✅✅✅✅

Nurafshonda muhim farmon mazmuni aholiga yetkazilmoqda

📌Bugun Nurafshon shahrida O‘zbekiston Respublikasi Prezidentining 2026-yil 3-martdagi 33-sonli Farmoni mazmun-mohiyatiga bag‘ishlangan targ‘ibot tadbiri bo‘lib o‘tdi. Tadbir jamiyatda ayollar va bolalar huquqlarini ta’minlash, ularni har qanday zo‘ravonlikdan himoya qilish borasidagi dolzarb vazifalarni keng jamoatchilikka yetkazishga qaratildi.

✅️Mazkur tadbirda Respublika Ma’naviyat va ma’rifat markazi ekspert kengashi a’zosi, professor Jamila Shermuhammedova, Nurafshon shahar hokimi o‘rinbosari N. Djumanova hamda O‘rta Chirchiq tumani oila va xotin-qizlar bo‘limi mas'ullari ishtirok etdi. Ular o‘z chiqishlarida Farmonning ahamiyati, unda belgilangan ustuvor yo‘nalishlar va amaliy chora-tadbirlar haqida batafsil to‘xtalib o‘tishdi.

Tadbir davomida ishtirokchilarga ayollar va bolalarning huquqiy himoyasini mustahkamlash, ularni qo‘llab-quvvatlash mexanizmlarini kengaytirish, oiladagi ijtimoiy muhitni sog‘lomlashtirish hamda zo‘ravonlikka qarshi kurashishda davlat va jamoatchilik hamkorligini kuchaytirish masalalari yuzasidan aniq tushuntirishlar berildi.

Shuningdek, mazkur Farmonda nazarda tutilgan yangiliklar va ularning amaliyotdagi ahamiyati haqida misollar keltirildi.

❕Targ‘ibot tadbiri ochiq muloqot tarzida tashkil etilib, qatnashchilar o‘zlarini qiziqtirgan savollarga mutaxassislar tomonidan batafsil javoblar oldilar. Bunday uchrashuvlar aholining huquqiy ongi va madaniyatini yuksaltirish, ayniqsa, ayollar va bolalar manfaatlarini himoya qilish borasidagi islohotlarning mazmunini chuqur anglashga xizmat qilishi ta’kidlandi.

✅Telegram 🌐Instagram 📹YouTube✅Facebook

✅✅✅✅

Madaniyatga xizmat — yuksak sharaf. Nurafshonda bir guruh madaniyat xodimlari e’tirof etildi

Bugun Nurafshon shahridagi "Tong" madaniyat saroyida 15-aprel – Madaniyat va san’at xodimlari kuni munosabati bilan bayram tadbiri o'tkazildi. Ushbu sana nafaqat soha vakillari, balki jamiyatimiz ma’naviy hayotiga beqiyos hissa qo‘shayotgan insonlarga bo‘lgan e’tibor va ehtiromning yorqin ifodasi bo‘ldi.

✅️Tadbirda Nurafshon shahri hokimi Ilxom Klichxanov ishtirok etib, qatnashchilarga samimiy tabrik yo‘lladi.

Shahar hokimi o‘z nutqida madaniyat sohasi vakillarining jamiyatdagi o‘rni beqiyos ekanini alohida ta’kidlab, ularning fidokorona mehnatini yuqori baholadi hamda kelgusida ham har tomonlama qo‘llab-quvvatlash davom etishini bildirdi.

Tadbirda yillar davomida fidokorona mehnat qilib kelayotgan faxriylar, bugungi kunda madaniyat rivojiga munosib hissa qo‘shayotgan ilg‘or xodimlar va faol ijodkorlar munosib taqdirlandi. Ularning har biri o‘z mehnati, iste’dodi va tashabbusi bilan jamiyatimiz ma’naviyatini yuksaltirishda muhim o‘rin tutib kelayotgani e'tirof etildi.

✅Telegram 🌐Instagram 📹YouTube✅Facebook