✅✅✅✅

Obod turmush mahallasidagi bunyodkorlik va obodonlashtirish ishlari

💠Nurafshon shahar "Obod Turmush" MFY Shon Shuhrat ko‘chasida joylashgan ko‘p qavatli uylarning podyezdlarini ta’mirlash va hududni obodonlashtirish ishlari izchil davom ettirilmoqda.

✔️Xususan, “Bekzod Servis 777” BSK tomonidan ko‘p qavatli uylar podyezdlarining ichki qismi ta’mirlanib, devor va shiftlar oqlanmoqda, zinapoyalar tartibga keltirilmoqda hamda umumiy foydalanish joylarining holati yaxshilanmoqda.

Shu bilan birga, ko‘p qavatli uylar atrofida sanitariya-tozalash va obodonlashtirish ishlari amalga oshirilib, to‘planib qolgan chiqindilar, xazonlar hamda daraxt shoxlari maxsus texnikalar yordamida hududdan olib chiqilmoqda.

🔘Mazkur ishlar ko‘p qavatli uylarda istiqomat qiluvchi aholi uchun qulay va ozoda yashash sharoitlarini yaratish, hudud infratuzilmasini yaxshilash hamda mahallaning obodligini ta’minlash maqsadida amalga oshirilmoqda.

✅Telegram 🌐Instagram 📹YouTube✅Facebook

✅✅✅✅

Iste’molchilarning huquqiy va moliyaviy savodxonligi oshirilmoqda

🇺🇿O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasining 2026-yil 26-avgustdagi 209-ICH-sonli buyrug‘i ijrosini ta’minlash maqsadida Nurafshon shahrining Taraqqiyot va Ma’rifat mahallalarida iste’molchilarning huquqiy bilimlari va moliyaviy savodxonligini oshirishga qaratilgan seminarlar tashkil etildi.

✔️Tadbirda iste’molchilar huquqlarini himoya qilish yo‘nalishida faoliyat yurituvchi mas’ullar, Oila va xotin-qizlar bo‘limi mutaxassisi F. Jumaboyeva, jamoatchilik faollari hamda xotin-qizlar ishtirok etdi.

✔️Seminarlar davomida aholining, xususan, ijtimoiy-iqtisodiy jihatdan qiyin vaziyatga tushib qolgan ayollar va uy bekalarining huquqiy bilimlarini oshirish, iste’molchilar amaliyotda ko‘p duch kelayotgan muammoli holatlar yuzasidan tushuntirishlar berishga alohida e’tibor qaratildi. Shuningdek, shartnomaviy munosabatlarda iste’molchilarning huquq va majburiyatlari, moliyaviy mablag‘lardan oqilona foydalanish hamda moliyaviy xavflarning oldini olish bo‘yicha zarur tavsiyalar berildi.

❕Bunday targ‘ibot va tushuntirish tadbirlari aholining iste’molchi sifatidagi huquqlarini bilishi, moliyaviy qarorlarni ongli ravishda qabul qilishi hamda o‘z manfaatlarini qonuniy himoya qila olish ko‘nikmalarini mustahkamlashga xizmat qiladi.

✅Telegram 🌐Instagram 📹YouTube✅Facebook