✅✅✅✅

Kuz-qish mavsumiga tayyorgarlik: elektr tarmoqlari modernizatsiya qilinmoqda

Nurafshon shahrida kuz-qish mavsumini betalafot o‘tkazish, elektr ta’minotining barqarorligini ta’minlash hamda iste’molchilarga uzluksiz elektr energiyasi yetkazib berish maqsadida elektr tarmoqlarida ta’mirlash va modernizatsiya ishlari olib borilmoqda.

🔹 Yangiobod MFY hududidagi TP-963 transformator punktida beton ustunlarga SIP kabellar tortilmoqda. Shuningdek, 12-sonli ko‘p qavatli uy hududida shikastlangan elektr simlarini modernizatsiya qilish ishlari amalga oshirilmoqda.

🔹 Navro‘z MFY hududida TP-189, 250 kVA quvvatli transformatorning mavjud yuklamasini kamaytirish va elektr ta’minotini yanada barqarorlashtirish maqsadida qo‘shimcha 250 kVA quvvatga ega TP-140 transformatorini o‘rnatish ishlari olib borilmoqda.

❗️Mazkur chora-tadbirlar kuz-qish mavsumida elektr tarmoqlarida yuzaga kelishi mumkin bo‘lgan ortiqcha yuklamalarning oldini olish, tarmoqlarning ishonchliligini oshirish va aholi xonadonlarini barqaror elektr energiyasi bilan ta’minlashga qaratilgan.

✅Telegram 🌐Instagram 🌐Website✅Facebook

✅✅✅✅

Nurafshon dehqon bozorida tartib va xavfsizlik masalalari o‘rganildi

Bugun Nurafshon shahar hokimi Qobil Xamdamov, shahar prokurori To‘lqin Karimov hamda shahar IIB boshlig‘i Azizbek Yuldashev ishtirokida Nurafshon dehqon bozoridagi mavjud holat o‘rganildi.

✔️O‘rganish davomida bozordagi narx-navo, xaridorlar va sotuvchilar uchun yaratilgan shart-sharoitlar, savdo tartibi, jamoat xavfsizligi hamda yong‘in xavfsizligini ta’minlash borasidagi ishlar ko‘zdan kechirildi.

✔️Shuningdek, noqonuniy savdoning oldini olish, savdo faoliyatini tartibga solish va soliq tushumlarini ta’minlash masalalariga alohida e’tibor qaratildi.

Jarayon davomida aholi va savdogarlar bilan bevosita muloqot qilinib, ularning murojaatlari, taklif va muammolari tinglandi.
O‘rganishda kadastr, kommunal xizmat ko‘rsatuvchi tashkilotlar hamda Favqulodda vaziyatlar bo‘limi mas’ullari ham ishtirok etdi.

❗️Aniqlangan kamchiliklarni bartaraf etish, bozorda tartib-intizom va xavfsizlikni mustahkamlash, savdogarlar hamda xaridorlar uchun qulay sharoitlarni yaxshilash yuzasidan mas’ullarga aniq vazifa va topshiriqlar berildi. Ularning ijrosi nazoratga olindi.

✅Telegram 🌐Instagram 📹YouTube✅Facebook

✅✅✅✅

Nurafshonda kambag‘allikni qisqartirish bo‘yicha maxsus shtab faoliyati yo‘lga qo‘yildi

🇺🇿 O‘zbekiston Respublikasi Prezidenti Shavkat Mirziyoyev raisligida joriy yil 3-sentabr kuni “Kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalari” yuzasidan o‘tkazilgan videoselektor yig‘ilishida belgilangan vazifalar ijrosini ta’minlash maqsadida Nurafshon shahrida Xorazm tajribasi asosida kambag‘allikni qisqartirish bo‘yicha maxsus shtab faoliyati yo‘lga qo‘yildi.

Mazkur shtabning asosiy vazifasi — har bir oila bilan manzilli ishlash, ularning muammolarini chuqur o‘rganish va mavjud imkoniyatlarni aniq natijaga yo‘naltirishdan iborat.

Shtab faoliyati doirasida:
✔️ kambag‘al va ehtiyojmand oilalar holati mahalla va oila kesimida o‘rganiladi;
✔️ ishsiz fuqarolarni doimiy ish bilan ta’minlash choralari ko‘riladi;
✔️ fuqarolarni tadbirkorlikka jalb qilish, ularga mos biznes loyihalarni shakllantirish va moliyaviy imkoniyatlardan foydalanishiga ko‘maklashiladi;
✔️ aholi kasb-hunarga o‘qitilib, zamonaviy kasblarga yo‘naltiriladi;
✔️ har bir oilaga mos ravishda barqaror daromad manbai yaratish bo‘yicha individual yechimlar ishlab chiqiladi;
✔️ banklar, bandlik va iqtisodiy kompleks tashkilotlari bilan hamkorlikda muammolarni joyida hal etish choralari ko‘riladi.

Prezident yig‘ilishida ta’kidlanganidek, kredit ajratishning o‘zi yakuniy natija hisoblanmaydi. Asosiy mezon — ajratilgan mablag‘ hisobiga qancha doimiy ish o‘rni yaratilgani va nechta oila barqaror daromad manbaiga ega bo‘lganidir. Shuningdek, fuqarolarga faqat moliyaviy resurs emas, balki bozor, texnologiya, kasb, biznes-reja va sotuv zanjirini qamrab olgan kompleks yechim taklif etish zarurligi belgilandi.

📈Xorazm tajribasida ham aynan har bir mahalla va oilaning imkoniyatlarini o‘rganish, mavjud resurslarni aniq loyihalar va barqaror ish o‘rinlariga aylantirishga asosiy e’tibor qaratilmoqda.

Nurafshon shahrida ham mazkur shtab faoliyati orqali har bir oilaning muammosini o‘rganishdan tortib, uni barqaror daromad manbaiga ega qilishgacha bo‘lgan jarayon manzilli va natijador tarzda tashkil etiladi.

✅Telegram 🌐Instagram 🌐Website✅Facebook