#Yoshlar_kuni

Nurafshonda yoshlar bilan navbatdagi ochiq muloqot o‘tkazildi

Nurafshon shahrida “Yoshlar kuni” doirasida yoshlarning muammo va takliflarini o‘rganish, ularni qo‘llab-quvvatlash hamda tashabbuslarini amalga oshirishga ko‘maklashish maqsadida navbatdagi ochiq muloqot tashkil etildi.

Unda shahar hokimi Qobil Xamdamov, shahar prokurori T. Karimov hamda shahar soliq inspeksiyasi boshlig‘i J. Sayfiyev ishtirok etdi. Uchrashuv davomida yoshlarning tadbirkorlik, bandlik, kasb-hunar o‘rganish, moliyaviy ko‘mak va mavjud imtiyozlardan foydalanishga oid murojaatlari tinglandi.

Bildirilgan murojaat va takliflar yuzasidan mas’ullarga tegishli topshiriqlar berilib, muammolarni belgilangan tartibda hal etish hamda yoshlar tashabbuslarini qo‘llab-quvvatlash bo‘yicha amaliy choralar belgilandi.

✅Telegram 🌐Instagram 🌐Website✅Facebook

#bandlik

Nurafshon shahrida aholi, xususan, yoshlar bandligini ta’minlash, ularni daromadli va doimiy ish o‘rinlariga joylashtirish borasida keng ko‘lamli amaliy ishlar olib borilmoqda.

Mazkur yo‘nalishdagi ishlar shahar hokimi Qobil Xamdamov tomonidan alohida nazoratga olinib, yoshlarning bandligini ta’minlashga alohida e’tibor qaratilmoqda.

Ana shunday tadbirlardan biri kuni kecha tashkil etildi. Shahar soliq inspeksiyasi boshlig‘i Jasur Sayfiyev boshchiligida bir guruh yoshlar Nurafshon shahridagi ish o‘rinlari mavjud bo‘lgan korxonalarga tashrif buyurdi.

Tashrif davomida yoshlar korxonalarning faoliyati, mavjud bo‘sh ish o‘rinlari, mehnat sharoitlari va ishga joylashish imkoniyatlari bilan yaqindan tanishdilar.

Eng muhimi, bu jarayon yoshlar uchun shunchaki tanishuv emas, balki o‘zlari istagan yo‘nalishda mehnat faoliyatini boshlash uchun muhim imkoniyat bo‘ldi. Tashrif doirasida yoshlarni ishga joylashtirish bo‘yicha ham amaliy choralar ko‘rildi.

✅Telegram 🌐Instagram 🌐Website✅Facebook