✅✅✅✅

NURAFSHON SHAHRIDA “XAVFSIZ VA SOGʻLOM YURT” KOMPLEKS TEZKOR-PROFILAKTIK TADBIRLARI DOIRASIDA KENG QAMROVLI NAZORAT TADBIRLARI DAVOM ETMOQDA

“Xavfsiz va sogʻlom yurt” kompleks tezkor-profilaktik tadbirlari doirasida Nurafshon shahar Ichki ishlar bo‘limi boshlig‘i A. Yuldashev rahbarligida shaxsiy tarkib ishtirokida xizmat oldi yo‘riqnomasi o‘tkazilib, jamoat xavfsizligini ta’minlash hamda huquqbuzarliklarning barvaqt oldini olish bo‘yicha ustuvor vazifalar belgilab olindi.

Hududda oylik doirasida keng ko‘lamli amaliy ishlar olib boriloqda. Jumladan, Nurafshon shahar MvaPB xodimlari hamda HPB xodimlari bilan hamkorlikda shahardagi qurilish obyektlarida nazorat tadbirlari o‘tkazildi.

Tekshiruvlar davomida mehnat faoliyati, xavfsizlik qoidalariga rioya etilishi hamda hududlarda jamoat tartibini ta’minlash masalalariga alohida e’tibor qaratildi.

Shuningdek, tungi vaqtda xizmat olib borayotgan avtoekipajlar faoliyati ko‘zdan kechirilib, xodimlarning xizmatni olib borish sifati, hushyorligi va xizmat intizomi joyiga chiqqan holda tekshirildi.

Bundan tashqari, "Ishonch" tungi xizmati faoliyati ham nazorat qilinib, mas’ul xodimlarga tegishli topshiriq va ko‘rsatmalar berildi.

Kompleks tadbirlar doirasida giyohvandlik vositalari va psixotrop moddalarning noqonuniy muomalasiga qarshi reydlar, fuqarolar o‘rtasida noqonuniy olib yurilishi taqiqlangan sovuq jismlarni aniqlash va oldini olishga qaratilgan profilaktik tadbirlar ham olib borildi.

Hurmatli Nurafshon shahri aholisi!
Yurtimiz tinchligi, mahallalarimiz osoyishtaligi va fuqarolar xavfsizligini taʼminlash barchamizning umumiy masʼuliyatimizdir. Shu bois, “Xavfsiz va sogʻlom yurt” kompleks tezkor-profilaktik tadbirlari davomida sizlarni huquqbuzarliklarning oldini olish, jamoat tartibini saqlash, shubhali holatlar haqida o‘z vaqtida huquqni muhofaza qiluvchi organlarga xabar berish hamda ushbu tadbirlarda faol ishtirok etib, yurtimiz tinchligi va xavfsizligini taʼminlashga munosib hissa qoʻshishga chorlaymiz.

✅Telegram 🌐Instagram 🌐Website✅Facebook

✅✅✅✅

Nurafshon shahar hokimi Qobil Xamdamov tomonidan aholi bilan to‘g‘ridan-to‘g‘ri muloqotni kuchaytirish, mavjud muammolarni o‘rganish va ularning yechimini topish maqsadida Birlik mahallasida navbatdagi sayyor qabul o‘tkazildi.

Qabulda shahar hokimligi mutasaddilari, tegishli korxona va tashkilotlar rahbarlari, mahalla vakillari hamda mas’ul idoralar xodimlari ishtirok etib, fuqarolar tomonidan bildirilgan taklif va murojaatlar tinglandi.

✅ Qabul jarayonida 23 nafar fuqaro o‘zlarini qiziqtirgan masalalar yuzasidan murojaat qildi. Har bir murojaat bo‘yicha batafsil muhokama o‘tkazilib, ularni ijobiy hal etishning huquqiy va amaliy mexanizmlari ko‘rib chiqildi. 3 ta murojaat shu joyning o'zida ijobiy hal etildi.

Murojaatlarning asosiy qismi uy-joy va yer munosabatlari, kadastr masalalari, infratuzilmani yaxshilash, ijtimoiy yordam, bandlikni ta’minlash, sog‘liqni saqlash hamda kommunal xizmatlar bilan bog‘liq masalalardan iborat bo‘ldi.

Qabul yakunida tegishli tashkilotlar va mas’ul rahbarlarga murojaatlarda ko‘tarilgan masalalarni belgilangan muddatlarda hal etish, ijro jarayonini doimiy nazoratga olish hamda natijalari yuzasidan fuqarolarga qonunchilikda belgilangan tartibda axborot taqdim etish bo‘yicha topshiriqlar berildi.

✅Telegram 🌐Instagram 🌐Website✅Facebook