✅✅✅✅

26-iyun “Xalqaro giyohvandlikka qarshi kurashish kuni” munosabati bilan Nurafshon shahar hokimi Qobil Xamdamovning shahar ahli va yoshlariga murojaati.

Assalomu alaykum, aziz nurafshonliklar, qadrli ota-onalar va yoshlar!
 
Bugun men Sizlarga shahar rahbari sifatida emas, balki Sizlarning yaqiningiz, bir ota, farzandlarimiz kelajagiga befarq bo‘lmagan inson sifatida murojaat qilyapman. Bugungi kunda butun insoniyat, jumladan, bizning jamiyatimiz ham juda katta va xavfli tahdid - giyohvandlik va zahri qotil balosi bilan yuzma-yuz turibdi. Bu asr vabosi nafaqat inson sog‘lig‘ini, balki uning oilasini, kelajagini va eng achinarlisi, beg‘ubor yoshligini kuydirib kul qilmoqda.

Zamon o‘zgardi, xavf esa kuchaydi. Ilgari giyohvandlik deganda ko‘z oldimizga muayyan o‘simliklar kelgan bo‘lsa, bugungi kunda vaziyat mutlaqo o‘zgardi. Hozirgi kunda kimyoviy yo‘l bilan tayyorlanayotgan sintetik giyohvandlik vositalari va psixoaktiv dorilar (el orasida “apteka narkomaniyasi”deb atalayotgan balo) yoshlarimizni o‘z domiga tortmoqda. Bu sintetik giyohvandlik vositalari va psixoaktiv dorilar inson ruhiyati va miyasini bir necha oy ichida butunlay vayron qiladi. Eng dahshatlisi, bu zaharli moddalar virtual olam - ijtimoiy tarmoqlar va yashirin “internet-do‘konlar” orqali yoshlarimizning telefonigacha kirib bormoqda.
 
Qadrli ota-onalar, mahalla faollari va ziyolilar!

Farzandimizning tarbiyasini, ularning kimlar bilan do‘stlashayotganini va telefonda nimalar bilan bandligini nazorat qilmasak, ertaga kech bo‘lishi mumkin. “Mening bolam unday ish qilmaydi”, deb xotirjamlikka berilmaylik. Farzandlaringizning xulq-atvoridagi arzimagan o‘zgarishlarga ham e’tiborli bo‘ling.
 

Aziz Nurafshon istiqbollari boʻlgan yoshlar!

Sizlar - Nurafshonning ertangi kuni, ota-onangizning umidi va davlatimizning eng katta boyligisiz. Sizning kuch-g‘ayratingiz, ilmingiz va intilishlaringiz bizga kerak. Hech qachon qiziqish ustida bo‘lsa ham bu zaharni tatib ko‘rmang!

Sizga “zamon bilan hamnafaslik” yoki “muammolardan qochish” niqobi ostida taklif qilinayotgan har qanday shubhali modda — bu sizning kelajagingizga qo‘yilgan minadir. Bilib-bilmay bu ko‘chaga kirib qolgan do‘stlaringiz bo‘lsa, ularni qutqaring, sir tutmang, kattalarga va mutaxassislarga xabar bering. Haqiqiy kuch va zamonaviylik — giyohvandlikda emas, balki sportda, ilmda, kitobxonlikda va IT-texnologiyalarni egallashdadir!

 
Aziz nurafshonliklar!

Biz Nurafshon shahrini “Giyohvandlikdan holi hudud”ga aylantirishimiz shart. Buning uchun huquq-tartibot organlari, tibbiyot xodimlari, ta’lim maskanlari va keng jamoatchilik bir yoqadan bosh chiqarib harakat qilishimiz lozim. Shahrimizda sog‘lom turmush tarzini qaror toptirish, yoshlar uchun sport majmualari va to‘garaklarni yanada ko‘paytirish uchun bor kuchimizni safarbar etamiz. Keling, barchamiz birlashaylik! Farzandlarimizning porloq kelajagi, oilalarimizning tinchligi va osoyishtaligi uchun bu asr vabosiga qarshi birgalikda kurashaylik!

✅Telegram 🌐Instagram 🌐Website✅Facebook

#jarayon

Nurafshon shahrida Toshkent viloyati Qurilish va uy-joy kommunal xo‘jaligi sohasida hududiy nazorat qilish inspeksiyasining yangi ma’muriy binosining tantanali ochilish marosimi bo‘lib o‘tdi.

✅Telegram 🌐Website 📹YouTube✅Facebook 🕊Twitter 🌐Instagram

2026/2027 o‘quv yili uchun hujjatlar qabuli 2️⃣ 0️⃣ iyundan boshlanadi.
 
🎓Sankt-Peterburg davlat universitetining Toshkent shahridagi filiali talabasi bo‘lish imkonini qo‘ldan boy bermang!

🎓BAKALAVRIAT

➡️ Iqtisodiyot - Raqamli iqtisodiyotda xalqaro biznes
➡️ IT - Dasturlash va axborot texnologiyalari

📆Hujjatlar qabuli: 20-iyundan 10-iyulgacha

🔺 🔺 🔺 🔺 🔺 🔺 🔺 🔺 🔺 🔺

🎓MAGISTRATURA

➡️Yurisprudensiya - Xalqaro xususiy huquq
➡️ Iqtisodiyot - Raqamli iqtisodiyotda xalqaro tadbirkorlik
➡️ Sharqshunoslik - Zamonaviy Xitoy: iqtisodiyot, siyosat va jamiyat (Xitoy tilini o'rganish bilan)

📆Hujjatlar qabuli: 20-iyundan 23-iyulgacha

✅ Magistraturaga kirish uchun til sertifikati talab etilmaydi, ammo mavjud bo‘lsa, qo‘shimcha ball beriladi.

✅ Bakalavr bosqichini qaysi yo‘nalishda tamomlaganingiz ahamiyatga ega emas, istalgan magistratura yo‘nalishiga hujjat topshirishingiz mumkin.

🕕 Magistratura dars mashg‘ulotlari kechki vaqtda — soat 18:00 dan keyin o‘tkaziladi, bu esa o‘qishni ish bilan birga olib borish imkonini beradi.

🔥Qabul kvotasining 30 foizigacha davlat granti asosida tahsil olib, stipendiya olish imkoniyatiga ega bo‘lasiz.

🔥Bitiruvchilarga SPbDUning xalqaro namunadagi diplomi beriladi. Diplom nafaqat O‘zbekiston Respublikasi va Rossiya Federatsiyasida, balki dunyoning 100 ga yaqin davlatlarida ham tan olinadi (nostrifikatsiya) talab etilmaydi.

📍Filial Toshkent shahrining markazi “Oybek” metro bekati yonida joylashgan.

📞 Aloqa uchun:
+998 99 846 57 89
+998 77 777 95 85
+998 93 632 90 01
+998 99 695 46 09
Telegram oraqali murojaat qilishingiz mumkin

😎 Instagram | 😎 Telegram |🌐 spbu.uz