✅✅✅✅

Kambag‘allikni qisqartirish bo‘yicha topshiriqlar ijrosi manzilli nazorat qilinmoqda

🇺🇿Prezident raisligida joriy yil 3-sentabr kuni o‘tkazilgan yig‘ilishda belgilangan vazifalar ijrosini ta’minlash maqsadida Nurafshon shahar hokimi Qobil Xamdamov boshchiligida yig‘ilish o‘tkazildi.

Unda kambag‘allikni qisqartirish, oilalar daromadini oshirish va ularning ijtimoiy-iqtisodiy holatini yaxshilash borasida amalga oshirilayotgan ishlar tanqidiy tahlil qilindi.
Yig‘ilishda mahallalarga biriktirilgan vakillar tomonidan tegishli qaror asosida ishlarni tizimli tashkil etish, reyestrga kiritilgan oilalarni to‘liq xatlovdan o‘tkazish hamda har bir kambag‘al oila bilan individual ishlash masalalariga alohida e’tibor qaratildi.

✅ Shuningdek, kambag‘al oilalar vakillarini doimiy ish bilan ta’minlash, bog‘cha yoshidagi farzandlarini maktabgacha ta’lim bilan qamrab olish, katta yoshdagi farzandlarni turli to‘garaklarga jalb etish, oilalarni faol va tajribali lider tadbirkorlarga biriktirish, fuqarolarning daromadlarini legallashtirish va rasmiylashtirish bo‘yicha aniq vazifalar belgilandi.

Shahar shtabi tomonidan belgilangan vazifalarning “mahalla yettiligi” tomonidan bajarilishi holati ham tanqidiy ko‘rib chiqildi. Mas’ullarga mavjud sustkashliklarni bartaraf etish, har bir oila bilan manzilli ishlash va belgilangan topshiriqlarni sifatli hamda o‘z vaqtida yakunlash yuzasidan tegishli ko‘rsatmalar berildi.

❗️Yig‘ilish yakunida mas’ullarga har bir oilaning muammosini aniqlash, mavjud imkoniyatlardan samarali foydalanish va oilalarni kambag‘allikdan chiqarishga qaratilgan individual amaliy choralarni kuchaytirish topshirildi.

✅Telegram 🌐Instagram 📹YouTube✅Facebook