✅✅✅✅

Volontyor yoshlar tashabbuslari e’tibor markazida

Davlat rahbari tashabbusi bilan payshanba — “Yoshlar kuni” sifatida belgilanganidan buyon Nurafshon shahrida yoshlar bilan ochiq muloqotlar muntazam tashkil etib kelinmoqda. Har haftada aniq reja asosida o‘tkazilayotgan uchrashuvlarda yoshlarning muammo va takliflari o‘rganilib, ularni qo‘llab-quvvatlash masalalariga alohida e’tibor qaratilmoqda.

✅ Bugun ham Nurafshon shahar hokimi Q. Xamdamov, shahar prokurori T. Karimov, shahar IIB boshlig‘i A. Yuldashev hamda shahar soliq inspeksiyasi bo‘limi boshlig‘i J. Sayfiyevlar ishtirokida volontyor yoshlar bilan uchrashuv bo‘lib o‘tdi.

Unda shahardagi faol volontyor yoshlar, yoshlar yetakchilari hamda tegishli soha mas’ullari qatnashdi.

❕Uchrashuv avvalida shahar hokimi bu rasmiy tadbir emas, balki yoshlarning fikr-mulohazalari, tashabbuslari va takliflarini tinglashga qaratilgan samimiy muloqot ekanini alohida ta’kidladi.

Muloqot davomida volontyorlik faoliyatini yanada rivojlantirish, yoshlarni ijtimoiy loyihalarga keng jalb etish, volontyorlar tomonidan amalga oshirilayotgan tashabbuslar hamda kelgusidagi rejalar muhokama qilindi.

Shuningdek, volontyor yoshlar tomonidan qator taklif va tashabbuslar ilgari surilib, ularni amalga oshirish yuzasidan mas’ullarga tegishli topshiriqlar berildi. Bunday uchrashuvlar yoshlarning ijtimoiy faolligini oshirish, ularning tashabbuslarini qo‘llab-quvvatlash hamda jamiyat hayotidagi ishtirokini kengaytirishga xizmat qiladi.

✅Telegram 🌐Instagram 🌐Website✅Facebook

✅✅✅✅

Fuqarolar murojaatlarini hal etish eng ustuvor vazifa

Bugun Nurafshon shahar hokimi Q. Xamdamov boshchiligida shahar hokimligi hamda Nuroniylar maskanida aholi murojaatlarini ko‘rib chiqish hamda mavjud muammolarni hal etishga qaratilgan navbatdagi sayyor qabul o‘tkazildi.

Qabulda shahar prokurori T. Karimov, shahar IIB boshlig‘i A. Yuldashev hamda shuningdek, tegishli korxona va tashkilotlar mutasaddilari ishtirok etdi.

✅Muloqot davomida 25 ta fuqaro tomonidan ijtimoiy himoya, yer va kadastr masalalari, qurilish, kommunal xizmatlar hamda infratuzilmani rivojlantirishga oid murojaatlari bildirildi. Har bir murojaat amaldagi qonunchilik talablari asosida ko‘rib chiqilib, ularni hal etish yuzasidan mas’ullarga tegishli topshiriqlar berildi.

Ko‘tarilgan masalalarning ayrimlari qabul jarayonining o‘zida ijobiy yechim topgan bo‘lsa, qo‘shimcha o‘rganish talab etiladigan murojaatlar nazoratga olinib, ijrosi uchun mas’ul tashkilotlarga biriktirildi.

❗️Fuqarolar bilan muntazam ravishda tashkil etilayotgan bunday uchrashuvlar aholini qiynayotgan muammolarni o‘z vaqtida aniqlash, ularning yechimini topish hamda davlat organlari va fuqarolar o‘rtasidagi ochiq muloqotni mustahkamlashga xizmat qilmoqda.

✅Telegram 🌐Instagram 🌐Website✅Facebook