✅✅✅✅

Nurafshon shahar Taraqqiyot mahallasida PQ–393-son qarori ijrosi doirasida keng ko‘lamli qurilish ishlari davom etmoqda. Hozirga qadar qariyb 1 kilometrga yaqin masofada yangi oqova suv tarmoqlari tortilib, ayni vaqtda mazkur hududda asfalt qoplamasini yotqizish ishlari olib borilmoqda.

✅ Mazkur qarorga muvofiq, birgina Taraqqiyot mahallasining o‘zida 8,4 kilometr uzunlikdagi yangi oqova suv tarmog‘ini qurish rejalashtirilgan. Shuningdek, Evalik, Dehqonobod, Degantepa, Yuksalish va Uchqun mahallalarida ham yangi oqova suv tarmoqlari hamda oqova nasos stansiyalarini barpo etish ishlari bosqichma-bosqich amalga oshirilmoqda.

Ushbu bunyodkorlik ishlari natijasida yuzlab xonadonlarning markazlashgan oqova suv tizimiga ulanish imkoniyati kengayadi, sanitariya-gigiyena holati yaxshilanadi hamda mahallalarning muhandislik-kommunikatsiya infratuzilmasi zamonaviy talablarga mos ravishda rivojlantiriladi.

❗️Prezidentimiz qarori ijrosi doirasida amalga oshirilayotgan mazkur loyihalar Nurafshon shahrining barqaror rivojlanishi, aholi turmush sifatini yuksaltirish va zamonaviy, qulay shahar muhitini shakllantirish yo‘lidagi muhim qadamlardan biridir.

✅Telegram 🌐Instagram 🌐Website✅Facebook

✅✅✅✅

Nurafshon shahri hududidan oqib o‘tuvchi ariq va zovurlarda tozalash hamda obodonlashtirish ishlari izchil davom ettirilmoqda. Amalga oshirilayotgan ishlar doirasida suv oqimiga to‘sqinlik qilayotgan turli maishiy chiqindilar, loyqa va begona o‘simliklar tozalanmoqda.

✅ Shu bilan birga, ariq va zovurlarning chet qismlarida beton qoplama yotqizilib, ularning mustahkamligi va uzoq muddat xizmat qilishi ta’minlanmoqda. Mazkur ishlar suvning erkin oqishini ta’minlash, sanitariya-gigiyena holatini yaxshilash, hududning obod va ozoda qiyofasini saqlash hamda mavsumiy yog‘ingarchiliklar davrida suv toshqinlarining oldini olishga xizmat qiladi.

Obodonlashtirish ishlari belgilangan reja asosida shahar hududining turli manzillarida bosqichma-bosqich davom ettirilmoqda.

#Mustaqillik_35_yil
#Obodlik_ostonadan_boshlanadi

✅Telegram 🌐Instagram 🌐Website✅Facebook

✅✅✅✅

🇺🇿Nurafshon shahrida O‘zbekiston Respublikasi davlat mustaqilligining 35 yilligi munosabati bilan tashkil etilgan "Mustaqillik to‘yi" festivallari ko‘tarinki ruh va yuqori kayfiyatda davom etmoqda.

Navbatdagi bayram tadbiri Yangiobod mahallasida bo‘lib o‘tdi. Unda mahalla faollari, nuroniylar, yoshlar hamda keng jamoatchilik vakillari ishtirok etdi.

✅Tadbir davomida Nurafshon shahar Madaniyat bo‘limi ijodkorlari tomonidan taqdim etilgan dilbar kuy-qo‘shiqlar, jozibador raqslar va badiiy chiqishlar yig‘ilganlarga unutilmas bayram kayfiyatini ulashdi.

Mazkur festival xalqimizning birdamligi, Vatanga sadoqati va mustaqillik qadriyatlarini yanada ulug‘lashga xizmat qilmoqda.

✅Telegram 🌐Instagram 🌐Website✅Facebook

✅✅✅✅

Nurafshon shahrining Nurafshon mahallasi hududidan o‘tuvchi Toshkent yo‘li ko‘chasida yo‘l ta’mirlash va asfaltlashtirish ishlari jadal davom ettirilmoqda.

Mazkur yo‘l Nurafshon shahrini qo‘shni tumanlar bilan bog‘lovchi asosiy transport yo‘nalishlaridan biri bo‘lib, harakat serqatnovligi bilan ajralib turadi.

Shu bois, yo‘l qoplamasini yangilash va infratuzilmani yaxshilash ishlari avtomobillar harakati xavfsizligini ta’minlash, yo‘lning foydalanish sifatini oshirish hamda haydovchilar va yo‘lovchilar uchun qulay sharoit yaratishga xizmat qiladi.

Obodonlashtirish va infratuzilmani yaxshilashga qaratilgan mazkur ishlar shahar yo‘l-transport tizimini yanada takomillashtirishga xizmat qiladi.

✅Telegram 🌐Instagram 🌐Website✅Facebook