#ezgulik

Nurafshon shahrida yana bir muqaddas maskan qayta ta’mirlanib, foydalanishga topshirildi

Nurafshon shahri tarixida alohida o‘rin tutgan “Mushuk ota” qadamjosi 2019-yilda O‘zbekiston Respublikasi Vazirlar Mahkamasining tegishli qaroriga asosan Moddiy madaniy merosning ko‘chmas mulk obyektlari ro‘yxatiga kiritilgan bo‘lib, bugungi kunda hududning muhim tarixiy-ma’naviy maskanlaridan biri sifatida e’tirof etiladi.

Toshkent viloyati hokimi Zoyir Mirzayev tashabbusi bilan mazkur qadamjoda keng ko‘lamli ta’mirlash va obodonlashtirish ishlari amalga oshirildi. Xususan, majmua hududi kengaytirilib, zamonaviy infratuzilma yaratildi, yashil hududlar barpo etildi hamda ziyoratchilar uchun barcha qulay sharoitlar tashkil etildi. Shu bilan birga, maskanning tarixiy qiyofasini asrab-avaylash va uning ma’naviy ahamiyatini yanada oshirishga alohida e’tibor qaratildi.

Bugun muborak Qurbon hayiti arafasida ushbu muqaddas qadamjoning ochilish marosimi bo‘lib o‘tdi. Tadbirda so‘z olgan Zoyir Mirzayev “Mushuk ota” qadamjosining boy tarixini chuqur o‘rganish, uni yosh avlodga yetkazish hamda yurtdoshlar orasida keng targ‘ib qilish muhim ahamiyat kasb etishini alohida ta’kidladi.

Mazkur bunyodkorlik ishlari yurtimizda muqaddas qadamjolarni asrash, tarixiy merosni tiklash va xalqimizning ma’naviy qadriyatlarini ulug‘lash borasida olib borilayotgan ezgu ishlarning yana bir amaliy ifodasi bo‘ldi.

✅Telegram 🌐Website 📹YouTube✅Facebook 🕊Twitter 🌐Instagram

✅✅✅✅

Nurafshon shahrida keng ko‘lamli hayriya tadbirlari bo‘lib o‘tmoqda

✅ Qurbon hayiti munosabati bilan O‘zbekiston “Mahalla” xayriya jamoat fondining Toshkent viloyati bo‘limi tomonidan "Degantepa" mahallasida istiqomat qiluvchi kam ta’minlangan oilalar, boquvchisini yo‘qotgan fuqarolar, nogironligi bo‘lgan shaxslar hamda yoshi ulug‘ keksalarga ijtimoiy yordam ko‘rsatildi.

🏷Xayriya tadbiri davomida ehtiyojmand fuqarolarga oziq-ovqat mahsulotlari jamlanmalari, maishiy texnikalar hamda turli sovg‘alar topshirildi. Ushbu ezgu tashabbus orqali aholining ijtimoiy himoyaga muhtoj qatlamlarini qo‘llab-quvvatlash, ularga mehr-oqibat va e’tibor ulashish maqsad qilindi.

✅ Bunday xayriya tadbirlari jamiyatda insonparvarlik, saxovat va birdamlik kabi yuksak qadriyatlarni mustahkamlashga xizmat qiladi.

✅Telegram 🌐Instagram 🌐Website✅Facebook

✅✅✅✅

Yurtimiz tinchligi, xalqimiz farovonligi, xonadonlarimiz obodligi uchun duolar qilindi

Nurafshon shahrida muborak Qurbon hayiti munosabati bilan hayit namozlari ado etildi. Jumladan, shahardagi “Ismat ota” jome masjidida ham bayram tongida ikki mingdan ziyod yurtdoshlarimiz ezgu amalni ado etish uchun jam bo‘ldi.

Qurbon hayiti arafasida 2000 nafar namozxonga mo‘ljallangan ushbu masjid foydalanishga topshirilgani shahrimiz aholisi uchun katta tuhfa bo'ldi. Hayit namozida Nurafshon shahar hokimi Ilxom Klichxanov ham ishtirok etib, jamoatchilik bilan birgalikda muborak ayyom tadbirlarida qatnashdi.

Yig'ilganlarga Qurbon hayitining mazmun-mohiyati, insonparvarlik, saxovat va mehr-oqibat kabi ezgu fazilatlar haqida ma’ruza qilindi. Shuningdek, ehson va xayriya tadbirlari tashkil etilib, qurbonlik amallari ado etildi. Bayram davomida yurtimiz tinchligi, xalqimiz farovonligi, xonadonlarimizga qut-baraka va fayzu baraka tilab duolar qilindi.

Mazkur muborak ayyom xalqimizning birdamligi, bag‘rikengligi hamda milliy va diniy qadriyatlarimizga bo‘lgan yuksak hurmatini yana bir bor namoyon etdi.

✅Telegram 🌐Instagram 📹YouTube✅Facebook