✅✅✅✅

“Yangi O‘zbekiston massivi”dagi qurilish ishlari tahlil qilindi

✅Nurafshon shahrining Yangiobod MFY hududidagi “Yangi O‘zbekiston massivi”da ko‘p qavatli uylar, ijtimoiy soha obyektlari hamda muhandislik-kommunikatsiya tarmoqlarini barpo etish borasida amalga oshirilayotgan ishlar yuzasidan shahar hokimi Q. Xamdamov raisligida tahliliy yig‘ilish o‘tkazildi.

✔️Unda loyihachi va pudrat tashkilotlar, tashabbuskor quruvchilar, shahar elektr, suv va gaz ta’minoti bo‘limlari rahbarlari hamda Kadastrlar palatasi shahar bo‘limi mas’ullari ishtirok etdi.

🔘Yig‘ilish davomida hududda barpo etilayotgan ko‘p qavatli uylarning qurilish-montaj ishlari, shuningdek, elektr, suv, gaz va boshqa muhandislik-kommunikatsiya tarmoqlarini tortish bilan bog‘liq masalalar atroflicha muhokama qilindi. Aniqlangan kamchiliklarni bartaraf etish, ishlarni jadallashtirish va belgilangan vazifalarni o‘z vaqtida bajarish yuzasidan mutasaddi tashkilotlar rahbarlariga tegishli topshiriqlar berildi.

✔️Xususan, ko‘p qavatli uylarni issiqlik bilan ta’minlash maqsadida barpo etilayotgan qozonxonadagi qurilish-montaj ishlarining belgilangan sur’atda olib borilmayotgani qayd etilib, pudrat tashkiloti rahbariga ishlarni jadallashtirish bo‘yicha aniq ko‘rsatmalar berildi. Shahar hokimligining qurilish bo‘yicha bosh mutaxassisi A. Haydarovga mazkur obyektlarda olib borilayotgan ishlarni doimiy nazoratga olish topshirildi.

❗️Yig‘ilish yakunida “Yangi O‘zbekiston massivi”dagi barcha qurilish va infratuzilma loyihalarini belgilangan talablar asosida sifatli va o‘z muddatida amalga oshirish, mavjud muammolarni tezkor bartaraf etish hamda mas’ul tashkilotlar o‘rtasidagi hamkorlikni kuchaytirish bo‘yicha aniq vazifalar belgilab berildi.

✅Telegram 🌐Instagram 🌐Website✅Facebook

✅✅✅✅

Nurafshonda xotin-qizlar bandligi va ijtimoiy holati o‘rganildi

✅Respublika Oila va xotin-qizlar qo‘mitasi bo‘lim boshlig‘i K.T. Norqulova hamda shahar hokimi o‘rinbosari N. Djumanova ishtirokida Nurafshon shahrining “Obod”, “Oybek”, “Birlik” va “Mumiy” mahallalarida xotin-qizlar bilan ishlash tizimi o‘rganildi.

🔘O‘rganish davomida mahallalarda xotin-qizlar balansini shakllantirish, ularning ijtimoiy holatini o‘rganish, mavjud muammolarini aniqlash hamda har bir murojaat va ehtiyojdan kelib chiqib individual ishlash masalalariga alohida e’tibor qaratildi.

🔘Shuningdek, “qizil” va “sariq” toifalarga kiritilgan xotin-qizlarning xonadonbay holati o‘rganilib, ularning bandligini ta’minlash, daromad manbaini yaratish, ijtimoiy qo‘llab-quvvatlash hamda mavjud muammolarini bartaraf etish bo‘yicha amalga oshirilayotgan ishlar tahlil qilindi.

O‘rganish jarayonida aniqlangan masalalar yuzasidan mas’ullar bilan fikr almashilib, muammolarni joyida hal etish va xotin-qizlarga ko‘rsatilayotgan yordamning manzilliligini ta’minlash bo‘yicha tegishli vazifalar belgilandi.

❗️Belgilangan chora-tadbirlarning ijrosi mas’ullar tomonidan nazoratga olinib, xotin-qizlar bilan ishlash samaradorligini yanada oshirishga qaratilgan amaliy ishlar davom ettiriladi.

✅Telegram 🌐Instagram 🌐Website✅Facebook

✅✅✅✅

Ijtimoiy reyestrdagi oilalar — e’tibor va manzilli ko‘mak markazida

Nurafshon shahar “Inson” ijtimoiy xizmatlar markazi tomonidan Ijtimoiy reyestrga kiritilgan davlat ta’minotidagi oilalarning xonadonlariga borilib, ularning ijtimoiy holati va ehtiyojlari o‘rganilmoqda.

Qumariq, Navro‘z, Obod, To‘ytepa, Birlik, Oppoq, Taraqqiyot, Degantepa, Dehqonobod, Obod Turmush, Hurriyat mahallalarida olib borilayotgan o‘rganishlar jarayonida:

🔹 oilaga zarur ijtimoiy xizmatlarning ko‘rsatilishi va samaradorligi;
🔹 mehnatga layoqatli oila a’zolarini ishga joylashtirish imkoniyatlari va rasmiy daromad manbalari;
🔹 oila a’zolarining bandligi va o‘zini o‘zi band qilish imkoniyatlari;
🔹 ajratilgan kredit, subsidiya va boshqa moliyaviy ko‘maklarning maqsadli sarflanganligi;
🔹 oilaning mavjud muammolari hamda ularni hal etish bo‘yicha individual choralar belgilanmoqda.

Asosiy maqsad — oilani faqat nafaqa yoki moddiy yordam bilan ta’minlash emas, balki uning ijtimoiy va iqtisodiy barqarorligini ta’minlash, mehnatga jalb etish hamda doimiy daromad manbasini shakllantirish.

Har bir xonadon — alohida yondashuv.
Har bir oila — aniq ehtiyoj.
Har bir ko‘mak — manzilli va natijaga yo‘naltirilgan.

✅Telegram 🌐Instagram 📹YouTube✅Facebook