#MUROJAAT

“Axtam sahoba” qabristonida umumxalq hashari o‘tkaziladi

2-avgust, yakshanba kuni Nurafshon shahridagi “Axtam sahoba” qabristonida obodonlashtirish va tozalash ishlari bo‘yicha umumxalq hashari tashkil etiladi.

Shu munosabat bilan Nurafshon shahar bosh imom-xatibi Abdurashid domla Rustamov shahar aholisiga murojaat qilib, barchani ushbu xayrli va savobli tadbirda faol ishtirok etishga chorlamoqda.

Hashar davomida qabriston hududini obodonlashtirish, tozalash va tartibga keltirish ishlari amalga oshiriladi.

Barchamiz ushbu ezgu tashabbusda hamjihatlik bilan ishtirok etib, savobli ishlarga o‘z hissamizni qo‘shaylik.

📍 Barchangizni ushbu xayrli hasharda faol ishtirok etishga chorlaymiz!

✅Telegram 🌐Instagram 📹YouTube✅Facebook

✅✅✅✅

Mahalla infrotuzilmasi yaxshilanmoqda

Ayni kunlarda Nurafshon shahrida infrotuzilmani yaxshilash, ichimlik suvi, elektr, gaz ta'minotini yaxshilash yo'nalishlarida ham keng ko'lamli amaliy ishlar olib borilmoqda.

Jumladan, To'ytepa mahallasida mahallasida chuqurligi 1 metrdan 1,2 metrgacha bo'lgan 22 kilometr uzunlikdagi yangi ichimlik suvi tarmog'i tortildi. Shuningdek, aholi xonadonlariga 600 dona zamonaviy suv hisoblagichi bepul o'rnatildi.

Prezident qarori asosida amalga oshirilayotgan ushbu loyihalar nafaqat mavjud muammolarni bartaraf etish, balki Nurafshon shahrining muhandislik infratuzilmasini zamonaviy talablar asosida rivojlantirish, aholining turmush sifatini yanada oshirish hamda kelgusidagi barqaror taraqqiyot uchun mustahkam zamin yaratishga xizmat qilmoqda.

✅Telegram 🌐Instagram 📹YouTube✅Facebook

✅✅✅✅

📺 OAV NIGOHIDA: Nurafshon shahrida 30 iyul — Xalqlar do‘stligi kuni munosabati bilan «Yagona Vatan, yagona xalq bo‘lib, yangi hayot va kelajak yaratamiz!» g‘oyasi ostida «Do‘stlik» festivali bo'lib o'tdi.

Tafsilotlar “Nurafshon TV” lavhasida.

✅Telegram 🌐Instagram 🌐Website✅Facebook

✅✅✅✅

Nurafshon shahar Xalq qabulxonasi binosida o'tkaziladigan shaxsiy qabullar jadvali

🔸Aholi murojaatlarini hal etishda yangi tizim yo‘lga qo‘yilmoqda. O‘zbekiston Respublikasi Prezidentining 2026-yil 13-mart sanasida «Aholi murojaatlarini ko‘rib chiqishga oid masalalarda» o‘tkazgan videoselektor yig‘ilishida berilgan topshiriqlaridan kelib chiqib, Nurafshon shahar hokimi va hokimning barcha o‘rinbosarlari tomonidan har haftada Xalq qabulxonasi binosida shaxsiy qabullar o‘tkazilishi belgilandi.

🌀Mazkur muntazam ravishda tashkil etiladigan shaxsiy qabullar tuman fuqarolarida yuzaga kelayotgan turli muammolarni joyida o‘rganish, ularni qisqa muddatlarda samarali hal etish va ijrosini ta’minlashda mustahkam zamin bo‘lib xizmat qiladi.

✅Telegram 🌐Instagram 🌐Website✅Facebook

✅✅✅✅

Ijtimoiy tarmoqlarda pensiya ta’minotiga oid takliflar, xususan pensiyani hisoblash tartibi bo‘yicha noto‘g‘ri (feyk) xabarlar tarqalmoqda.

❗️Fuqarolardan faqat rasmiy manbalarda e’lon qilinayotgan xabarlarga ishonishlarini va tekshirilmagan ma’lumotlarni tarqatmasliklarini so‘raymiz.

📹 Batafsil videorolikda tanishishingiz mumkin.

✅Telegram 🌐Instagram 📹YouTube✅Facebook

#telenigoh

Nurafshon shahrida 30-iyul — Xalqlar doʻstligi kuni munosabati bilan boʻlib oʻtgang bayram tadbiri "Oʻzbekiston 24" telekanalining "Axborot" dasturida namoyish etildi.

✅Telegram 🌐Website 📹YouTube✅Facebook 🕊Twitter🌐Instagram

✅✅✅✅

Shaharni binolar emas, unda yashaydigan odamlar obod qiladi!

Yaponiyalik mashhur me’mor Kisho Kurokava ta’kidlaganidek: “Shahar — tirik organizm. U o‘zgarib boradi va o‘sib boradi.” Darhaqiqat, bugun Nurafshon shahri shiddat bilan o‘zgarib, rivojlanib bormoqda.

Davlat rahbarining alohida e’tibori va tashabbuslari natijasida uzoq yillar davomida bir tumanning chekka hududi sifatida qaralgan maskan bugun Toshkent viloyatining ma’muriy markaziga aylanib, keng ko‘lamli bunyodkorlik va obodonlashtirish ishlari olib borilayotgan zamonaviy shaharga aylanmoqda.

Biroq shaharning jadal rivojlanishi bilan bir qatorda, ayrim hamshaharlarimizning dunyoqarashi, turmush tarzi, o‘z xonadoni va ko‘chasiga bo‘lgan munosabati ham zamon talablariga mos ravishda o‘zgarishi zarur. Zero, obod shahar faqat yangi binolar va zamonaviy infratuzilma bilangina emas, balki unda yashayotgan aholining madaniyati, mas’uliyati va daxldorlik hisi bilan ham barpo etiladi.

✅ Bugun Nurafshon shahar hokimi Qobil Xamdamov boshchiligida shaharni qo‘shni hududlar bilan bog‘lovchi, o‘ziga xos “darvoza” vazifasini bajaruvchi Ma’rifat va Dehqonobod mahallalaridagi Bobur ko‘chasidagi mavjud holat o‘rganildi. Afsuski, hududdagi obodonlashtirish va infratuzilma holati qoniqarsiz ekani, bir qator kamchiliklar mavjudligi qayd etildi.

Shahar hokimi aniqlangan barcha kamchiliklarni bartaraf etish yuzasidan mas’ullarga aniq va jiddiy vazifalar yukladi. Shuningdek, aholi o‘rtasida o‘z hududiga daxldorlik hisini yanada oshirish, har bir xonadon va ko‘cha obodligiga mas’uliyat bilan yondashish muhimligi ta’kidlandi.

❗️O‘rganishlar davomida uzoq vaqtdan buyon qurilishi to‘xtab qolgan hamda turli muammolarga duch kelayotgan tadbirkorlar bilan ham muloqot qilindi. Ularning muammolarini o‘rganish, faoliyatini qo‘llab-quvvatlash, qurilish ishlarini davom ettirish uchun zarur ko‘mak va amaliy yordam ko‘rsatish bo‘yicha tegishli topshiriqlar berildi.

Nurafshonning kelajagi — bugungi bunyodkorlik bilan birga, har bir fuqaroning shahar obodligiga bo‘lgan munosabatiga ham bog‘liq.

✅Telegram 🌐Instagram 📹YouTube✅Facebook

✅✅✅✅

NURAFSHONDA KENG KO‘LAMLI OBODONLASHTIRISH HASHARI O‘TKAZILDI

Nurafshon shahrida “Mahallada obodlik va mehr-saxovat oyligi” munosabati bilan “Axtam sahoba” qabristonida keng ko‘lamli obodonlashtirish va tozalash hashari tashkil etildi.

✅ Hashar jarayonlarida mingdan ortiq shahar aholisi, mahalla faollari, nuroniylar, yoshlar hamda jamoatchilik vakillari faol ishtirok etdi. Ishtirokchilar tomonidan qabriston hududini chiqindilardan tozalash, daraxtlarni oqlash va parvarishlash, mavjud yashil hududlarni tartibga keltirish, obodonlashtirish hamda ko‘kalamzorlashtirish ishlari olib borildi.

Mazkur ezgu tashabbusdan ko‘zlangan asosiy maqsad — qabriston hududlarini ozoda va obod saqlash, atrof-muhitni yanada ko‘rkamlashtirish, shuningdek, aholi o‘rtasida mehr-oqibat, hamjihatlik va saxovat kabi insoniy fazilatlarni keng targ‘ib etishdan iborat.

Bunday umumxalq hasharlari yurtimizda obodlik va farovonlikni ta’minlash, mahallalar qiyofasini yanada chiroyli qilish hamda aholini bunyodkorlik ishlariga keng jalb etishda muhim ahamiyat kasb etmoqda.

✅Telegram 🌐Instagram 🌐Website✅Facebook