

✔️Yig‘ilish davomida O‘zbekiston Respublikasi Prezidentining 2025-yil 3-yanvardagi PQ-1-sonli qarori ijrosi doirasida shahar prokuraturasi tomonidan amalga oshirilgan ishlar yuzasidan axborot berildi.

✔️Shuningdek, 2026-yilning I-choragi davomida hududda jinoyat va huquqbuzarliklarning oldini olish borasida bajarilgan amaliy ishlar va istiqboldagi rejalar xususida shahar Ichki ishlar boʻlimi boshligʻi A.Yuldashevning hisoboti tinglanib, mazkur yo‘nalishda kelgusida amalga oshirilishi lozim bo‘lgan vazifalar ham belgilab olindi.

✔️Shuningdek, shahar hokimligi va shahar korxona va tashkilotlarida topshiriqlar ijro holati ko‘rib chiqildi. Aholi takliflari asosida shakllangan loyihalarni moliyalashtirish, ularning ichidan eng dolzarblarini tanlab olish jarayonlari ham muhokama markazida bo‘ldi.

✔️Ta’lim sohasiga ham alohida e’tibor qaratilib, umumta’lim maktablarida inklyuziv ta’lim tizimini joriy etish bo‘yicha amalga oshirilayotgan ishlar yuzasidan mas’ullar hisobot berdi. Bundan tashqari, shahar tibbiyot birlashmasining joriy yil birinchi choragidagi faoliyati ham ko‘rib chiqildi.

Sessiyada deputatlar tomonidan kun tartibidagi har bir masala chuqur tahlil qilindi hamda bildirilgan taklif va mulohazalar inobatga olinib, hududni yanada rivojlantirish, aholining yashash sharoitlarini yaxshilash hamda islohotlar samaradorligini oshirishga qaratilgan tegishli qarorlar qabul qilindi.

📸Jarayon fotolavhalarda.

✅Telegram 🌐Instagram 📹YouTube✅Facebook

✅✅✅✅

Nurafshonda muhim farmon mazmuni aholiga yetkazilmoqda

📌Bugun Nurafshon shahrida O‘zbekiston Respublikasi Prezidentining 2026-yil 3-martdagi 33-sonli Farmoni mazmun-mohiyatiga bag‘ishlangan targ‘ibot tadbiri bo‘lib o‘tdi. Tadbir jamiyatda ayollar va bolalar huquqlarini ta’minlash, ularni har qanday zo‘ravonlikdan himoya qilish borasidagi dolzarb vazifalarni keng jamoatchilikka yetkazishga qaratildi.

✅️Mazkur tadbirda Respublika Ma’naviyat va ma’rifat markazi ekspert kengashi a’zosi, professor Jamila Shermuhammedova, Nurafshon shahar hokimi o‘rinbosari N. Djumanova hamda O‘rta Chirchiq tumani oila va xotin-qizlar bo‘limi mas'ullari ishtirok etdi. Ular o‘z chiqishlarida Farmonning ahamiyati, unda belgilangan ustuvor yo‘nalishlar va amaliy chora-tadbirlar haqida batafsil to‘xtalib o‘tishdi.

Tadbir davomida ishtirokchilarga ayollar va bolalarning huquqiy himoyasini mustahkamlash, ularni qo‘llab-quvvatlash mexanizmlarini kengaytirish, oiladagi ijtimoiy muhitni sog‘lomlashtirish hamda zo‘ravonlikka qarshi kurashishda davlat va jamoatchilik hamkorligini kuchaytirish masalalari yuzasidan aniq tushuntirishlar berildi.

Shuningdek, mazkur Farmonda nazarda tutilgan yangiliklar va ularning amaliyotdagi ahamiyati haqida misollar keltirildi.

❕Targ‘ibot tadbiri ochiq muloqot tarzida tashkil etilib, qatnashchilar o‘zlarini qiziqtirgan savollarga mutaxassislar tomonidan batafsil javoblar oldilar. Bunday uchrashuvlar aholining huquqiy ongi va madaniyatini yuksaltirish, ayniqsa, ayollar va bolalar manfaatlarini himoya qilish borasidagi islohotlarning mazmunini chuqur anglashga xizmat qilishi ta’kidlandi.

✅Telegram 🌐Instagram 📹YouTube✅Facebook